အခုတလော နယ်ကမိဘတွေက ဖုန်းဆက်ကြပါတယ်။ သူတို့သားသမီးများ တက္ကသိုလ်ဝင်တန်းစာမေးပွဲ အောင်ကြောင်း၊ အမှတ်ဘယ်လောက်ရကြောင်း၊ ဘယ်လိုင်းမီကြောင်းစသဖြင့်ပေါ့။ နောက်ပြီးတော့ ဘာယူခိုင်းရမလဲဆိုတာတွေကိုလည်း မေးကြပါတယ်။ မေးတဲ့သူတိုင်းကို ပြန်လည်ပြီးတော့ ပြောဖြစ်တာကတော့ ကလေးတွေ ဝါသနာပါရာကိုပဲ ယူပါစေ၊ တက်ပါစေလို့။ သူတို့ဝါသနာပါရာ၊ အားသန်ရာကို ယူခြင်းကသာ သူတို့ဘဝအတွက် ပိုမိုပြီးတော့ အဆင်ပြေကြောင်း၊ အံဝင်မှုရှိမည်ဖြစ်ကြောင်း ပြန်လည်ပြီးတော့ ပြောဖြစ်ခဲ့ပါတယ်။
ပညာရေးစနစ်ကို ပြုပြင်ပြောင်းလဲဖို့ အခြေခံဥပဒေတွေလည်း အတည်ပြုပြီးလည်းဖြစ်ပါတယ်။ ဒါကိုတော့ အချို့အချက်တွေကတော့ ဗဟိုချုပ်ကိုင်မှုနဲ့ ကျောင်းသားများရဲ့ အခွင့်အရေးစတာတွေနဲ့ မလျော်ညီမှုတွေကြောင့် အခုအချိန်အထိတော့ ဒီဥပဒေလည်း ဘာမှဖြစ်မလာသေးပါဘူး။ အမှတ်နဲ့ဆုံးဖြတ်တဲ့ ပညာရေးမှာတော့ အမှတ်မီ တဲ့ကျောင်းသားတွေက မေဂျာကောင်းကောင်းယူနိုင်ပြီးတော့ အမှတ်မမီတဲ့ကျောင်းသားတွေက မီရာကိုပဲတက်ကြရတဲ့ အနေအထားဆိုတော့ မိဘတွေအနေနဲ့လည်း ကိုယ့်သားကိုယ့်သမီး လိုင်းကောင်းကောင်းရအောင် ဖိအားတွေပေးခဲ့ ကြပါတယ်။ ဆိုတော့ ကလေးတွေက ကျက်ပြီးတော့ စာမေးပွဲကို အမှတ်ကောင်းအောင် အတင်းရုန်းကန်ခဲ့ကြရ ပါတယ်။ ဒီကိစ္စက ဒီမှာတင်ရပ်မသွားသေးဘဲ ရလာတဲ့အမှတ်နဲ့ ဘယ်လိုင်းမီလို့ ဘာတက်စေချင်တာဆိုတဲ့အထိ တွေးခေါ်နိုင်တဲ့ကလေးငယ်ရဲ့ အနာဂတ်ကိုလည်း မိဘတွေက ချုပ်ကိုင်လာခဲ့ကြပါတယ်။ ဒီတော့ ဖြစ်ထွန်းသင့်သ လောက် မဖြစ်ထွန်းတော့ဘဲ တချို့ဆိုရင် ပျက်စီးသွားတဲ့အနေအထားထိ ရောက်သွားခဲ့ပါတယ်။
အကောင်းဆုံးကတော့ ကိုယ့်သားသမီးရဲ့ ဝါသနာကိုအဓိကထားပြီးတော့ တက်စေဖို့ကို ဦးစားပေးပြီးတော့ စဉ်းစားသင့်ပါတယ်။ ဒါပေမဲ့အခု ဒီလိုမဟုတ်ဘဲ မိဘတွေက သူတို့ဖြစ်ချင်တာကိုပဲ ကလေးဝါသနာပါတာ မပါတာ အရေးမထားဘဲ တက်ခိုင်းလိုက်ကြပါတယ်။ ဒါဟာ ကောင်းစေချင်တဲ့ဆန္ဒဖြစ်နေပေမယ့် လက်တွေ့မှာတော့ အကျိုး မရှိဘဲ အလဟဿဖြစ်သွားတာတွေ၊ အချိန်ကုန်တာတွေ၊ ငွေကုန်တာတွေပဲ အဖတ်တင်ပြီးတော့ ကျန်ခဲ့ရတာတွေ လည်း မကြာခဏကြားရ၊ တွေ့ရပါတယ်။ ဒါကြောင့် ကျောင်းသားကို ကိုယ်ပိုင်ဆုံးဖြတ်ချက်ချပြီးတော့ သူတို့ကိုယ် တိုင် ရွေးချယ်စေခြင်းကသာ ကောင်းမွန်တဲ့ရလဒ်ကို ရရှိမှာဖြစ်ပါတယ်။
