ရွှေဆံပင်တံတားအကြောင်း အပိုင်းအစလေးပါ။

အောက်ပါလင့်လေးမှ သွားရောက်ကြည့်နိုင်ပါသည်။ http://www.youtube.com/watch?feature=player_embedded&v=71F1qryfFoM

စိတ်လိုက်မာန်ပါရဲ့ နောက်ဆက်တွဲဆိုးကျိုး

သတင်းများကပြောသော ဆင်ခြင်ဖွယ်ရာ(၁)
    အခုတလော အွန်လိုင်းစာမျက်နှာများရော၊ ပြည်တွင်းထုတ် ဂျာနယ်အတော်တော်များများမှာတော့ စိတ်လိုက်မာန်ပါ လုပ် လိုက်မိပြီး လူသတ်မှုတွေအထိ ကျူးလွန်းတဲ့သတင်းတွေ ဖတ်နေရတာ စိတ်မကောင်းစရာအဖြစ်အပျက်တွေလို့ ဆိုရမှာပေါ့။ ဘာဖြစ်လို့လည်းဆိုတော့ အချို့သော အဖြစ်အပျက်လေးတွေဟာ ဘာမှမဟုတ်တဲ့ကိစ္စလေးတွေနဲ့ သေစေတဲ့အမှုတွေအထိ ကျူးလွန်း တာဟာ နှစ်ဦးနှစ်ဖက် ဘဝပျက်တာကနေ ဘဝဆုံးရှုံးတဲ့အထိ စလေးလိုက်ကြရပါတယ်။ ဒါဟာ ဘာကြောင့်ဖြစ်ရတာလဲဆိုတော့ အဓိကတော့ စိတ်ပါပဲ။ စိတ်ဆိုတဲ့နေရာမှာတော့ ကောင်းတဲ့စိတ်၊ မကောင်းတဲ့စိတ်ဆိုပြီး ခွဲခြားသိဖို့တော့ လိုအပ်ပါတယ်။ မကောင်းမှုဆိုတဲ့ အကုသိုလ်လုပ်ရပ်ရဲ့ လက္ခဏာကတော့ အပြစ်နှင့်တကွဖြစ်ခြင်း။ မကောင်းသောအကျိုးကို ပေးခြင်းဆိုပြီး ဖွင့်ဆိုထားပါတယ်။ ဒါကတော့ မကောင်းမှုလုပ်တိုင်းဖြစ်ပေါ်လာမယ့် အကျိုးတရားပေါ့။ အထူးသဖြင့် လောလောလတ်လတ်ဖြစ်ပေါ်နေတဲ့ မကောင်းမှုတွေ ကို ကြည့်လိုက်မယ်ဆိုရင်တော့ ဒေါသစိတ်ကြောင့် အဓိကဖြစ်ပေါ်နေတာ တွေ့ရပါတယ်။
    ဒေါသံ အတ္ထံ န ဇာနာတိ-ဒေါသဖြစ်ပေါ်နေရင်၊ ကောင်းတာ၊ မကောင်းတာ၊ အကျိုးရှိတာ၊ မရှိတာ ခွဲခြားပြီးမသိတော့ဘူး တဲ့။ ဆိုလိုတာက ဒေါသလွှမ်းမိုးတဲ့အတွက် မကောင်းမှုတွေမွှန်နေပြီး ဘာမှမမြင်တော့တဲ့သဘောပေါ့။ မှန်ပါတယ်။ ဒေါသဟာ လောကကြီးကို အပြုသဘောဘယ်တော့မှ မဆောင်စေဘဲ အပျက်သဘောကိုပဲ အမြဲတန်းဦးတည်စေပြီး ကမ္ဘာကြီးတစ်ခုလုံး ဟိုဟိုဒီဒီ မီးဟုန်းဟုန်းတောက်လောင်နေကြရတာဖြစ်ပါတယ်။ ဒါဟာ ခုနကပြောခဲ့သလို ဒေါသအခြေခံပြီး ဖြစ်ပေါ်လာတဲ့ ကိစ္စရပ်တွေ ဖြစ်ပါတယ်။ အခုတလော အင်တာနက်နဲ့ ဂျာနယ်မှာ အတော်လေး ဟိုးလေးတကြော်ဖြစ်သွားတဲ့ သတင်းအချို့ကို ပြောပြချင်ပါတယ်။ နစ်နာစေလိုတဲ့ သဘောမဟုတ်ပါဘူး။ လူငယ်လေးတွေအနေနဲ့ အထူးသတိပြုပြီး လိုက်နာပြီး သင်ခန်းစာလေးတွေ ယူစေချင်တဲ့ ဆန္ဒကြောင့် အပြုသဘောနဲ့ ထောက်ပြဝေဖန်တဲ့အနေနဲ့ ပြောပြလိုခြင်းဖြစ်ပါတယ်။
    ကမာရွတ်မြို့နယ်၊ ဗဟိုလမ်းမှာရှိတဲ့ တိုက်ခန်းတစ်ခုမှာ ရုပ်ရည်ချောမောပြီး ဘယ်လိုမှ မထင်ရက်စရာဖြစ်ပေမယ့် လူသတ်တရားခံ ဖြစ်သွားရတဲ့ ဒီသတင်းဟာ အတော်လေးကိုပြန်နှံ့သွားပါတယ်။ အိမ်ဖော်မလေးကို ညှင်းပန်းနှိပ်စက်မှုနဲ့ လူသတ် တရားခံဖြစ်သွားခြင်း ဖြစ်ပါတယ်။ တကယ်တော့ ဒီအဖြစ်အပျက်လေးဟာ သိပ်ပြီးမထူးဆန်းလှတဲ့ အဖြစ်အပျက်လေးပါပဲ။ ဒါပေမယ့် နောက်ဆုံးတော့ လူသတ်မှုအထိ အထမြောက်သွားခြင်းဟာ သူ့ရဲ့တက်လမ်းကို ရိုက်ချိုးခံလိုက်ရခြင်းပဲ ဖြစ်ပါတယ်။ သူဟာ ပြည်တွင်း ရုပ်သံဇာတ်လမ်းတွဲတစ်ခုမှာ သရုပ်ဆောင်တစ်ယောက်အနေနဲ့ အရွေးခြယ်ခံထားရတဲ့ မိန်းကလေးတစ်ဦးဖြစ်ပါတယ်။ ဒါကြောင့် သူ့ရဲ့ အနာဂတ်ထင်ပေါ်ကြားမှုဆိုတဲ့ လမ်းကြောင်းပေါ်ကနေ သူကိုယ်တိုင်ဆွဲချ လိုက်ခြင်းပဲဖြစ်ပါတယ်။ အသက်အရွယ် ကောင်းတုန်း၊ နုပျိုလန်းဆန်းနေတဲ့အရွယ်၊ ရုပ်ရည်ကလည်းချောမောလှပပြီး ပြည်သူချစ်သောသရုပ်ဆောင်ဆိုတဲ့ လမ်းကြောင်းပေါ် ကို မကြာခင်အချိန်လေးအတွင်းမှာ လျှောက်လှမ်းရမယ့် အခွင့်အရေးတွေ အလိုလိုဆုံးရှုံးသွားတယ်ဆိုတော့ ဒါဟာသူ့ရဲ့ ပင်ကိုယ် ဗီဇကြောင့်ပဲလား၊ သို့မဟုတ် တခဏတွင်းဖြစ်ပေါ်သွားတဲ့ ဒေါသစိတ်ကလေးကို မထိန်းသိမ်းလိုက်နိုင်လို့ပဲလား အခုတော့ ရေစုန် မျောသွားရပြီးပေါ့။
