ညီ၊ ညီမလေးသို့ အိတ်ဖွင့်ပေးစာ(၂)

ညီလေး၊ ညီမလေးတို့ရေ……

ပတ်ဝန်းကျင်အသိုင်းဝိုင်းနဲ့ နေရတာတော်တော်လေး အခက်ကြုံနေရတယ်လို့ပြောတယ်။ ဘာဖြစ်လို့လည်း သူတို့ ကဘာတွေလုပ်နေလို့လဲ။ ကိုယ်ကကော သူတို့ကိုဘာတွေ သွားလုပ်နေမိကြလို့လဲ။ အကိုရေးရေးလေး မြင်လိုက်တာကတော့ ငွေကြေးဆိုတဲ့ တံတိုင်းကြီးက ကာရံခံလိုက်ရတယ်လို့ထင်တယ်။ အေးလေ သူတို့က ငွေကြေးဆိုတဲ့ ပေတံနဲ့ လူ့ဘ၀ကို တိုင်းတာကြတာဖြစ်လိမ့်မယ်ထင်တယ်။ ဒီပေတံနဲ့ အတိုင်းခံရပြီး အကျဉ်ဖယ်ခံထားခံရလည်း ဘာဖြစ်လို့ အရေးလုပ်နေရမှာလည်း။ အဓိကကတော့ စိတ်ဓာတ်ကြီးမြင့်မှုဆိုတဲ့ ပေတံနဲ့တိုင်းတာခံရလို့ ကိုယ်က တော်တော်လေး နိမ့်ပါးနေရင်တော့ အကိုလက်ခံပါတယ်။ ဒီအတွက်တော့ ဘာအရေးမှ စိုက်မနေဖို့ မှာကြားလိုက်ပါတယ်။ အဓိကကျတဲ့ လုပ်ရပ်မဟုတ်ပါဘူး။ ဒါပေမယ့် ကိုယ့်ဘက်က လုပ်ဆောင်ရမယ့်၊ပြုမူရမယ့် လူသားဆန်တဲ့ လုပ်ရပ်တွေတော့ လုပ်ကိုလုပ်ရမယ်နော်။ ဒါကိုတော့ အကိုအရေးတကြီးကို မှာလိုက်ပါတယ်။

တကယ်တော့ကွာ လူလောကြီးမှာ လူသားတစ်ယောက် အသက်ရှင်နေထိုင်ရတဲ့အခါ အဲဒီလူဘာတွေလုပ် သွားသလဲဆိုတဲ့ ပေတံနဲ့တိုင်းတာတာက ပိုပြိးသဘာဝကျတယ်လို့ အကိုတော့ ခံယူထားတယ်။ ပစ္စည်းဥစ္စာမရှိတာလောက်နဲ့ လူရာမတွင်တာကိုတော့ သူတို့ဘက်က သေးသိမ်တာတကျလွန်းတယ်လို့ အကိုတော့ ထင်တယ်လေ။ ဆိုတော့ ဒီအတွက်လောက်နဲ့ ဘာမှအရေးစိုက်မနေပါနဲ့။ လျစ်လျူရှုထားလိုက်ပါ။ ကိုယ်လုပ်စရာရှိတာတွေကို ဆက်လုပ်ကြဖို့ အရေးကြီးတယ်။ လုပ်စရာတွေကတော့ အများကြီးပဲ ကိုယ့်အတွက်ရော၊ ပတ်ဝန်းကျင်အတွက်ပါလိုအပ်နေတဲ့ အရေးတကြီးလုပ်ဆောင်ရမှာတွေ ဒူးနဲ့ဒေးဆိုသလို ရှိနေခဲ့ပါတယ်။ တချို့ကတော့ အခု ပစ္စုပ္ပန်တည့်တည့်မှာ နေချင်သလိုနေရရင် ပြီးပြီထင်ကြတယ်။


