လူငယ်နဲ့ခေါင်းဆောင်မှု ..... အဆက်
လူတစ်ယောက်ဟာ မိမိမှာ အိပ်ခ်ျအိုင်ဗွီပိုးရှိရင် ရှိနေပြီဆိုပြီး စိတ်ဓာတ်တွေကျဆင်းလာတယ်။ ဒါကြောင့် မူလအနေထား ကနေ စိတ်တွေယိုင်နဲ့လာတယ်။ ဒါဟာ ဆင်းရဲမှုဒုက္ခဆိုတာ သူသိလာတယ်။ ဒါပေမယ့် ဒါကို ဘယ်လိုလုပ်ရမလဲ၊ ဘယ်လိုကာကွယ် ရမလဲဆိုတာ သူမသိဘူး။ သေချာတာကတော့ ဘာမှမသိသေးရင်တော့ ဘာမှမလုပ်တတ်ဘူးပေါ့။ ဒီတော့ သူ့အနေနဲ့ ဒီရောဂါဝေဒနာ ကနေ ကင်းပျောက်ချင်တယ်။ သို့မဟုတ် သက်သာရတစ်ခုခု ဖြေသိမ့်စရာတစ်ခုခု လိုက်ရှာတယ်။ ဒီတော့ နည်းလမ်းပေါင်းစုံအောက် မှာ သူတော်တော်ကြာသွားကောင်းကြာသွားလိမ့်မယ်။ နောက်တော့ ဘယ်အဖွဲ့အစည်းကတော့ ဘယ်လိုလုပ်ပေးတယ်။
ဘယ်မှာလုပ်ပေးတယ်။ ဘယ်သူတွေပါတယ်။ ဘယ်လိုကောင်းတယ်ဆိုတာတွေ လိုက်ရှာရင်သွားတွေ့တယ်။ ဒီတော့ သူအဲဒီအဖွဲ့ အစည်းထံ ရောက်အောင်သွားတယ်။ နည်းနာတွေသင်ယူတယ်။ လေ့ကျင့်ခန်းတွေ လိုက်နာတယ်။ စည်းကမ်းဥပဒေသတွေကို ထိန်းထိန်းသိမ်းသိမ်းလိုက်နာလာတယ်။ နောက်တော့ တဖြည်းဖြည်းစိတ်ဓာတ်တွေ ပြန်တက်ကြွလာတယ်။ ဒီတော့ သူဟာ အဲဒီ အဖွဲ့အစည်းလမ်းညွှန်တဲ့အတိုင်း လိုက်နာလိုက်တာ နောက်ဆုံးသက်တမ်းစေ့နေသွားရှာတယ်။ ဒီတော့ သူ့အနေနဲ့ စိတ်အေးချမ်း မြေ့မှုတွေရလာသလို လူ့သက်တမ်းအတိုင်းနေသွားနိုင်တဲ့အကြောင်းတွေ သိလာရတော့ နေရဲသွားတယ်။ နောက်တော့ သူ့ဘဝကိုထုတ် ဖော်ပြောရဲပြီး အခြားသူများကိုလည်း မိမိလိုနေရဲသွားအောင်၊ ထိန်ဝှက်ထားခြင်းရဲ အပြစ်တွေပြောပြီးလိုက်နာလာအောင် စည်းရုံးမှု တွေလုပ်လာ။ အဖွဲ့အစည်းနဲ့ ထဲထဲဝင်ဝင်ဖြစ်လာတော့တယ်။ ဒါဟာ ဗုဒ္ဓလိုက်ခဲ့တဲ့ လမ်းစဉ်ကိုအတုယူချင်းမျိုးဖြစ်ပါတယ်။
ဒါမျိုးတွေဟာ ဘာသာရေးကနေတဆင့် သိလာရတဲ့ အဖြေရှာနည်းမျိုးတွေပါပဲ။ သူတို့ပြောပြတာလေးတွေဟာ အကြောင်းအရာတွေ တစ်ခုပြီး တစ်ခုစိတ်ဝင်စားစရာကောင်းလှသည်။ မိမိအနေနဲ့ကတော့ ဒီလိုငယ်ငယ်ရွယ်ရွယ်လေးတွေနဲ့ ပရဟိတအကျိုးကို ထမ်း ဆောင်ချင်တဲ့ ကိုရင်ငယ်လေးတွေကို ကြည့်ပြီးလေးစားမိသည်။ အတုယူမိသည်။ ဂုဏ်ယူမိသည်။ ဒီတော့ ကမ္ဘာနဲ့ချီပြီးဒုက္ခပေးနေ တဲ့ ဒီရောဂါဝေဒနာဆိုးကြီးကို ကာကွယ်တားဆီးဖုိ့ဟာလည်း လူတိုင်းမှာတာဝန်ရှိနေခဲ့တယ်။ ဒါကြောင့် ဒုတိယလုပ်ဆောင်စရာ အနေနဲ့ တင်ပြလိုက်ပါတယ်။
တဆက်တည်းပြောချင်တာကတော့ အခြားအခြားသော ရောဂါပေါင်းစုံကလည်း လူသားတွေထံ တနေ့ပြီးတနေ့ ပြန့်ပွားနေခဲ့တယ်။ အဲဒီလို ရောဂါတွေကိုလည်း ဘယ်လိုကာကွယ်မယ်ကြမလဲဆိုတာ အဖြေရှာဖို့လိုပါတယ်။ ဥပမာ- အသည်းအစားထိုးချင်းကိစ္စ၊ ကင်ဆာရောဂါအမျိုးမျိုး၊ အခုပေါ်ပေါကနေတယ် ကြက်ငှက်တုတ်ကွေး၊ ဝက်တုတ်ကွေးစတာတွေကို လည်း အမျိုးသားရေးတာဝန်တစ်ရပ်အနေနဲ့ ဘယ်လိုကူညီသင့်တယ်။ ဘယ်လိုကာကွယ်ကြမယ်ဆိုတာတွေကို ဖော်ဆောင်ဖို့ခေါင်း ဆောင်းကောင်းတွေ လိုအပ်နေတယ်ဆိုတာပါပဲ။
နောက်တစ်ခုကတော့ လူကုန်ကူးမှုပြဿနာတွေ၊ ဒါတွေလည်း ပပျောက်သွားအောင် လုပ်ဆောင်သင့်တယ်။ အဲဒီလိုမှ မဟုတ်ရင် လူစိတ်မရှိသူတွေ ခေါင်းထောင်နေပြီး၊ လူတွေကို သားရဲတိရစ္ဆာန်တွေလို ရောင်းကုန်သဖွယ်ကျင့်ကြဦးမယ်။ ဒီတော့ ဒီကိစ္စတွေကိုလည်း ပပျောက်သွားအောင်လုပ်ဖို့ တာဝန်တစ်ရပ်အနေနဲ့ ခေါင်းစဉ်တပ်လိုက်ပါ။ စတင်ပြီး အကောင်အထည်ဖော် ဆောင်ပါ။ အဓိကထားပြီ လုပ်ရမှာကတော့ ကျေးလက်တောရွာတွေ အဖြစ်များတော့ ကျေးလက်ဒေသတွေထိ ကွင်းဆင်းပြီး ပညာပေးဟောပြောပွဲတွေ ကျင်းပပြီးလုပ်ဆောင်နိုင်အောင် ခေါင်းဆောင်ပါ။ အကောင်းအထည်ဖော်ပါ။ လုပ်ဆောင်ပါ။
မူးယစ်ဆေးဝါးသုံးစွဲသူတွေ ပပျောက်သွားအောင်လည်း လုပ်ဆောင်သင့်ပါတယ်။ အကျိုးအပြစ်တွေလေ့လာပါ။ ဆေးမျိုးစုံ အကြောင်းလေ့လာပါ။ ကိုယ့်နည်းနားဝန်းကျင်မှာ ရှိရင်အဲဒီလူကို စတင်ပြီး မသုံးစွဲအောင် သိမ်းသွင်းပါ။ မကောင်းကျိုးများကို တတ်နိုင်သမျှလေ့လာပါ။ သုံးစွဲခြင်းကြောင့်ဖြစ်ပေါ်လာမယ့် ဆိုးပြစ်တွေကို ဟောပြောပါ။ ဒါလည်း လူညွန့်တုံးစေတဲ့ ကိစ္စရပ်ဖြစ်တော့ လူတိုင်းအနေနဲ့ မသုံးစွဲဘဲ၊ အမျိုးသားရေးတာဝန်တစ်ရပ်အနေနဲ့ ပပျောက်သွားအောင် လုပ်ဆောင်ကြဖို့လိုပါတယ်။ အချိန်ရှိသမျှ အရက်သောက်စားခြင်းမျိုးလည်း မပြုလုပ်သင့်ပါ။ ရပ်ကွက်ထဲက လူတစ်ယောက်ဟာ အချိန်ပြည့်အရက်သောက်နေပြီး မိခင်ဖြစ်သူ ကို နားမခံသာအောင် အော်ဟစ်၊ ဆဲဆို၊ တိုင်းထွာ နေခြင်းမျိုးတွေ တွေ့ရတတ်တယ်။ ဒါတွေဟာ တော်တော်လေး အောက်တန်းကျ တဲ့ အပြုအမူဖြစ်ပါတယ်။ ကိုယ့်မိခင်ကို မကောင်းတာလုပ်စားတဲ့ ကောင်မဆိုတဲ့ စကားလုံးတွေနဲ့ နားမခံသာအောင် ဆဲရေးခြင်း ရဲ့ အဓိကတရားခံကတော့ အချိန်ပြည့်အရက်သောက်ပြီး ပင်ကိုယ်စိတ်ပျောက်နေခြင်းကြောင့်သာ ဖြစ်ပါတယ်။ ဒီလူသေရင် ဘယ်ဘဝ၊ ဘယ်လိုခံစားရမယ်ဆိုတာ မတွေ့ဝံ့စရာပါ။
နောက်လုပ်စရာပေါင်းစုံကတော့ ကြိုဆိုနေဆဲရှိပါတယ်။ လူသားတစ်ယောက်အဖြစ် အသက်ရှင်နေထိုင်နေခိုက်မှာတော့ လုပ်စရာတွေကတော့ တောင်လိုပုံနေပါလိမ့်မယ်။ ဘာအလုပ်ပဲဖြစ်ဖြစ် ယုံကြည်စိတ်ချရတဲ့ ခေါင်းဆောင်းကောင်းသာရှိဖို့ အရေးကြီးပါတယ်။ ကောင်းဆောင်တဲ့လူဟာ အစစအရာရာ ခေါင်းဆောင်ကောင်းအင်္ဂါနဲ့ ပြည့်စုံနေရင် မိမိနောက်ကို မုချလိုက် ချင်နေတဲ့ လူတွေအများကြီးရှိနေတယ်ဆိုတာ ပြောလိုပါတယ်။ နာရေးကူညီမှုလိုကိစ္စတွေ၊ ပညာသင်ထောက်ပံ့ရေးလို ကိစ္စတွေ၊ မသန်စွမ်းသူများအား ကူညီထောက်ပံ့မှုလိုကိစ္စတွေ၊ မကျန်းမာသူများအား တတ်နိုင်သောဆေးဖိုးဝါးခများဖြင့် ကူညီမှုလိုကိစ္စတွေ၊ ဘာသာရေးကိစ္စတွေကို ဦးဆောင်မှုလိုကိစ္စမျိုးတွေဟာ လုပ်စရာအလုပ်တွေဖြစ်ပါတယ်။ ပြီးခဲ့တဲ့ အပတ်က ရပ်ကွက်ထဲကလူငယ် တွေ လမ်းပြင်ကြတယ်။ ပထမတော့ သူတို့ဘာသာစုပြီး ပြင်ဆင်ကြပေမယ့် နောက်တော့ ရပ်ကွက်ထဲကလူတွေပါလာတော့ အဲဒီလမ်း ဟာ ကွန်ကရစ်လမ်းအသွင်ကို ပြောင်းလဲလိုက်နိုင်တယ်။ သူတို့ကိုယ်တိုင်အလုပ်လုပ်ကြခြင်းဖြစ်တယ်။ ဒါတွေဟာ တော်တော်လေး လေးစားစရာကောင်းတဲ့ အလိုက်သိ၊ နားလည်မှု၊ ယုံကြည်မှုရှိတဲ့ လူငယ်လေးတွေရဲ့ ပထမခြေလှမ်းဖြစ်တယ်။ နောက်ဆိုသေချာ တယ် သူတို့ဦးဆောင်မယ်ဆိုရင် ရပ်ကွက်ကသူတို့ကို ယုံကြည်သွားပြီ နောက်ကလိုက်ဖို့ ဝန်မလေးတော့ဘူး။ သူတို့ကိုလည်း အဲဒါ လေးတွေ ချပြလိုက်တယ်။ တက်တက်ကြွကြွနဲ့ စိတ်ကောင်း၊ စေတနာကောင်းနဲ့ သူတို့ဆောင်ခြင်းကြောင့် အခု လမ်းထဲမှာ ဗွက် မထတော့ဘူး။ ဘယ်လိုကားမျိုးမဆို ဝင်ထွက်နိုင်ပြီ။ ကလေးငယ်တွေ ညနေဘက်မှာ စက်ဘီးစီးနိုင်ပြီ။ အိမ်ရှေ့ရှိလမ်းပေါ်မှာ ညဘက် လူတွေ လေညင်းခံနိုင်ခဲ့ပြီဆိုတာ သူတို့ရဲ့စွမ်းဆောင်မှု အကျိုးဆက်လို့ဆိုရမှာပေါ့။ လူတစ်ယောက်ရဲ့ တန်ဖိုးဟာ အဲဒီလူ မသေခင် ဘာတွေလုပ်သွားသလဲဆိုတဲ့ ပေတံနဲ့တိုင်းတာခံနိုင်ဖို့လိုတယ်။ လူ့ဘဝမှာ ခဏတာလူ့အဖြစ်ရရှိလာတဲ့ အချိန်တိုလေး အတွင်းမှာ အကျိုးရှိရှိနေသွားနိုင်ခဲ့သလားဆိုတာ ကိုယ့်သမိုင်းကိုကိုယ်ရေးသွားကြတဲ့လူတွေအတွက် နှောင်းလူတွေက အဆုံးအဖြတ် ပေးပါလိမ့်မယ်။ ဒီနေရာမှာ ဂျာနယ်လေးတစ်စောင်ထဲ ဖတ်ဖြစ်လိုက်ဘူးတဲ့ အကြောင်းအရာလေးတစ်ခုကို ပြန်လည်ပြောပြချင်ပါတယ်။ ဘယ်မှာပါသွားခဲ့သလဲ၊ ဘယ်သူရေးသွားတာလည်းဆိုတော့ မပြောတတ်တော့ဘူး။ ဆောင်းပါးနာမည်က အိုးတစ်လုံးရဲ့ တန်ဖိုးလို့ထင်ပါတယ်။ အခု အဲဒီလူပြောချင်တဲ့ မက်ဆေ့ဗ်ကို အတိအကျမဟုတ်တောင် အနီးစပ်ဆုံး ပြန်ပြောလိုပါတယ်။
လူတစ်ယောက်ရဲ့တန်ဖိုး
လူတစ်ယောက်ရဲ့တန်ဖိုးကို အထက်ကပြောခဲ့သလို သူမသေခင်ဘာတွေလုပ်သွားခဲ့သလဲဆိုတဲ့ ပေတံနဲ့တိုင်းတာကြည့်ဖို့ လိုပါတယ်။ တစ်ခါက အိုးရောင်တဲ့ လူတစ်ယောက်ဟာ တစ်ရွာဝင် တစ်ရွာထွက်၊ တစ်လမ်းဝင်တစ်လမ်းထွက် လှည်းလေးပေါ်တင်ပြီး လိုက်ရောင်းနေခဲ့တယ်။ အဲဒီမှာ အိုးသည်ဟာ အပြောကောင်းတော့ အညာလေးတစ်ရွာမှာ သူ့အိုးလေးတွေ တော်တော်လေး အရောင်းအဝယ်ဖြစ်ခဲ့ပါတယ်။ အဲဒီရွာထဲက လူနောက်တစ်ယောက်ကလည်း စနောက်ပြီး ဘယ်တော့မှ ''မကွဲမယ့်အိုးလေးပေးပါလို့ ပြောတော့''