    အနာဂတ်မှာ မဖြစ်မနေ နေရာတစ်ခုခုမှာ တာဝန်ယူကြရမယ့် လူငယ်လေးတွေအနေနဲ့ ဒါမျိုးလေးတွေကို အတုယူစေ ချင်ပါတယ်။ မကြာခင်တဲ့အချိန်တိုကလေးအတွင်းမှာ အစစအရာရာဆိုသလို ပုခုံးလက်ပြောင်းအနေနဲ့ ထမ်းဆောင်ကြရတော့ လူမှုရေးရာအဖြာဖြာတွေအတွက် စိတ်ဓာတ်ကို မြှင့်တင်ထားဖို့ လိုပါတယ်။ စိတ်ဓာတ်မြှင့်တယ်တယ်ဆိုတာ စိတ်ဓာတ်ဖြူစင်ပြီး၊ အကောင်းမြင်စိတ်နဲ့ နူးညံ့တဲ့၊ စာနာတတ်တဲ့၊ ခွင့်လွှတ်သည်းခံတတ်တဲ့၊ သနား ကြင်နာတတ်တဲ့ စိတ်ကလေးတွေနဲ့ လောကကြီး ကို အမိအရဆုပ်ကိုင်ပြီး လှပစွာ အနာဂတ်ခရီးလမ်းကို ရဲရဲဝံ့ဝံ့ထမ်းဆောင်စေချင်ပါတယ်။ ဒါကြောင့် တကယ်လို့ လူငယ်ပီပီ ဒေါသကြောင့် ဖြစ်ပေါ်လာတဲ့ မနာလိုမှုတွေ၊ မုန်းတီးမှုတွေ၊ ရန်ငြိုးဖွဲ့မှုတွေစတဲ့ မကောင်းမှုတွေကို ခုချိန်ကစပြီး ရှောင်ရှားနိုင်ဖို့၊ ကိုယ့်စိတ်ကို ပြုပြင်ထိန်းသိမ်းနိုင်ဖို့ တိုက်တွန်းလိုပါတယ်။ ဒေါသစိတ်ကလေးကို ချုပ်ကိုင်လိုက်တာနဲ့ တပြိုက်နက် နောက်ဆက်တွဲ ဆိုးကျိုးတွေလည်း မဖြစ်ပေါ်တော့ဘဲ အလိုလို ပယ်ရှင်းလိုက်သလိုဖြစ်သွားတယ်။ ဒါကြောင့် ခဏတွင်းဖြစ်ပေါ်လာတဲ့ ဒေါသစိတ်ကလေးကို သတိတရားဆိုတဲ့ ချည်တိုင်မှာ မြဲမြံစွာ ချည်နှောင်ယစ်ဖွဲ့ပြီး ထိန်းသိမ်းနိုင်ဖို့ အလွန်ပဲ အရေးကြီးလှပါတယ်။
     ယော ဝေ ဥပ္ပတိတံ ကောဓံ၊ ရထံ ဘန္တံဝ ဝါရယေ။
    တမဟံ သာရထိံ ဗြူမိ၊ ရသ္မိဂ္ဂါဟော ဣတရော ဇနော။
    လိမ္မာတဲ့ ရထားထိန်းဟာ လျင်မြန်စွာ ပြေးသွားနေတဲ့ ရထားကို(လမ်းမလွဲရအောင်) ထိန်းချုပ်တားမြစ်နိုင်သလို ဖြစ်ပေါ် လာတဲ့ အမျက်ဒေါသကို တားမြစ်နိုင်သူအား လိမ္မာတဲ့ ရထားထိန်းဟူ၍ ငါဘုရားရှင် မိန့်ဆို၏။
ဤမှတပါး ရိုးရိုးပကတိ ရထားထိန်း သည် ရထားကြိုးကိုင်မျှသာ မည်ပေ၏။
Whosever checks his rising anger as a clever driber a rolling-charoit-him
    I call a true charioteer; other are only rein- holder.