တကယ်က သမိုင်းဆိုတာ၊ ရာဇ၀င်ဆိုတာတွေဟာ ဘယ်လိုလူအတွက်ပဲဖြစ်ဖြစ် ကျန်နေရစ်တယ် မဟုတ်လား။ ဒါပေမယ့် ကျန်ပုံခြင်းတော့ မတူဘူးပေါ့ကွာ။ အဲဒါတွေထားလိုက်ဦး အကိုတို့ ရွာ အဘကြီးဝင်းနဲ့ ဟိုတလောလေးက အေ့စ်ကိုက်လို့သေသွားတဲ့ ကိုထင်တို့ကိုပဲ ကြည့်လေ။ သူတို့ အကြောင်းတွေ လူတွေ ပြောနေကြတုန်းပဲမဟုတ်လား။ ဒါပေမယ့် ပြောဆိုကြပုံချင်းကတော့ မတူဘူးဆိုတာ ညီလေး၊ ညီမလေးတို့ ခွဲခြားသိနိုင်ကြမှာပါ။ အချို့က ဆိုကြသေးတယ် သေရင်ပြီးပြီတဲ့။ ဒါနဲ့ပတ်သက်လို့လည်း ပြောပြစရာလေး ရှိသေး တယ်။

အာဘင်အယ်စလာဟာ ငယ်ငယ်တုန်းက သူ့အဖေနဲ့ဓမ္မဆရာတစ်ဦးတို့ ပြောဆိုတဲ့ စကားစမြည်လေးကို ဘေးနားကနေ တစ်ဆင့်ကြားဖူးခဲ့တယ်တဲ့လေ။ ဒီတော့ သူဟာ လူငယ်ဆိုပေမယ့် ဖာသိဖာသာမနေခဲ့ပဲဖူးဆိုတာ သတိထားမိမှာပေါ့။ ဓမ္မဆရာကနေ သူ့အဖေကို ပြောတယ်…

“ခင်ဗျားရဲ့ အပြုအမူတွေကို သတိရှိရှိဆောင်ရွတ်ပါ။ ခင်ဗျားအပြုအမူတွေဟာ အနာဂတ်မျိးဆက်တွေ အပေါ် အကျိုးတစ်စုံတစ်ရာ သက်ရောက်နိုင်တယ်လို့ စဉ်းစားပါ”လို့ပြောတယ် ။ အဲဒါကို သူ့အဖေကလည်း ပြန်ပြော လိုက်တယ်ပေါ့။

“ ဘာကြောင့် အနာဂတ်မျိုးဆက်တွေအတွက် ကျုပ်က ပြုမူနေထိုင်ရမှာလဲ။ ကျုပ်က သူတို့ကို ဘယ်တော့ မှ တွေ့ရမှာ မဟုတ်ပဲ။ ကျုပ်သေသွားပြီးလို့ သားစဉ်မြေးဆက်တွေက ကျုပ်အကြောင်း ဘာတွေပြောနေနေ ကျုပ် ဟာ ဂရုမစိုက်“လို့ ပြန်ပြောလိုက်တယ်။ ဆိုတော့ ဒီစကားဝိုင်းလေးကို သားဖြစ်သူ အာဘင်အယ်စလာက ဘယ်တော့မှ မမေ့ဘူး။ သူ့ဘ၀တစ်လျှောက်လုံးမှာ သူဟာ အကောင်းဆုံးနေထိုင်ဖို့ ကြိုးစားခဲ့ပါတယ်။ လူတွေကို အတတ်နိုင်ဆုံး ကူညီခဲ့တယ်။ စိတ်အားထက်သန်သန်နဲ့ အလုပ်တွေလုပ်ခဲ့တယ်။ တခြားလူတွေအပေါ် ဂရုတစိုက်ရှိသူအဖြစ် သူဟာ လူသိများလာခဲ့တယ်။ သူသေဆုံးသွားခဲ့တဲ့အခါ သူထူထောင်ခဲ့တဲ့ လူမှုကယ်ဆယ်ရေး စီမံကိန်းတွေ အများကြီးကျန်ခဲ့တယ်။ သူ့ရဲ့ ညွှန်ကြားချက်အရ သူ့အုတ်ဂူရှေ့မှာ ရေးထိုးထားတဲ့ သင်္ချိင်းစာတစ်ကြောင်းရှိ တယ်။

အဲဒါကတော့…..
“ သေလျှင်ပြီးပြီဆိုသော ဘ၀သည် အသက်ရှင်ရကျိုး မနပ်သော ဘ၀ဖြစ်သည်”တဲ့။

ဒီတော့ ကိုယ့်ကိုငွေကြေးဥစ္စာ မရှိလောက်ယုံနဲ့ လူရာမသွင်းခံရတာဟာ အရေးမကြီးပါဘူး။ ဒါပေမယ့် ကိုယ်လုပ်ရမယ့် လူမှုရေးလုပ်ငန်းတွေကိုတော့ ကိုယ်တတ်နိုင်သလောက် လုပ်ဆောင်သွားဖို့ အရေးကြီးပါတယ်။ သူတို့ဘ၀တွေကိုတော့ ဒီငွေကြေးဥစ္စာက ဘယ်လောက်အာမခံချက်ပေးနိုင်မှာမို့လည်း။ ဆိုလိုတာက ငွေကြေးဥစ္စာတွေ ကျိကျိတက်ချမ်းသာနေပေမယ့် လူသားကောင်းကျိုးအတွက် ဘာမှမလုပ်ဆောင်နိုင်ရင်တော့ ဒီလူဟာ လူဖြစ်နေပေမယ့် အသက်ရှင်လျှက်နဲ့ သူ့ရဲ့အသက်ရှင်မှုဟာ သေဆုံးနေခဲ့ပါပြီ။ ညီလေး၊ ညီမလေးတို့ဟာ အဲဒီလူမျိုးထဲ မပါအောင်တော့ ကိုယ့်ကိုယ်ကို ဂရုစိုက်နေရမယ်။ ဒါမှသာလျှင် ဘ၀မှာမြင့်မြတ်တဲ့ လူသားဖြစ်ခွင့်ရရှိမှာဖြစ်တယ်။

အခုဇာတ်လမ်းလေးကို ကြည့်လေ အာဘင်အယ်စလာဟာ သူငယ်ငယ်ကကြားဖူးခဲ့တဲ့ စကားလေးကို အမှုမည့်အမှတ်မဲ့ မထားခဲ့ဘဲ ဒီစကားလေးကို အလေးတမူထားပြီး သူလုပ်ဆောင်သင့်တာတွေကို လုပ်ဆောင် သွားခဲ့တယ်။ နောက် လုပ်ဆောင်တဲ့အခါမှာလည်း တကယ့်ကို စိတ်ပါလက်ပါ လုပ်ဆောင်ခဲ့တယ်။ အခုတော့ သူသေပေမယ့် သူ စီမံကိန်းတွေက အခုထိဆက်လျှက်ရှင်သန်နေဆဲပဲ၊ သူဟာ လူသေသွားပေမယ့် သူ့နာမည်ဟာ အခုထိ မသေခဲ့ပါဘူး။ သူ့ရဲ့ လုပ်ဆောင်ချက်တွေကို လူတွေက သတိတရထားပြီး ပြောဆိုနေခဲ့ကြတယ်။ အမှန်တ ကယ်လည်း သူဟာ ရခဲတဲ့လူ့အဖြစ်ကို ထိုက်ထိုက်တန်တန် ရခဲ့တယ်မဟုတ်လား။

သူ့ ချန်ထားခဲ့တဲ့ နောက်ဆုံးစာတန်းလေးဟာလည်း တန်ဖိုးဖြတ်လို့မရအောင် ကျန်နေရစ်တယ်။ ဒီစာတန်းလေးကနေ လူဘ၀ပေါင်းများစွာ ဘယ်လောက် ပြောင်းလဲပေးနိုင်ဦးမယ်ဆိုတာ မှန်းဆလို့တောင် မရဘူးမဟုတ်လား။ ဟုတ်တယ် တချို့ကတော့ ပစ္စုပ္ပန် တည့်တည့်မှာ နေချင်သလိုနေရတယ်။ ၀တ်ချင်တာဝတ်ရတယ်။ စားချင်တာစားနေရတယ်။ အလိုရှိတာတွေ ရနေခဲ့တယ်ဆိုပြီး ကိုယ့်ကိုယ်ကို လောကနိဗ္ဗာန်ခံစားနေကြသယောင်ယောင် ပြောဆိုသံတွေကြားနေခဲ့ရတယ်။ ဒီတော့ လက်ရှိဘ၀မှာ နေချင်သလို၊ စားချင်သလို၊ ၀တ်ချင်သလို ၀တ်နေရတာကိုပဲ ဟုတ်လှပြီထင်နေကြတယ်။ တစ်ချို့ဆိုရင် သေရင်ပြီးပြီလို့တောင် ကြွေးကြော်သံတွေဟစ်အော်နေခဲ့တယ်။ သူ့စကားလေးကို ပြန်ပြောရရင် “ သေလျှင်ပြီး ပြီဆိုသော ဘ၀သည် အသက်ရှင်ရကျိုး မနပ်သော ဘ၀ဖြစ်သည်”တဲ့။

ညီလေး၊ ညီမလေးတို့ဟာ ဘ၀မှာဘာတွေ ပိုင်ဆိုင်နေချင်ကြတာလဲ။ ဘာတွေမရလို့ ပင်ပန်းနေခဲ့ကြတာလဲ ပစ္စည်းဥစ္စာ တစ်ခုတည်းလောက်နဲ့ ကိုယ့်အသိုင်းဝန်းက ကျဉ်ဖယ်ခံထားရတယ်ဆိုရင်တော့ ဘယ်တော့မှ စိတ်ညစ်မှုတွေ ဖြစ်မနေပါနဲ့။ စိတ်ကောင်း၊ စေတနာကောင်းထားပါ။ လုပ်သင့်တာကို စိတ်ပါလက်ပါနဲ့လုပ်ပါ။ သူတစ်ပါးကို ထိခိုက်သော အပြုအမူမျိုးကို ရှောင်ပါ။ သတိဝိရိယရှိပါ။ ကိုယ်လုပ်နေတဲ့ အလုပ်တိုင်းကို တန်ဖိုးထားပါ။ ဘယ်လိုသော အသေးဖွဲကိစ္စမျိုးကိုမဆို လျောတိလျောရဲ မလုပ်ပါနဲ့။ အကယ်၍ လူတိုင်းကို တန်ဖိုးထား လေးစားနေပေမယ့် သူတို့က ဒါကိုအသိမှတ် မပြုလို့ စိတ်ပျက်သွားမယ်ဆိုတဲ့ သဘောကို ဘယ်တော့မှ မဆောင်ပါနဲ့။ ဒီလိုဆိုရင် ညီလေး၊ညီမလေးတို့ဟာ လောကကြီးထဲမှာ လူသားတစ်ယောက် အသက်ရှင်နေထိုင်ရခွင့် နပ်သွားပါလိမ့်မယ်။

ဟိုတလောလေးက ဘီးလ်ဂိတ်ကတော့ သူပိုင်ဆိုင်ထားတဲ့ ငွေကြေးဘီလီယံပေါင်းများစွာကို လူသားဖွံ့ဖြိုးရေးအတွက်မှာ အသုံးချသွားမယ်လို့ ပြောဆိုသံကြားလိုက်ပါတယ်။ အကိုတော့ထင်တယ် နောက်ပိုင်း သူမရှိတဲ့ အချိန်မှာ ဒီဘီးလ်ဂိတ်ဆိုတဲ့ ကွန်ပျူတာပညာရှင်ကြီးရဲ့ ချန်ထားခဲ့တဲ့ ငွေကြေးတွေကို ဘီးလ်ဂိတ်ဖောင်ဒေးရှင်း အဖွဲ့ကနေ ဘယ်လိုဆုတွေ၊ ရွေးခြယ်ပြီး ချီးမြင့်သွားဦးမလည်းဆိုတာ ကြားလာရပါလိမ့်မယ်။ ဟို လွန်ခဲ့တဲ့ နှစ်များစွာကလည်း သူလှူဒါန်းတဲ့ ငွေကြေးပမာဏတွေကို ခေတ်သစ်ဝေဿန္တရာလို့ကို ခေါ်လောက်အောင် များပြားခဲ့တယ် မဟုတ်လား။ ဆိုလိုတာကတော့ အခုလက်ရှိထင်ရှားရှိနေဆဲမှာလည်း သူဟာ လူသားကောင်းကျိုးတွေကို ပုံဖော်နေခဲ့သလို၊ သူမရှိတော့တဲ့ နောက်ပိုင်းမှာလည်း သူထားခဲ့တဲ့ ငွေကြေးတွေနဲ့ လူသားဖွံ့ဖြိုးရေးဆိုတာတွေ ဘယ်လောက်ထိတောင် တွင်တွင်ကျယ်ကျယ် လုပ်ဆောင်ခဲ့ကြဦးမလဲဆိုတာ ကြားရတာနဲ့ ၀မ်းသာပီတိ ဖြစ်ရပါတယ်။

