လူငယ်တွေကို အဓိကထားပြီး ပြောချင်ပါတယ်။ လူငယ်ဆိုတာ အနာဂတ်ကို ကိုယ်ဝန်လွယ်ထားရတဲ့ မိခင်လောင်းတွေ မဟုတ်လား။ အနာဂတ်ဟာ သူတို့ရဲ့လက်ထဲမှာရှိနေခဲ့တယ်။ လူငယ်ပီပီ အားမာန်တက်ကြွမှုတွေရှိတယ်။ ယခုလူငယ်တွေဟာ ပိုပြီးတောင် အမြင်ကျယ်လာနေခဲ့တယ်။ အရာရာကို မျက်ကန်းယုံကြည်မှုမျိုးတွေကို သူတို့လက်ခံကြတော့ဘူး။ လေ့လာမှုအားကောင်း တယ်။ ဗဟုသုတကြွယ်ဝတယ်။ လူသားချင်းစာနာထောက်ထားမှုတွေကို အလေးဂရုပြုတတ်လာခဲ့တယ်။ ဒီတော့ လူငယ်တွေကောင်း မှ အနာဂတ်ကမ္ဘာကြီးဟာ ပိုမိုကြည်လင်ပြီးတော့ တိုးတက်မှုတွေနဲ့ ရုပ်လုံးကြွနေလိမ့်မယ်မဟုတ်လား။ ဒီတော့ သူတို့လေးတွေ ကောင်းဖို့ အရမ်းလိုအပ်တယ်။
အခု ကမ္ဘာကြီးကိုက လူငယ်တွေကို နေရာတွေပေးကြပြီ။ နေရာပေါင်းများစွာမှာ လူငယ်တွေ တာဝန်တွေ ယူနေကြပြီ။ ဒါကိုပဲ ကမ္ဘာကြီးအနေနဲ့လိုအပ်နေတဲ့ ကွက်လပ်များစွာအတွက် တုန့်ပြန်မှုလို့ဆိုရမှာပေါ့။ တစ်ချို့လူငယ် တွေကတော့ ကျောင်းစာကိုဆုံးခန်းတိုင်အောင် သင်ယူကြရတယ်။ အချို့ကျတော့လည်း မသင်ယူကြဘူး။ တစ်ချို့ကတော့ စိတ်ပါ ပေမယ့် အကြောင်းကြောင်းကြောင့် မတက်ဖြစ်တာတွေ ရှိခဲ့ပါတယ်။ ဒါတွေကို တွေးပြီး အားငယ်မနေဖို့လိုပါတယ်။
အခုကမ္ဘာပေါ်မှာ လူငယ်တွေကို နေရာတွေပေးနေတယ်ဆိုတာ အားလုံးသိတဲ့တိုင်းပဲ။ နိုင်ငံရေးနယ်ပယ်မှာ အထင်ကရဖြစ်နေတဲ့ လူတွေကို အနည်းငယ်ပြောပြလိုပါတယ်။ စီးပွားရေးအရ၊ စစ်ရေးအရဖြစ်ဖြစ် အင်အားအကြီးဆုံး အမေရိကလိုနိုင်ငံကြီးမှာ ပထမဆုံးလူမည်းသမ္မတအဖြစ် ဘားရက်အိုဘားမားကို အသက်ငယ်ဆုံးသမ္မတအဖြစ် ရွေးချယ်ခဲ့ကြတယ်။
အခု လက်ရှိဝန်ကြီးချုပ် ဂေါ်ဒွန်ဘရောင်း နှုတ်ထွက်သွားတဲ့ အင်္ဂလန်လိုတိုင်းပြည်ကြီးမှာလည်း ကြည့်ပါ၊ အခုဆိုရင် အသက်ငယ်ဆုံး ဝန်ကြီးချုပ်အဖြစ် ကွန်ဆာဗေးတစ်ပါတီခေါင်းဆောင် ဒေးဗဒ်ကင်မရွန်းကို ရွေးချယ်လိုက်ကြတယ်။ သူဟာလည်း အသက် ၄၃နှစ်သာရှိသေးပါတယ်။ သူဟာ နှစ်ပေါင်းနှစ်ရာနီးပါးသက်တမ်းမှာတော့ ဗြိတိန်ဝန်ကြီးချုပ်အဖြစ် အသက် ငယ်ဆုံးဖြစ်လာမှာဖြစ်ပါတယ်။ ဒါတွေဟာ လူငယ်တွေကို တော်ရင်တော်သလို နေရာတွေပေးလာနေတဲ့သဘောပေါ့။