'' သူက ဘယ်တော့မှ မကွဲမယ့်အိုးရယ်လို့တော့ မရှိဘူး၊ အိုးဆိုတာက အစိမ်းသက်သက် မဖုတ်ခင်အချိန်လေးမှာလည်း ကွဲသွားနိုင်တယ်။ လုပ်နေစဉ်မှာလည်းကွဲသွားနိုင်တယ်။ အားလုံးပြီးလို့ အိုးဖုတ်ပြီးချိန်မှာလည်း ကွဲသွားနိုင်ပါတယ်။ ဘာဖြစ်လို့ လည်းဆိုတော့ အိုးဆိုတဲ့သဘာဝဆိုတာက ကွဲတတ်တယ်မဟုတ်ဘူးလား ငါ့မောင်ရဲ့ '' လို့ ပြန်ပြောလိုက်တယ်တဲ့။ အဲဒီအမှတ်မထင် ပြန်ပြောမှ ဒီလူကစဉ်းစားမိတော့တယ်ပေါ့။ အော် အိုဆိုတာ အချိန်အခါအမျိုးမျိုး၊ အဆင့်အသီးသီးမှာ ကွဲတတ်တယ်၊ အရွယ်အစားအမျိုးမျိုးမှာလည်းကွဲတတ်တယ်။ တစ်ချို့အိုးလေးတွေဆိုရင်တော့ လုပ်ရောင်းတဲ့လူအနေနဲ့တော့ လုပ်ရောင်းရကျိုးနပ် တာပေါ့၊ ဒါပေမယ့် ထပ်ဆင့်ရောင်းမယ့်လူအနေနဲ့ လှည်းပေါ်တင်တော့ လှည်းဆောင့်လို့ပဲဖြစ်ဖြစ်၊ လိမ့်ကျလို့ပဲဖြစ်ဖြစ် ကွဲသွားတတ်တော့ ထပ်ဆင့်ဝယ်တဲ့ လူအတွက် ဘာမှတန်ဖိုးမရှိလိုက်တော့ဘူး။ နောက်တစ်ခုကလည်း ထပ်ဆင့်ရောင်းတဲ့ လူကနေတဆင့် လှည့်လည် ရောင်းလို့ ဝယ်လိုက်ပြီ အိမ်ရောက်မှ ရေဖြည့်ဖို့လုပ်တော့ ကွဲသွားတယ်။ ဒီတော့ ဒီရေအိုးကတော့ နှစ်ဆင့်လောက်ထိ တန်ဖိုးရှိပေ မယ့် သောက်ရေထည့်ခါနီးမှာ ကွဲသွားတယ်ဆိုပါတော့။ ဒီတော့ ဝယ်တဲ့လူအတွက် ဘာမှအသုံးမချလိုက်ရတဲ့အတွက် တန်ဖိုးမဲ့ ဖြစ်သွားတော့တယ်။
ဒီတော့ တစ်ချို့အိုးလေးတွေဟာ လုပ်နေစဉ်ကွဲသွားတယ်။ တစ်ချို့အိုးလေးတွေမှာတော့ လုပ်ပြီးလို့် နေရောင်လှန်းနေစဉ်မှာ ကွဲတတ်တယ်။ တစ်ချို့အိုးလေးတွေကတော့ မီးဖုတ်ဖို့သယ်စဉ်မှာကွဲတတ်တယ်။ တစ်ချို့အိုးလေးတွေကျပြန်တော့လည်း မီးဖုတ်နေစဉ်မှာ ကွဲသွားတယ်။ တစ်ချို့အိုးလေးတွေကတော့ လိုက်ရောင်စဉ်လမ်းမှာ ကွဲတတ်တယ်။ တစ်ချို့အိုးလေးတွေကျပြန်တော့ ဝယ်ယူပြီးသူ ရဲ့လက်ထဲရောက်မှ ရေထည့်ခါနီးမှ ကွဲတယ်။ တစ်ချို့အိုးလေးတွေကတော့ သောက်ရေသုံးရေအဖြစ် လူသားတွေကို နှစ်နဲ့ချီပြီး အသုံးချခံပြီးမှ ကွဲသွားတတ်တယ်။ ဒီတော့ သေချာတာကတော့ အိုးဆိုတာ ကွဲသွားတတ်တဲ့ သဘာဝရှိတယ်ဆိုတာပါပဲ။ ဒီတော့ အိုးဘဝမရောက်ဘဲ ကွဲတတ်တဲ့အိုးတွေရှိသလို၊ အိုးဘဝရောက်သော်လည်း ကောင်းမွန်စွာ အသုံးချမခံခင် ကွဲသွားအိုးတွေလည်းရှိ ပါတယ်။ အိုးဘဝကို အပြည့်အဝအသုံးချခံပြီးမှ ကွဲသွားတဲ့ အိုးတွေလည်းမနည်းလှပါဘူး။ ဒီတော့ အိုးဆိုတဲ့ ဘယ်အချိန်မဆို ကွဲသွားတတ်တဲ့ သဘာဝအတိုင်း၊ လူတွေမှာလည်း အရွယ်သုံးပါးဖြစ်ဖြစ်၊ ဘယ်အရွယ်မှ သတ်မှတ်မထားသော်လည်း အသက်ရှင် နေတဲ့ လူသားအားလုံးဟာ တစ်နေ့တော့ အိုးလေးတွေလို သေဆုံးသွားကြရမှာဆိုတာ သဘောပေါက်ထားဖို့လိုတယ်။
ဒီတော့ လူ့အဖြစ်ကို ရရှိခဲ့ပေမယ့် တကယ့်စစ်မှန်တဲ့ လူသားတစ်ယောက်အဖြစ် ရရှိခဲ့သလားဆိုတာ ကိုယ်တိုင်ဆန်းစစ် သင့်ပါတယ်။ ဒီတော့ ဘယ်လိုပေတံတွေနဲ့ တိုင်းတာကြည့်မလဲ ငါဘာတွေလုပ်ခဲ့သလဲ၊ လုပ်နေသလဲ၊ လုပ်နေဦးမှာလဲ၊ အဲဒီလုပ်ခဲ့ တဲ့ အလုပ်တွေမှာ ငါသူတစ်ပါးကောင်းကျိုးအတွက် ဘာတွေလုပ်ပေးနိုင်ခဲ့သလဲ၊ ငါအတွက်ကော ဘာတွေလုပ်သွားနိုင်ခဲ့သလဲဆို တဲ့ ပေတံနဲ့တိုင်းတာကြည့်ဖို့လိုပါတယ်။ ဒီလိုတိုင်းတာကြည့်လို့မှ ကိုယ့်ကိုယ်ကို သူတစ်ပါးကောင်းကျိုးအတွက် များစွာလုပ်ဆောင် သူအဖြစ် သတ်မှတ်နိုင်ခဲ့ရင်တော့ မိမိဟာ လူ့ဘဝတစ်ခဏတာလေးရောက်ရှိချိန်မှာ အကျိုးရှိရှိ အသုံးချသွားဖြစ်ပါတယ်။ အဲဒီလိုမှ အတိုင်းအတာ မခံနိုင်ခဲ့ရင်တော့ သေချာတယ် အဲဒီလူဟာ လူ့ဘဝရဲ့စစ်မှန်တဲ့ တန်ဖိုးကို အကျိုးကျိုးရှိရှိ အသုံးချမသွားဘူးဆိုတာ ပါပဲ။
သူတစ်ပါးအကျိုးလုပ်ချင်ရင်တော့ အထက်ကပြောခဲ့သလို တစ်ဦးတစ်ယောက်နဲ့တော့ လုပ်ဆောင်ဖို့ခက်ပါတယ်။ မရဘူးလား ဆိုတော့ ရတယ်။ သို့သော် အောင်မြင်သင့်သလောက် မအောင်မြင်နိုင်ပါဘူး။ ဒါကြောင့် ခေါင်းဆောင်ကောင်းတစ်ယောက်အဖြစ် နဲ့ ဘာအလုပ်ပဲဖြစ်ဖြစ် အများအတွက်လုပ်ရင်တော့ လူအများပါလာအောင် စည်းရှုံးလှုံ့ဆော်ဖို့ မမေ့ပါနဲ့။ ဒီနေ့ရာမှာ လူအများပါ လာအောင် စည်းရှုံးလှုံ့ဆော်နည်းလေးတွေ ပြောပြလိုပါတယ်။ တဆက်တည်းလည်း တကယ့်စစ်မှန်တဲ့ လူသားအဖြစ် အသုံးချသွားပြီး တန်ဖိုးရှိတဲ့ လူသားအဖြစ်ကို ရရှိပိုင်သွားသူနဲ့ တန်ဖိုးရှိရှိအသုံးမကျဘဲ အဓိပ္ပါယ်ကင်းနေထိုင်သူ နှစ်ယောက်အကြောင်း အကျဉ်းလောက် ပြောပြသွားပါမယ်။
ဆက်လက်ဖော်ပြပါမည်...