    ဒါနဲ့တဆက်တည်းပြောရမယ်ဆိုရင် ချစ်သူရဲ့လှည့်စားမှုကို ခံရတယ်ဆိုပြီး ကိုယ့်ချစ်သူကို မီးရှို့သတ်ခဲ့တဲ့ လူငယ်တစ်ယောက် အကြောင်းကိုလည်း ဖတ်လိုက်သေးပါတယ်။ ဒီနေရာမှာလည်း တကယ်ဆန်းစစ်ကြည့်မယ်ဆိုရင် လှည့်စားသူရော၊ လှည့်စားခံရတဲ့ လူရော မကောင်းတဲ့အဖြစ်ဆိုးမျိုး ကြုံတွေ့လိုက်ရတာပါပဲ။ တကယ်တော့ မီးရှို့သတ်တယ်ဆိုတာဟာလည်း အတော်လေးကို ရက်စက် လွန်းတဲ့ အဖြစ်အပျက်ပါပဲ။ နောက်တစ်ဖက်ကတွေးမယ်ဆိုရင်လည်း တစ်ဖက်ကလည်း မီးရှို့သတ်ခံရလောက်အောင် လှည့်စား လိုက်တာဟာ မကောင်းတဲ့လုပ်ရပ်ပါပဲ။ ဆိုတော့ ဒါတွေဟာ ဒေါသစိတ်ကြောင့်ဖြစ်ပေါ်သွားရတဲ့ မကောင်းတဲ့ဆိုးကျိုးတွေပါ။ သေသွားတဲ့လူလည်း မကောင်းသလို၊ မီးရှို့သတ်တယ်ဆိုတဲ့ ချစ်သူဟာလည်း ဘယ်လိုပဲဖြစ်ဖြစ် ဥပဒေရဲ့အပြစ်ပေးခြင်းကိုတော့ မုချ ခံစားရပါလိမ့်မယ်။ အလားတူပါပဲ ပုဇွန်တောင်မှာလည်း အမျိုးသမီးတစ်ဦးကို မောက်မာတယ်ဆိုတဲ့ စွပ်စွဲချက်နဲ့ ခဏတွင်း ဖြစ်ပေါ်သွားတဲ့ ဒေါသကြောင့်ပဲ လူသတ်မှုဖြစ်သွားပြန်ပါတယ်။
    လူသတ်တရားခံရဲ့ အပြောအရတော့ အဖြစ်အပျက်ဟာ ဘာမှမပြောပလောက်တဲ့ လမ်းသွားစင်လေးမှာ ဖြစ်သွားရတဲ့ အကြောင်းပါပဲ။ လမ်းဘေးကရေအိုင်လေးမှာ ရေဆေးစဉ် အနီးအပါးက ဖြတ်လျှောက်သွားတဲ့ အမျိုးသမီးကို စင်သွားခြင်းကြောင့် တောင်းပန်မှုလုပ်ခဲ့သော်လည်း ညစ်ညမ်းစွာဆဲရေးမှုတွေ လုပ်တာကို မကျေနပ်ဘဲ အငြိုးအတေးထားပြီး လက်စားချေလိုက်တဲ့ အမှုတစ်ခုပေါ့လေ။ တစ်ခါတလေမှာတော့ အမှုလေးတွေဟာ ဘာမှမဟုတ်ဘူးဆိုပေမယ့် ခံစားလိုက်ရတဲ့ လူတွေဟာ ဒါကိုတနုံ့နုံ့တွေးပြီး မခံမရပ်နိုင်ဖြစ်သွားပြီး ရန်ငြိုးတေးထားလိုက်ပါတယ်။ အခွင့်သာတုန်းမှာတော့ ပြန်လည်ပြီးတော့ ရန်ြေ<ွကးဆပ်လိုက်မယ်ဆိုတဲ့ ရန်တုန့်မှုတွေကြောင့် မဖြစ်သင့်တာတွေ ဖြစ်သွားရတာပါပဲ။ ဒါဟာလည်း သတိတရား မေ့လျော့ပြီး ပြန်လည်ကာ လက်စားချေ ကိုချေမယ်ဆိုတဲ့ မကောင်းတဲ့ဒေါသစိတ်ရဲ့ လွှမ်းမိုးမှုကို တွန်းမလှန်နိုင်ဘဲ အနိုင်ယူသွားခံ ရတာဖြစ်ပါတယ်။ ဒါကြောင့် မဖြစ်သင့် မဖြစ်ထိုက်တာတွေ မဖြစ်အောင် ဒေါသစိတ်ကို ထိန်းသိမ်းနိုင်ဖို့၊ လူ့ဘဝဆိုတဲ့ ခရီးတစ်ခု လေးမှာ နားခိုစရာအဖြစ် ခဏတာဝင်ရောက် နားခိုကြရတဲ့အခိုက် အေးအေးလူလူ နားခိုနိုင်ဖို့နဲ့ လူသားအသိတွေ ဖြန့်ဝေနိုင်ဖို့ အရေးပါလှပါတယ်။ တကယ်တော့ လူ့ဘဝဆိုတာ ဘယ်ချိန်လေးမှာ ကွယ်ပျောက်သွားမလဲဆိုတာ မှန်းဆလို့တောင် မရတဲ့အနေအထားပါပဲ။ ဒါကြောင့် ခဏတာလူ့အဖြစ်ကို တန်ဖိုးရှိတဲ့စွမ်းဆောင်မှုတွေနဲ့ နေထိုင်သွားနိုင်ဖို့ အလွန်ပဲအရေးတကြီး လိုအပ်လှပါတယ်။
    နောက်ဂျာနယ်တစ်စောင်မှာ ဖတ်လိုက်ရတဲ့ အဖြစ်အပျက်လေးတစ်ခုပါ။ ဒီအဖြစ်အပျက်ကလည်း သာမန်အဖြစ်အပျက် ပါပဲ။ ဒါပေမယ့် ဆိုင်ပိုင်ရှင်ဖြစ်သူရဲ့ ဖြေရှင်းချက်ကိုတော့ နားမလည်သလို ဖြစ်သွားရပါတယ်။ အလုပ်ထုတ်တဲ့ ကိစ္စတွေကြောင့် တိုင်တန်းလိုက်တဲ့ ကိစ္စပါပဲ။ အလုပ်သမားတွေကဘက်ကနေ ရပ်တည်သွားတဲ့အတွက်ကြောင့် အလုပ်ပြုတ်သွားတဲ့ မန်နေဂျာရဲ့ အပြောကတော့ အဆိုပါအလုပ်ရှင်ဟာ အလုပ်သမားတွေကို ဆုံးမတာဟာ တစ်ခါတလေမှာ သွေးထွက်သံယိုအထိ ရိုက်နှက်မှုတွေကို ပြုလုပ်တယ်လို့ဆိုပါတယ်။ ဒါကြောင့် သူ့အနေနဲ့ ဒီအလုပ်ကို ပြန်လုပ်ဖို့အတွက် နောင်လာမယ့်အလုပ်သမားတွေကို ဒီလိုမျိုး ရိုက်နှက်မှုတွေ မပြုလုပ်အောင် တိုင်ကြားခြင်းဖြစ်တယ်လို့ဆိုပါတယ်။ ဒီအထိကတော့ ဘာမှထူးထူးထွေထွေ မပြောချင်ပါဘူး။ ဒါပေမယ့် ညှိနှိုင်းပြီးအဆင်ပြေသွားတယ်ဆိုပေမယ်။ အလုပ်ရှင်ရဲ့ ထွက်ဆိုချက်ကြီးကိုတော့ မနှစ်မြို့ပါဘူး။
    သူထွက်ဆိုသွားတာက ''ကျွန်တော်ကိုယ်ထိလက်ရောက် လုပ်တယ်ဆိုတာကလည်း မိဘတစ်ယောက်လို ဆုံးမတာပါ''တဲ့။ ဒါကိုတော့ စိတ်ထဲမှာ တစ်မျိုးကြီးလို့ ခံစားရပါတယ်။ သူ့အနေနဲ့ အလုပ်သမားတွေကို မိဘတစ်ယောက်လို့ ဆုံးမပိုင်ခွင့်ရှိသလား ဆိုတဲ့ မေးခွန်းပါပဲ။ ဒါဟာ သူ့ကိုအပြစ်တင်လိုတဲ့သဘောမဟုတ်ဘူး။ နောက်သောအခါမှာ ဒီလိုထွက်ဆိုချက်ကြီးနဲ့ အမှုပြီးသွားမယ် ဆိုတာကြီးတွေ မဖြစ်အောင် အသိပေးခြင်းပါပဲ။ ညှိနှိုင်းပြီးအဆင်ပြေသွားတာကိုတော့ ကျေနပ်ပါတယ်။ ဒါပေမယ့် ဒီအဖြေမျိုးကြီး စာမျက်နှာပေါ် ရောက်လာပြီး လုပ်သက်သုံးလအတွက်း အထုတ်ခံရလို့ တစ်လစာနစ်နာကြေး ပေးပြီးအမှုကျေအေးလိုက်တယ်ဆိုတဲ့ သတင်းကြီးအနေနဲ့တော့ တက်လာတာကြားရသူအတွက် သိပ်ပြီးအဆင်မပြေသလိုဖြစ်သွားလို့ပါ။ စောဒကတက်လာမယ်။ ခုနကတော့ ဒေါသစိတ်ကို ဖြေဖို့ပြောနေပြီး အခုရှေ့နောက်မညီဘဲ ရေးပြန်ပြီဆိုတဲ့သဘော။ နားလည်မှုလွဲနေသလားလို့၊ နောက်တစ်ချက်ကလည်း ဒီလို ဒေါသရှေ့ထားမှုတွေနဲ့ မဖြစ်သင့်တဲ့အမှုတွေ ဆက်ပြီးမကျုးလွန်မိအောင် မီးမောင်းထိုးပြတဲ့သဘောပါ။ မိမိအနေနဲ့ လေ့လာ ဖူးတဲ့၊ မှတ်သားဖူးတဲ့ အပြည်ပြည်ဆိုင်ရာလူ့အခွင့်အရေး ကြေညာစာတမ်း အပိုဒ် (၅)မှာတော့ ဒီလိုလေး မှတ်သားဖူးလို့ပါ။ မည်သူ့ကိုမျှ မတရားနှိပ်စက်ခြင်း မပြုရတဲ့ ဟုတ်သလားဆိုတာ အဲဒီကြေညာစာတမ်းကို ပြန်ဖတ်ကြည့်ပေါ့လို့ပဲ မှာကြားလိုက်ချင် ပါတယ်။ ဒီတော့ သူ့ရဲ့ထွက်ဆိုချက်ဖြစ်တဲ့ မိဘတစ်ယောက်လို ဆုံးမတာပါဆိုတာ သဘာဝကျသလားဆိုတာ တွေးကြည့်စေချင်ပါတယ်။  ကဲထားပါ။ အဓိကကတော့ ကျေလည်သွားတာကိုပဲ ကိုယ်နဲ့မဆိုင်ဘဲ ကျေနပ်မိပါတယ်။
    ပြန်ပြောချင်တာကတော့ ဒီလိုဒေါသစိတ်တကို ရှေ့တန်းတင်ပြီး မပြုသင့်တာတွေ မပြုမိအောင်၊ မလုပ်သင့်တာတွေ၊ မလုပ် မိအောင်၊ မပြောသင့်တာတွေ မပြောမိအောင် မိမိတို့ရဲ့ စိတ်ကလေးတွေကို သတိဆိုတဲ့ချည်တိုင်မှာ မြဲမြဲမြံမြံ ချည်နှောင်ထားနိုင်ပါစေ ကြောင်း တိုက်တွန်းရင်း ကဗျာလေးတစ်ပုဒ်ကို လက်ဆောင်ပေးလိုပါတယ်။ ဒီကဗျာကလေးကတော့ စလေးဦးပုညအနေနဲ့ မြို့ဝန် ဦးသာအိုးအနေနဲ့ အဆုံးစီရင်ခံခဲ့ရပြီး သေအံ့ဆဲဆဲမှာ ရေးသားထားခဲ့တဲ့ ကဗျာလေးဖြစ်ပါတယ်။
    ဟုတ်ပလေ၊ နှုတ်ချွေဟရမှာဖြင့်၊ ပုဗ္ဗေစ ထင်လေ။
    ကောသလရယ်လို့၊ လောကမှာ အသေရေလျှမ်းပါတဲ့၊
    ရွှေနန်းစံရာအိမ်တောင်မှ၊ ခါချိန်တန်ပျက်စမြဲပေမို့၊ စွဲမိသံဝေ။   
    အကုသိုလ် အာဃာတကပ်ရယ်က၊ ယခုလိုလာလို့ ဖြတ်သော်ကြောင့်၊
    ဇရပ်သို့ ပြေးရချေ၊ ခွေးသေသို့ သေရငြား။
    သိလျက်နှင့်ပင်၊ ဝိပါက်ကြမ္မာငင်တော့၊ ရွှေÓာဏ်ရှင် ဝေမခွဲနိုင်ဘု၊ ပွဲတွေ့အမှား။
    အားလုံးမေတ္တာပန်းများပွင့်လန်းနိုင်ပြီး ငြိမ်းချမ်းသာယာတဲ့ ဘဝပိုင်ရှင်များအဖြစ် ကိုယ်စီတည်ဆောက်နိုင်ပါစေ။
မောင်မင်းစိုး
စတိုင်သစ်မဂ္ဂဇင်း၊ ၂ဝ၁၂၊အောက်တိုဘာ