တချို့ဆိုရင် ငွေမရှိပေမယ့် ကိုယ့်သား သမီးကအမှတ်ကောင်းနေတော့ နှစ်များစွာစတေးရတဲ့ ငွေကုန်လှတဲ့ လိုင်းကို အပင်ပန်းခံပြီးတော့ ထားခဲ့ကြပါတယ်။ ပညာရေးကို ချီးမြှောက်တာကတော့ ဘာမှပြောစရာမရှိပါဘူး။ ကောင်းပါတယ်။ ဒါပေမယ့် ခုနကပြောသလို ကလေးကဝါသနာ ပါ၊ မပါကို မဆန်းစစ်ဘဲ၊ မလေ့လာဘဲ၊ မမေး မြန်းဘဲ ဘာလိုင်းယူပါဆိုတာကို မိဘဖြစ်သူတွေက တချက်လွှတ်အမိန့်ချမှတ်ပြီးတော့ ချပေးလိုက်ပါတယ်။ ဒါပေမယ့် ကလေးက သူဝါသနာပါရာမဟုတ်တော့ စာထဲမှာစိတ်မဝင်စား၊ မတက်ချင်၊ မိဘကြောက်လို့ ယူထားရတာဖြစ်တာ ကြောင့် သူဝါသနာမပါရာကို ယူထားရတော့ စာမေးပွဲတွေကျ၊ စိတ်တွေလေလာပြီး နောက်ဆုံးကျောင်းက ထွက်ရတဲ့ အခြေအနေမျိုးအထိ ဖြစ်သွားရတာတွေလည်း မနည်းမနောပါပဲ။
ဟိုနေ့က အိန္ဒိယဇာတ်ကားလေး ကြည့်လိုက်ရပါတယ်။ ဒီအခြေအနေတွေကို မီးမောင်းထိုးပြသွားတဲ့ ဇာတ် ကားလေးပါပဲ။ ပညာရေးစနစ်ရဲ့ ရေလိုက် ငါးလိုက်လွဲမှားနေတာတွေ၊ သင်ရိုးတွေရဲ့ ခေတ်မမီတော့တာတွေ၊ မိဘတွေရဲ့ နာမည်အတွက်ကိုပဲကြည့်ပြီး ကိုယ့်သားသမီးတွေကို မရှိမဲ့ ရှိမဲ့စုပြီးတော့ အဆင့်မြင့်ကျောင်းကြီးတွေမှာ ထားတာတွေ၊ တကယ့်လက်တွေ့ဘဝမှာ စာအုပ်ထဲက စာဟာအရေးမပါကြောင်းတွေ၊ ဆရာတွေရဲ့ အတ္တစိတ် ကြီးစိုးမှုတွေ၊ မိဘတွေအနေနဲ့ သူတို့ကိုယ်တိုင်က ဖြစ်သလိုနေ၊ ကျန်းမာရေးတွေ ချို့တာတောင် လျစ်လျူရှုထားပြီးတော့ ကျောင်းသားအတွက် ပညာသင်စရိတ်ထောက်ပံ့ရတာတွေကို ပုံဖော်ထားတဲ့ ဇာတ်ကားလေးပါပဲ။ အတုယူဖို့ကောင်း ပါတယ်။ လေ့လာစရာတွေ၊ လက်ရှိပညာရေးစနစ်အတွက် ဝေဖန်ဆန်းစစ်ပြီး ပြုပြင်သင့်တာတွေလည်း အတော်များ များကိုပဲ ပါခဲ့ပါတယ်။