ဖိလစ်ပိုင်နိုင်ငံဟာ သမ္မတရွေးကောက်ပွဲတိုင်းလိုလို ပဋိပက္ခဖြစ်ပွားလေ့ရှိတဲ့ တိုင်းပြည်တစ်ခုလို့ဆိုရမှာပေါ့။ ဒါပေမယ့် ပြီးခဲ့သော ရွေးကောက်ပွဲများနှင့် နှိုင်းယှဉ်ပါက အခုလောလောလပ်လပ်ပြီးသွားခဲ့တဲ့ ရွေးကောက်ပွဲကသာလျှင် အေးချမ်းမှု၊ စည်းစနစ်ကျန မှုရှိကြောင်း ဖိလစ်ပိုင်လုံခြုံရေးတပ်ဖွဲ့ကနေ ထုတ်ဖော်ပြောဆိုသွားပါတယ်။ အဲဒီမှာလည်း နွိုင်နွိုင်အကီနိုဟာ ဖိလစ်ပိုင်သမ္မတဖြစ် လာရန် လုံးဝဆိုသလို သေချာနေခဲ့ပါပြီ။ သူနဲ့အဓိက ပြိုင်ဘက်ကတော့ ဖိလစ်ပိုင်သမ္မတဟောင်းဖြစ်ခဲ့သူ ဂျိုးဇက်အက်စ်ထရာဒါ ဖြစ်ပါတယ်။ သူဟာ အသက်အတွေ့အကြုံရှိသူဖြစ်သော်လည်း အသက်ကတော့ ၇၂-နှစ်ရောက်နေပါပြီ။ ဒါပေမယ့် ဖိလစ်ပိုင်ပြည် သူလူထုကတော့ လူငယ်ဖြစ်တဲ့ နွိုင်နွိုင်အကီနိုကို ရွေးချယ်ကြတော့မှာဖြစ်ပါတယ်။
နောက်တစ်ယောက်ကတော့ အာဏာရှင်သမ္မတရဲ့သားဖြစ်သူဟာ သူ့ဖခင်ကို လမ်းမှန်ရောက်အောင် တွန်းတင်ပို့လိုက် ခြင်းလို့ ဆိုရင်လည်းမမှားပါဘူး။ လစ်ဗျားနိုင်ငံဟာ အခြေခံဥပဒေရှိသင့်ကြောင်းကို တိုင်းသိ၊ပြည်သိ ထုတ်ဖော်ပြောသွားခဲ့တယ်။ လစ်ဗျားနိုင်ငံဟာ ဖခင်ဖြစ်သူ ကဒါဖီးကိုယ်တိုင် စိတ်တိုင်းကျ ပြဌာန်းထားတဲ့ ဂရင်းဘုတ်ခ်ခေါ် အခြေခံစည်းမျဉ်းများနဲ့ ရပ်တည်နေ ရတာဟာ နှစ်ပေါင်းလေးဆယ်ကျော်လာခဲ့ပါပြီ။ ဒါကို သားဖြစ်တဲ့ နိုင်ငံရေးကို စိတ်ဝင်စားတဲ့ ဆာအစ်အယ်လ်အစ္စလမ်ကဒါဖီက အီဂျစ်နိုင်ငံကို ရောက်ရှိနေစဉ်မှာ တရားဝင်ထုတ်ဖော်ပြောသွားတယ်။ ဘာပြောသွားလဲဆိုတော့။ သူ့ဖခင် ရေးဆွဲထားတဲ့ ဂရင်းဘုတ်ခ် ဟာ ဖွဲ့စည်းပုံအခြေခံဥပဒေ မဟုတ်ကြောင်း၊ တိုင်းပြည်တစ်ခုဟာ ဖွဲ့စည်းအုပ်ချုပ်ပုံ အခြေခံဥပဒေမရှိဘဲ ရေရှည်ရပ်တည်နေမယ် ဆိုရင် ဆိုးကျိုးများစွာ ကြုံတွေ့လာနိုင်ကြောင်း၊ လစ်ဗျားနိုင်ငံမှာ အမျိုးသမီးများကို ခွဲခြားဆက်ဆံခံရမှုမျိုးစုံနဲ့ ရင်ဆိုင်ခံစားနေ ရကြောင်း၊ မိမိတို့မှာ ခိုင်မာသည့် ဖွဲ့စည်းပုံအခြေခံဥပဒေမရှိလျှင် လစ်ဗျားလူ့အဖွဲ့အစည်းသည် အရင်းအမြစ်ဆုံးရှုံးမှုများ ကြုံတွေ့ရတော့မည်ဟု မိမိယူဆကြောင်း အယ်အစ္စလမ်ကဒါဖီက ရဲရဲတောက်စကားကို ပြောကြားလိုက်တယ်။
ဒါဟာ လူငယ်တစ် ယောက်ရဲ့ အပြောက်မြောက်ဆုံး ဖခင်ကိုတိုင်းပြည်အတွက် တိုက်ခိုက်ခြင်းပဲဖြစ်ပါတယ်။ ဒီတော့ လူငယ်တွေအနေနဲ့ နိုင်ငံရေးမှာ ပဲဖြစ်ဖြစ်၊ စီးပွားရေးမှာပဲဖြစ်ဖြစ်၊ ပညာရေးမှာပဲဖြစ်ဖြစ် နေရာတွေပေးတတ်လာပြီး။ လူငယ်တွေကလည်း မိမိစွမ်းဆောင်နိုင်တဲ့ အခြေအနေမျိုးကနေ နေရာတွေ ယူတတ်လာကြပြီ။ အခြားအခြားသော နေရာအသီးသီးမှာလည်း လူငယ်တွေထိပ်တန်းကနေ ဦးဆောင်နေခဲ့ကြပြီမဟုတ်လား။ ဒါကြောင့် လူငယ်တွေဆိုတာ အနာဂတ်ကို ကိုယ်ဝန်ဆောင်နေကြတဲ့ မိခင်လောင်းတွေပဲပေါ့။
