လူငယ်နှင့် နိုင်ငံရေး အခင်းအကျင်း(၄) အဆိုအမိန့်များနှင့် ရှင်သန်ခြင်း

ပြီးခဲ့တဲ့အပတ်က ပြောခဲ့သလိုပဲ ဒီအပတ်မှာလည်း မိန့်ခွန်းအနည်းငယ်ကို မိတ်ဆက်လိုပါတယ်။ နောက်တစ်ခု ထပ်ပြီး ပြောလိုတာကတော့ မိမိတို့ကျင်လည်ရာဝန်းကျင်တစ်ခုလုံးမှာ ဘာသာဗေဒမျိုးစုံဟာ အဓိပ်္ပာယ်မျိုးစုံဖြာထွက်ပြီး ရှုထောင့်မျိုးစုံက နေ ရှင်သန်နေဆဲဆိုတာပါပဲ။ အဲဒီလို ရှင်သန်ခြင်းမှာ အဆိုအမိန့်များအနေနဲ့လည်း ပြောင်းလဲမှုဆီကို ဦးတည်ပြီး တွန်းတင်ပေး နေဆဲလည်းဖြစ်ပါတယ်။ ဒါကြောင့် ဒီဆောင်းပါးကိုတော့ ပြီးခဲ့တဲ့အပတ်ကရေးသားခဲ့တဲ့ ဆောင်းပါးရဲ့အဆက်အဖြစ် တင်ပြလိုပါတယ်။ ““အင်္ကျီအိတ်ထဲလက်နှိုက်ပြီး ကမ်္ဘာလောကကြီးကို ကြည့်နေရုံနဲ့ ကမ်္ဘာလောကကြီးအကြောင်း သိရမှာ မဟုတ်ဘူး။ ကမ်္ဘာလောကကြီးအကြောင်း သိဖို့ဆိုရင် လက်ထုတ်ပြီး လောကကြီးကို ထိကိုင်ကြည့်မှ သိနိုင်မယ်”” (အမေရိကန်သမ်္မတဟောင်း၊ အီဗရာဟင် လင်ကွန်း) ဆိုလိုချက်ကိုတော့ သိကြပါလိမ့်မယ်။ ဟုတ်ပါတယ်။ ဒါကတော့ ခေတ်မီမီကမ်္ဘာကြည့် ကြည့်မြင်ဆိုတဲ့သဘော ပါပဲ။ ကိုယ်တိုင်ပါဝင် လုပ်ဆောင်မှုကို အဓိက မီးမောင်းထိုးပြထားတာလည်း ဖြစ်ပါတယ်။ အမြင်ကျင်းမှုကိုလည်း တွန်းလှန်ဖို့ တိုက်တွန်းလိုက်ခြင်းလည်း ဖြစ်ပါတယ်။ ဆိုတော့ ကမ်္ဘာနဲ့ရင်ဘောင်တန်းချင်ရင်တော့ ခြေလှမ်းကျဲကျဲနဲ့ အမီလိုက်ဖို့လည်း လိုအပ် ပါလိမ့်မယ်။ ဘာကြောင့်လည်းဆိုတော့ မြန်မာနိုင်ငံဟာ ကမ်္ဘာနဲ့ ရင်ဘောင်တန်းဖို့အသာထားဦး အိမ်နီးနားနိုင်ငံများဖြစ်တဲ့ စင်္ကာပူ၊ ထိုင်း၊ ဗီယက်နမ်စတဲ့နိုင်ငံတွေနဲ့တင် ရင်ဘောင်တန်းနိုင်အောင် အတော်လေးကြိုးစားရဦးမှာလည်းဖြစ်ပါတယ်။ လောလောဆယ်တော့ ဒီမိုကရေစီဆိုတဲ့ စံကောင်းတစ်ခုနဲ့ ချီတက်လာပြီး ဒီမိုကရေစီနိုင်ငံအဖြစ် ရွက်လွင့်နေဆဲဖြစ်တဲ့ မိမိတို့နိုင်ငံဟာ ခြေလှမ်းအစဆိုစေပေမယ့် အရွယ်နုနယ်သေးတယ်ဆိုတဲ့ စကားလုံးနဲ့ ဖြေသိမ့်မှုလုပ်ဆောင်တာမျိုးလောက်နဲ့ နှစ် သိမ့်တာမျိုးတော့ မဖြစ်သင့်တော့ဘူး။ တကယ်ဖွံ့ဖြိုးတိုးတက်မှုကို ဦးတည်သွားချင်တယ်ဆိုရင်တော့ လိုအပ်ချက်တွေ ဖာထေးဖို့ များစွာပဲ လိုအပ်နေဆဲလို့ ဆိုရမှာဖြစ်ပါတယ်။ အဓိကတော့ ပွင့်လင်းမြင်သာမှုအပိုင်းအနေနဲ့ စတင်ဖော်ဆောင်ဖို့နဲ့ လာဘ်ပေးလာဘ် ယူမှုကိစ်္စတွေ၊ တရားဥပဒေစိုးမိုးမှုတွေ၊ ဥပဒေထက်မှာ ဘယ်သူမှမရှိစေရဆိုတာတွေ၊ သန့်ရှင်းသော၊ ကောင်းမွန်သော အုပ်ချုပ် မှုတွေနဲ့ ဆုပေး၊ ဒဏ်ပေးစနစ်တွေ ကျင့်သုံးဖို့လိုအပ်ပါလိမ့်မယ်။ ဆုပေးဆိုတာ လာဘ်ထိုးမှုကိုမဆိုလို။ ချီးမြှောက်သင့်သူကို ချီးမြှောက်ခြင်းကို ဆိုလိုပါတယ်။ ဥပမာ ရာထူးတိုးပေးသင့်ရင် တိုးပေးပါ။ သို့မဟုတ် ထိုက်သင့်သော လစာကိုလည်း တိုးပေးသင့် ရင် တိုးပေးပါ။ ဒါဟာ ၀န်ထမ်းကောင်းဖြစ်ဖို့အတွက် ဆုပေးခြင်းဖြစ်ပါတယ်။ ဒဏ်ပေးဆိုတာကတော့ ရေသာခိုသမားတွေ၊ အချောင်သမားတွေရှိမယ်ဆိုရင် အဲဒီလူမျိုးတွေကို သူနဲ့မတန်တဲ့ ရာထူးတွေကနေ ဖြုတ်ထုတ်မှုတွေ၊ ပြောင်းလဲမှုတွေ၊ အဆင့်လျော့ ချမှုတွေလုပ်ပေးခြင်းကို ဆိုလိုပါတယ်။ ဒါမှသာလျင် ၀န်ထမ်းကောင်းများ များစွာပေါ်ထွက်လာပြီး ထိုက်တန်သူများအနေနဲ့ နေရာ ရလာနိုင်မှာ ဖြစ်ပါတယ်။ ရှေးရိုးစွဲများရှိနေသေးရင်တော့ ဖြုတ်ချခဲ့ပြီး အားကောင်းလှတဲ့ လူငယ်မျိုးစက်သစ်တွေနဲ့ ဆက်လက် ခရီးဆက်သင့်ရင် ဆက်ရပါလိမ့်မယ်။ ဒါမှသာလျင် ဖွံ့ဖြိုးတိုးတက်တဲ့ နိုင်ငံတော်ကြီးကို အကောင်အထည်ဖော်ဆောင်နိုင်ပါလိမ့်မယ်။ ကိုယ့်နိုင်ငံရဲ့ ပြုပြင်ပြောင်းမှု၊ ဖွံ့ဖြိုးတိုးတက်မှု၊ တည်ငြိမ်အေးချမ်းမှု၊ သာယာဝပြောမှုဆိုတာတွေဟာ တကယ်ပဲ တိုးတက်ပြောင်းလဲနေပြီးလားဆိုတာကို ကိုယ့်နိုင်ငံအတွင်းမှာပဲ ကြည့်ပြီးဆုံးဖြတ်လို့မရပါဘူး။ ဘယ်လောက် တိုးတက်ပြောင်းလဲနေသ လဲဆိုတာကို မျက်လုံးအစုံဖွင့်ပြီး