ကိုယ်တက်ချင်တာ မတက်ရ၊ ကျောင်းရောက်တော့လည်း ကိုယ်ဝါသနာပါရာကို ကိုယ်တိုင်စူးစမ်းရှာဖွေ လေ့လာ၊ တီထွင်ပေမယ့် ဆရာက အသိအမှတ်မပြု၊ လူကြားထဲ အရှက်ခွဲခံရပြီးတော့ ကျောင်းသားကို ဥပေက္ခာ ပြုတာကြောင့် ကျောင်းသားက စိတ်ဓာတ်ကျ၊ နောက်ဆုံးကိုယ့်ကိုယ်ကို သတ်သေသွားရတဲ့အခန်းလေးကို ကြည့်ရ တော့ စိတ်ထဲမှာမကောင်းဖြစ်မိပါတယ်။ မှန်ပါတယ်။ ဒီလိုမျိုး လူငယ်တွေ ဘယ်လောက်ထိ စတေးခဲ့ရပြီးပြီလဲဆိုတာ စဉ်းစားသင့်ပါတယ်။ တက္ကသိုလ်ဝင်တန်းစာမေးပွဲ မအောင်လို့ ကလေးကို မဖြေသိမ့်တဲ့အပြင် နာကျင်အောင် စကားလုံးတွေကို ပစ်ပေါက်မိတဲ့အတွက် ကိုယ့်ကိုယ်ကိုသတ်သေသွားတဲ့ ကလေးတွေကိုလည်း ကြားဖူးပါတယ်။ ဒါတွေဟာ တကယ်ကြည့်ရင်တော့ မိဘတွေရဲ့ တစ်ကိုယ်ကောင်းဆန်မှုကြောင့်ပါပဲ။
နောက်တစ်ချက် မူကြိုအရွယ်ကလေးတွေအခြေအနေဟာလည်း စိုးရိမ်စရာကောင်းပါတယ်။ ကလေးတွေမှာ အချိန်မရှိသလောက်ဖြစ်နေခဲ့ရတာတွေပါ။ တကယ်တော့ ဒါတွေဟာ ကလေးကိုချစ်ရာမရောက်မပါဘူး။ နှစ်ရာ ရောက်စေသလိုဖြစ်ပါတယ်။ မနက်မိုးလင်းကနေ မိုးချုပ်အထိ စာ စာ စာ ဆိုပြီး တစာစာနဲ့ ကလေးကို ချုပ်နှောင် သလိုဖြစ်နေတာဟာ ကလေးတွေရဲ့ ဖွံ့ဖြိုးမှုအတွက် စိုးရိမ်စရာကောင်းတဲ့အနေအထားဖြစ်တတ်ပါတယ်။ အချို့ ကလေးငယ်လေးတွေဟာ မိဘရင်ခွင်ထဲမှာ နေရဖို့နေနေသာသာ ထမင်းစားချိန်တောင် သီးသန့်မထားနိုင်ဘဲ ကျောင်း သွား၊ ကျူရှင်သွားတဲ့ ကားထဲမှာပဲ ဖြစ်ကတတ်ဆန်စားနေခဲ့ရတာတွေလည်း မနည်းမနောပါပဲ။ တကယ့်တော့ ကလေးဆိုတာ ဆော့ချိန်တန်ရင် ဆော့ဖို့လိုအပ်ပါတယ်။ ထိုနည်းတူစွာပါပဲ နားချိန်တန်ရင် နားဖို့၊ အိပ်ချိန်တန်ရင် အိပ်ဖို့စတာတွေလည်း လိုအပ်ပါတယ်။ ဒါဟာ မိဘတွေအနေနဲ့ ကလေးကိုချစ်ခြင်းမဟုတ်ပါဘူး။ သူတို့အတွက်လည်း မဟုတ်ပါဘူး။ သူတို့ရှေ့ရေးအတွက်လို့ ထင်ကောင်ထင်နေပေမယ့် ဒါဟာ ကြီးမားတဲ့အန္တရာယ်တစ်ခုဆီကို ပို့ပေး သလိုဖြစ်တတ်ပါတယ်။
ဒါတွေကတော့ ပညာရေးနဲ့ပတ်သက်ပြီးတော့ ပြောပြလိုက်ခြင်းပါပဲ။ တကယ်တော့ အခြားအခြားသော ကိစ္စတွေ၊ လုပ်ငန်းခွင်တွေမှာလည်း လူငယ်တွေကို သူတို့ဝါသနာပါရာကိုပဲ လုပ်စေခြင်းကသာ ပိုမိုပြီးတော့ အောင်မြင်မှု၊ ပျော်ရွှင်မှုဆီကို ရောက်စေနိုင်ပါတယ်။ လုပ်ငန်းခွင်တွေမှာလည်း သူတို့ဝါသနာပါလားမသိဘဲ မိဘအမွေဆိုပြီးတော့ ဆက်လက်မောင်းနှင်သွားဖို့ ကြီးမားတဲ့လုပ်ငန်းခွင်ကို ဦးစီးစေတာဟာလည်း ကြီးမားတဲ့ဆုံးရှုံးမှုတွေဆီကို ရောက်စေ တတ်ပါတယ်။ အသေချာဆုံးကတော့ သူတို့ဝါသနာပါရာကို လုပ်ခွင့်ပေးလိုက်ခြင်းဟာ ထိရောက်ပါတယ်။ ဒီလိုမျိုး သူတို့ဝါသနာပါရာကို လုပ်ကိုင်တော့မယ်ဆိုရင်တော့ ဘေးကနေ အကြံÓာဏ်ပေးပါ၊ စောင့်ကြည့်ပါ၊ ထောက်ပြပါ၊ အရင်းအနှီး ထုတ်ပေးပါ။ တစ်ခုခုလောက် အလွဲအချော်ဖြစ်သွားတာကို ရစရာမရှိအောင် အပြစ်တင်တဲ့လေသံနဲ့ ဝေဖန်တာတွေကို မလုပ်မိအောင် သတိထားဖို့လည်း လိုအပ်ပါတယ်။ ဒါကသာ သူတို့ဘဝရဲ့ အနာဂတ်ကို မြှင့်တင် ပေးရာရောက်သလို၊ အောင်မြင်မှုဆီကိုလည်း တွန်းပို့ပေးရာ ရောက်ပါလိမ့်မယ်။
အချုပ်အားဖြင့်ပြောရရင်တော့ မိဘတွေဟာ တကယ့်စစ်မှန်တဲ့ချစ်ခြင်းမျိုးနဲ့ ချစ်မိအောင်၊ ချစ်တတ်အောင် ငါကို ရှေ့တန်းမတင်မိပါစေနဲ့၊ တကယ်တော့ ကိုယ်ဖြစ်ချင်တာတွေဖြစ်အောင် အတင်းတွန်းတိုက်ပြီး နောက်ကနေ ထိုးနှက်နေတာတွေဟာ ငါ့အတွက်ပဲဖြစ်ပါတယ်။ သားသမီးတွေအတွက် မဟုတ်ပါဘူး။ သားသမီးတွေအတွက်ဆိုရင် တော့ ခုနကပြောခဲ့တဲ့ ပညာရေးမှာပဲဖြစ်ဖြစ်၊ အခြား စီးပွားရေး၊ လူမှုရေး၊ ကျန်းမာရေးစတဲ့ အရေးကိစ္စတိုင်းမှာ သူတို့ ဝါသနာပါရာကိုပဲ လုပ်ကိုင်ဖို့ လိုက်လျောသင့်ပါတယ်။ ဒါပေမယ့် ဒီလိုလိုက်လျောတဲ့အခါမှာလဲ ဖြစ်ချင်ရာ ဖြစ်ဆိုတဲ့သဘောမဟုတ်ဘဲ သွန်သွင်ဆုံးမပြီးတော့ လမ်းမှားနေရင်တော့ လမ်းမှန်ကိုရောက်အောင် လမ်းညွှန်ပေး ရပါလိမ့်မယ်။ လုံးဝလျစ်လျူရှုပစ်တာမျိုးမဟုတ်ဘဲ နောက်ကနေ ထိမ်းချုပ်ပေးဖို့တာမျိုး၊ တကယ်လို့ လမ်းမှား ရောက်သွားခဲ့ရင်လည်း အဖတ်ဆည်လို့မရအောင် စကားလုံးတွေနဲ့ မပစ်ပေါက်မိအောင် သတိထားပြီးတော့ ရှေ့ ဆက်ပြီးတော့ ကလေးတွေရဲ့ဝါသနာအတိုင်း ဖြောင့်ဖြောင့်ဖြူးဖြူး သွားနိုင်အောင် လုပ်ပေးခြင်းကသာ ကောင်းမွန် တဲ့ အခြေအနေကို ရောက်စေပါလိမ့်မယ်လို့ ဆိုချင်ပါတယ်။
မောင်မင်းစိုး
အတွဲ ၂၊ အမှတ်- ၂။ The Myanmar Review ဂျာနယ်၊၂ဝ၁၅။