ကမ်္ဘာကြီးကို ခေတ်မီမီကြည့် မြင်နိုင်ဖို့ လိုအပ်ပါလိမ့်မယ်။ ဒီတော့ လိုက်လျောသင့်တာတွေ၊ တံခါးဖွင့်ဝါဒတွေ၊ လုပ်ကိုင်ခွင့်တွေကို တာဝန်သိသိ၊ ပွင့်လင်းထင်သာမှုရှိရှိနဲ့ ခရီးဆက်ဖို့လိုအပ်ပါလိမ့်မယ်။ အနာဂတ်ဟာ လူငယ် တွေရဲ့ လက်ထဲကို တစ်နေ့မုချကို ရောက်ရှိလာမှာလည်းဖြစ်ပါတယ်။ ဒါကြောင့် လူငယ်တွေအနေနဲ့ ပိုပြီးစွမ်းရည်ပြည့်မီနေဖို့ လိုအပ်နေပါလိမ့်မယ်။ ဒီလိုစွမ်းရည်ကို ပြုစုပျိုးထောင်တဲ့အခါ အချိန်ဟာ အရမ်းပဲအရေးကြီးပါတယ်။ မောဃံ ကာလံ နခေပယေ။ အချိန်တွေကို အလကားရတာဆိုပြီး အချီးအနှီးမကုန်ဆုံးစေဖို့ လိုအပ်ပါတယ်။ တစ်နေ့မှာ ကျရာနေရာမှာ မိမိနဲ့တန်တဲ့ တာဝန်ကို လက်ပြောင်းယူရမှာဆိုတော့ လက်ပြောင်းယူနိုင်အောင် အားသန်ရာတွေကို အထူးပြုပြီး လေ့လာဖို့၊ သင်ယူဖို့၊ သင်္ခန်းစာတွေနဲ့ ဘ၀ကို အဓိပ်္ပာယ်ရှိရှိ တည်ဆောက်ထားဖို့ လိုအပ်ပါလိမ့်မယ်။ ဒီတော့ အမြင်ကျယ်ဖို့ လိုလာပါလိမ့်မယ်။ အမြင်ကျယ်ဖို့ဆိုတာ အတတ်ပညာကို အဓိကထားပြီး ပြောဆိုလာတဲ့အိုင်တီခေတ်မှာ နိုင်ငံရေး၊ လူမှုရေး၊ စီးပွားရေး၊ ပညာရေး၊ သဘာဝပတ်ဝန်းကျင် ထိန်းသိမ်းရေး၊ သိပ်္ပံပညာမှသည် ခေတ်သစ်နိုင်ငံရေးအ၀န်းအ၀ိုင်းထဲကို ထဲထဲဝင်ဝင်ဖြစ်ဖို့ ဥပဒေပညာရပ်များပါမကျန် သင်ယူစရာတွေ တောထနေခဲ့ပါတယ်။ ဒါကတော့ လူတစ်ဦးချင်းဆီနှင့်လည်း ဆိုင်တဲ့အတွက် မိမိဝါဒနာပါရာကို အထူးတလည် လေ့လာ သင်ယူခြင်းမျိုးကို လုပ်ဆောင်တာဟာ ပိုပြီး ကောင်းမွန်ပါလိမ့်မယ်။ ဒီတော့ မျက်ခြေမပြတ်ကြည့်ပြီး ကမ်္ဘာကြီးအနေနဲ့ ဘယ်ကိုဦးတည်မောင်းနှင်နေသလဲဆိုတာကို သိဖို့လိုပါလိမ့်မယ်။ နောက်ဆုံး အနေနဲ့ လွှတ်တော်နိုင်ငံရေးကို စိတ်ဝင်စားတယ်ဆိုရင် လွှတ်တော်ရဲ့ လုပ်ထုံးလုပ်နည်းတွေကိုလည်း အနောက်ရဲ့ ကျင့်ထုံးမှုက အစ အခုမြန်မာနိုင်ငံရဲ့ လွှတ်တော်တွင်းအခြေအနေကိုလည်း တီးမိခေါက်မိတဲ့အထိ လေ့လာထားရမှာဖြစ်ပါတယ်။ လူငယ်ဆိုတာ အနာဂတ်ကို ပိုင်ဆိုင်တဲ့လူသားများဖြစ်ပါတယ်။ သမိုင်းပညာရှင် ဒေါက်တာသန်းထွန်းပြောသလို သမိုင်းကိုဘာကြောင့် သင်ရ တာလဲဆိုရင် မအအောင်လို့တဲ့။ ဟုတ်ပါတယ်။ လူငယ်တွေအနေနဲ့ မအအောင်တော့ သမိုင်းနဲ့ချီပြီး ဖြတ်သန်းလာတဲ့ ခေတ်စနစ် တွေကို ကောင်းတာယူ၊ မကောင်းတာပယ်နိုင်ဖို့ လေ့လာမှုအားကောင်းစွာနဲ့ ဘ၀ကိုပီပီပြင်ပြင် ပုံဖော်ထားကြဖို့တော့ လိုအပ်ပါလိမ့် မယ်။ ခုနကပြောခဲ့သလို အချိန်ဟာ အရမ်းပဲအရေးကြီးနေပြီဆိုတာကိုလည်း သတိထားပြီး ပြုမူသွားနိုင်အောင် တိုက်တွန်းချင် ပါတယ်။ ““လုံးဝ အကဲ့ရဲ့ခံရသောသူ၊ လုံးဝအချီးအမွမ်းခံရသောသူမည်သည် ရှေးအခါကလည်း မရှိခဲ့ဖူးပေ၊ နောင်အခါလည်း ရှိလိမ့်မည် မဟုတ်၊ ယခုအခါ၌လည်း မရှိပေ”” (ဗုဒ်္ဓ) ဒီတော့အထက်ကပြောသလို ကျရာတာဝန်များကို ထမ်းဆောင်ကြရတဲ့အခါမှာတော့ ပထမအနေနဲ့ အံ့ဝင်မှု၊ ခွင်ကျမှုဆိုတာ လွဲချော်ကောင်း လွဲချော်နေပါလိမ့်မယ်။ ဒါကို တွေးပြီးကြောက်နေလို့တော့ မဖြစ်ပါဘူး။ တွေးပြီးကြောက်နေရင်တော့ ဘာမှအလုပ် ဖြစ်မှာလည်း မဟုတ်ပါဘူး။ အဓိကတော့ လောကမှာပြောနေတဲ့ စကားတစ်ခွန်းလိုပါပဲ။ စေတနာအမှားဆိုတာပါပဲ။ စေတနာနဲ့ လုပ်လိုက်တာ မှားသွားတာခြင်းကို ဆိုပါတယ်။ ဘာလုပ်လုပ် စေတနာနဲ့တော့ လုပ်တာပဲ ဒါပေမယ့် အမှားကြီးပဲ ဖြစ်နေတယ်ဆို ရင်လည်း သိပ်ပြီးတော့ မူမမှန်သေးဘူး။ ဒါကြောင့် ကျွမ်းကျင်မှုလိုအပ်ပါလိမ့်မယ်။ ကျွမ်းကျင်မှုအတွက်ကတော့ အခုကထဲက ကောင်းမွန်စွာ ပြင်ဆင်ထားနိုင်ဖို့ လိုအပ်ပါလိမ့်မယ်။ ဒီတော့ ကျွမ်းကျင်မှုကို စိတ်ဓာတ်၊ ပြင်းပြင်းပြပြ လုပ်ချင်တဲ့ ဆန်္ဒ၊ စူးစမ်း ဆင်ချင်မှု၊ လေ့လာမှုဆိုတဲ့ ၀ီမံသ၊ သင်ယူတတ်မြောက်ထားတဲ့ ပညာ ဒီလေးပါးသော အချက်အလက်တွေနဲ့ ပေါင်းစပ်ပြီးတော့ ပြုပြင်သွားဖို့၊ ဖန်တီးဖော်ဆောင်နိုင်ဖို့ အရေးကြီးပါတယ်။ အမှားဆိုတာကိုတော့ လက်ခံနိုင်ရမယ်။ မှားမှန်းသိရမယ်။ သိတဲ့အတိုင်း လည်း ပြန်လည်ပြင်ဆင်နိုင်ရမယ်။ ဆိုလိုတာက အမှန်လမ်းကြောင်းပေါ်ကို ပြန်လည်ဦးတည်ပြီး မောင်းနှင်နိုင်ရမယ်ပေါ့။ လောလောဆယ်တော့ ဒီမှာ ခေတ်စားနေတဲ့ စကားတစ်ခွန်းရှိတယ်။ ခရိုနီတဲ့။ ဒါကိုပဲ ဥပမာပေးထားပြီး ပြောကြည့်ရအောင် ဒီလိုလူမျိုးတွေအနေနဲ့ကတော့ တိုင်းပြည်မှာတိုင်းမှာ အထူးသဖြင့်တော့ အာဏာရှင်နိုင်ငံတိုင်းလိုလိုမှာ တွေ့ကြုံနေရတဲ့ သဘော ပါပဲ။ လုပ်ပိုင်ခွင့်ကို ငွေနဲ့ဝယ်ယူ။ အာဏာရှင်ကို ကပ်ဖားရပ်စားလုပ်ပြီး မလိုသမာမှုတွေနဲ့ ပေါင်းစပ်ပြီးတော့ လိမ်ညာကာ ဆင်းရဲသားတွေထံကနေ လယ်ယာမြေသိမ်းတာတွေ၊ လုပ်ပိုင်ခွင့်တွေစသဖြင့်ပေါ့ မရရအောင်ယူပြီး ကိုယ်ချမ်းသာဖို့ကိုပဲ ကြည့်တဲ့ လူမျိုးတွေပေါ့။ သူတို့ကတော့ပြောတယ်။ ဒါဟာ ဘယ်သူရဲ့ ခွင့်ပြုမှုတွေနဲ့ လုပ်လိုက်တာပါ။ ဒါကြောင့် အခုလိုစွပ်စွဲတာဟာ မတရားဘူးဆိုတဲ့သဘောနဲ့ အပြစ်မဲ့ပြည်သူတွေကိုတောင် ပြန်ပြီး ကဲ့ရဲ့တဲ့သဘောလုပ်ဆောင်လာပါတယ်။ ဒါတွေဟာ ခေတ်၊ စနစ်ကို ကြည့်ပြီး ရှင်သန်ကြရတဲ့အခါမှာတော့ မတရားအသိမ်းခံရတဲ့ ကျောမွဲလူတန်းစားတွေအနေနဲ့ အာဏာရှင်ကိုကြောက်ခဲ့ ရတော့ ဒီအတိုင်းပဲ လက်မှိုင်ချကာ ထိုင်ကြည့်ခဲ့ရတယ်။ ယခုလို ပွင့်လင်းမြင်သာမှု ရှိလာတဲ့အခါမှာတော့ ဒီမတရားမှုတွေကိုခံရ တဲ့လူတွေက အပြန်အလှန်တိုင်ကြားရင်း ထိုက်သင့်တဲ့ ရပိုင်ခွင့်တွေကို ပြန်လည်ရယူလိုတာဟာ သဘာဝပါပဲ။ မိမိနဲ့ မိမိ မိသားစုတစ်သက် စားမကုန်အောင် ကျိကျိတက် ချမ်းသာနေကြပေမယ့် သူတို့ဟာ လောဘမတတ်နိုင်ဘူး။ တကယ်တော့ ကိုယ်တိုင်အနေနဲ့ စွန့်ကျဲပေးကမ်းမှုတွေကို လုပ်ရမှာ။ အခုတော့ ဒီလိုမဟုတ်ဘဲ ကိုယ်ကျိုးမဖက်ဘဲ လိုက်ပြီးလုပ် ဆောင်ပေးတဲ့လူတွေကိုတောင် ပြန်လည်တိုင်ကြားပြီး တရားစွဲချင်တာတွေ လုပ်နေကြတာဟာ မကောင်းတဲ့လုပ်ရပ်တွေပါပဲ။ ခက်တာက ဒီလိုလူမျိုးတွေက နိုင်ငံနဲ့ချီပြီး အုပ်ချုပ်ခွင့်ရတဲ့ လူကြီးတွေအနေနဲ့ သွားရာလမ်းမှာတော့ ငွေနဲ့လမ်းခင်းပြီး သူတို့အလှူတွေအနေနဲ့ လိုက်ပြီး လှူဒါန်းမှုတွေကို မျက်နှာလို မျက်နှာရ လုပ်ကြပြန်တယ်။ ဒီတော့ ထောက်စရာရှိလာတယ်။ ဒီလို လိုက်ပြီး ကူညီတာ၊ လှူတန်းတာကော မဖြစ်ဘူးလားဆိုတာပါ။ ဖြစ်ပါတယ်။ ကောင်းပါတယ်။ ဒါပေမယ့် စေတနာမှန်စေချင်တယ်။ လုပ်ရပ်မှန်စေချင် တယ်။ အဲဒီလိုမဟုတ်ဘဲ ထောင်မြင်လို့ ရာစွန့်တာမျိုးတွေ လုပ်တာက များနေတဲ့သဘောပေါ့။ ဟိုတုန်းက အာဏာရှင်ခေတ်မှာ တော့ ပါမစ်ပေါ့။ ယခုအချိန်မှာတော့ လုပ်ပိုင်ခွင့်ပေါ့။ ဒီအတွက်လိုက်လုပ်နေတာက များတယ်လို့ဆိုချင်ပါတယ်။ ဒီတော့ ဒီလိုလူ မျိုးတွေအနေနဲ့ ဒါကို မှားမှန်းသိဖို့ အချိန်တန်ပြီ။ သိတဲ့အတိုင်းလည်း အမှားကို ပြင်ဆင်ဖို့ အချိန်ကျပါပြီ။ အမှန်လမ်းကြောင်းကို စားမကုန်တဲ့၊ သုံးမကုန်တဲ့ ဒီစည်းစိမ်တွေနဲ့ ပြုသူလူထုရဲ့ တကယ့်အကျိုးရှိမယ့် လုပ်ငန်းဆောင်တာတွေကို လူသားအကျိုးပြုစွာ နဲ့ လုပ်ဆောင်ကြရင် အမှားတွေကို အမှန်တွေနဲ့ ဖာထေးဖို့လုပ်ဆောင်ကြဖို့ လိုအပ်ပါပြီ။ ဒီလို ပြုပြင်သွားမယ်ဆိုရင်တော့ မတရားသဖြင့် ရှာဖွေထားတာပဲဖြစ်ဖြစ်၊ တရားသဖြင့် ရှာဖွေထားတာပဲဖြစ်ဖြစ် ရှာဖွေထားတဲ့ စည်းစိမ်တွေကို ကောင်းမွန်စွာ အသုံးချနိုင်မယ်ဆိုရင်တော့ လုံးဝတစ်သက်လုံး၊ တစ်သံသရာလုံး ဘယ်သူမှထောက်ပြဝေဖန်မှာမဟုတ်၊ စွပ်စွဲအပြစ်တင်မှာမဟုတ်၊ ကဲ့ရဲ့ရှုပ်ချနေမှာမဟုတ်ဘူးဆိုတာပါပဲ။ ဒီတော့ လူငယ်တွေအနေနဲ့ ဒီလိုဖြစ်ရပ်တွေကိုလည်း ကောင်းမွန်စွာ နားလည်သဘောထား ဖို့ လိုပါတယ်။ နားလည်တဲ့အတိုင်းလည်း မတရားတာတွေကို ပြန်လည်ဖော်ထုတ်နိုင်ဖို့ လိုပါတယ်။ ဒါဟာ သံသရာရှည်အောင် ဆွဲ ဆန့်တာမဟုတ်ဘူးလို့ ထင်ပါတယ်။ ““သေခြင်းတရားဆိုတာ (လူ့အဖြစ်) အချိန်ရယ်လို့ စဖြစ်လာကတည်းက တို့နဲ့အတူ တွဲပါလာတာပဲ။ ယုံကြည်မူ ဆိုတာမရှိရင် တို့တစ်တွေရပ်တည်နေနိုင်ဖို့ မလွယ်လှပါဘူး”” (ကွန်ဖြူးရှပ်) လူ့အဖြစ်ရဲ့ နောက်ဆုံးလက်ကျန်အချိန်ဆိုတာ ဘာမှမကြာခင်မှာဘဲ ကုန်ဆုံးသွားကြရမှာဖြစ်ပါတယ်။ သေခြင်းတရားဆိုတာ ဘယ်လိုနည်းတွေနဲ့ ဆွဲဆန့်ထားချင်ပေမယ့် မရပါဘူး။ တစ်နေ့ကျရင်တော့ သွားကြရမှာပါပဲ။ ဒီတော့ မသေခင်လေးမှာ ဘာတွေ လုပ်ဆောင်သွားကြမလဲ၊ လုပ်ဆောင်နေကြသလဲ၊ လုပ်ဆောင်ဦးမလဲဆိုတဲ့ မေးခွန်းတွေနဲ့ ဒီမေးခွန်းတွေရဲ့ အဖြေကို ကိုယ်တိုင် ပုံဖော်ထုဆစ်နိုင်ဖို့ တိုက်တွန်းချင်ပါတယ်။ ဘာလုပ်ငန်းပဲဖြစ်ဖြစ် လူသားကောင်းကျိုးဆိုတဲ့ မှန်ကန်တဲ့လုပ်ဆောင်မှုမျိုးတွေနဲ့ မဖြစ်ဖြစ်အောင် လုပ်ဆောင်မယ်။ ဖြစ်ကိုဖြစ်ရမယ်ဆိုတဲ့ ယုံကြည်မှုဆိုတာတွေနဲ့ ရပ်တည်နေထိုင်သွားနိုင်ဖို့ လိုအပ်ပါတယ်။ အမှန်တကယ်လည်း ဦးတည်ရာလမ်းကြောင်းဟာ ဓမ်္မဆိုတဲ့မျဉ်းပေါ်ကနေ ပြုတ်ကျမသွားဖို့ပါပဲ။ ဓမ်္မဆိုတာ လုပ်သင့် လုပ်ထိုက်တာ၊ မှန်ကန်တဲ့လုပ်ရပ်မှန်သမျှဟာ ဓမ်္မပါပဲ။ ဒီလမ်းကြောင်းပေါ်ကနေ ပြုတ်ကျမသွားအောင် ရှေးခရီးမှာ သန်မာတဲ့ခြေလှမ်းတွေနဲ့ အမြော်အမြင်ရှိရှိ လျှောက်လှမ်းသွားနိုင်ပါရန် တိုက်တွန်းလိုပါတယ်။ ဒီတော့ အချုပ်အနေနဲ့ ပြောရမယ်ဆိုရင်တော့ စိတ်ဓာတ်ပါပဲ။ စိတ်ဓာတ်ခိုင်မာဖို့ အထူးပဲလိုအပ်ပါတယ်။ စိတ်ဓာတ်ဖြူစင်ဖို့ အရမ်းပဲ အရေးကြီးလှပါတယ်။ အပြောင်းအလဲကို စိန်ခေါ်တဲ့အခါမှာ အကောင်းဆုံးအနေနဲ့ ကျော်ဖြတ်ဖို့အတွက် စိတ်ဓာတ်ဆိုပြီး ဖွင့်ဆိုလိုပါတယ်။ ဒါကြောင့် နောက်တစ်ပတ်မှာတော့ စိတ်ဓာတ်နဲ့ပတ်သက်ပြီး မကောင်းမှုဆိုတဲ့ ညစ်ညူးမှုတွေကြောင့် သွားချင်တဲ့ ပန်းတိုင်၊ လုပ်ဆောင်ချင်တဲ့ လုပ်ငန်းဆောင်တာများမှာ သွေဖီသွားမှုတွေ၊ ခရီးမရောက်နိုင်မှုဆိုတဲ့ စိတ်ဓာတ်ညစ်ညူးမှုဆိုတဲ့ အချက်အလက်များကို ထပ်မံ မိတ်ဆက်ပေးပါ့မယ်။ မောင်မင်းစိုး