ဒါကြောင့် သူရဲ့နာမည်ဟာ အခုလည်းထင်ရှားကျော်ကြားနေသလို၊နောက် သူမရှိတဲ့ နောက်ပိုင်းမှာလည်း သူဟာ ဘယ်တော့မှသူ့နာမည် သေမှာမဟုတ်ဘူးဆိုတာကို ပြောချင်တာပါ။ ညီလေး၊ ညီမလေးတို့လည်း ကိုယ်စွမ်းဆောင်နိုင်တဲ့ဘက်ကနေ အားလုံးအတွက် မစွမ်းဆောင်နိုင်တောင် ကိုယ့်ရပ်ရွာအတွက်၊ ကိုယ့်ပတ်ဝန်းကျင် အသိုင်းဝန်းအတွက် ဘာတွေချန်ထားခဲ့မလဲ ဆိုတာကိုတွေးပြီး လုပ်သင့်တာတွေလုပ်ပါ။ တစ်နေ့တော့ ကိုယ့်စေတနာကို နားလည်းပြီး လူရာမသွင်းချင်လည်း အလိုလိုနေရာဆိုတာ ရလာပါလိမ့်မယ်။ နာမည်ကြီးဖို့ လူရာသွင်းခံရဖို့ဆိုတာ လုပ်ယူလို့ရတဲ့အရာမဟုတ်ပါဘူး။ ဒီလောက်ဆိုရင် ညီလေး၊ ညီမလေးတို့ တော်တော်လေးတော့ နားလည်သဘော ပေါက်လောက်ပြီလို့ ယုံကြည်ပါတယ်။ သေရင်ပြီးပြီဆိုတဲ့ စိတ်မျိုးမွေးပြီး လုပ်ချင်ရာလျှောက်လုပ်မယ်ဆိုတဲ့ စိတ်မျိုးကိုတော့ အခုထဲက ရှောင်ရှားနိုင်ပါစေ။

မင်းတို့ရဲ့ ချစ်ဆုံးအကိုကြီး….

မောင်မင်းစိုး(ရွှေနံ့သာ)

ညီ၊ ညီမလေးသို့ အိတ်ဖွင့်ပေးစာ (၁)

ညီလေး၊ ညီမလေးတို့ရေ….
ဘ၀မှာ ရှင်သန်မှုတွေကို တွေးပြီးစိတ်ပျက်နေကြသလား။ တစ်နေ့တော့ လောကဓံက မင်းတို့ငါတို့ကို မနေနိုင် လောက်အောင်တော့ နှိပ်စက်ညှင်းပန်းမှာ မဟုတ်ပါဘူး။ လက်ရှိရှင်သန်နေရတဲ့ ဘ၀များကို ကျေနပ်ပြီး အဆိုးဆုံး အနေအထား မရောက်တာကို ဂုဏ်ယူနေရမယ်ပေါ့။ မြည်တမ်းနေယုံနဲ့တော့ လောကကြီးက တို့ကိုကူညီ သွားမယ်တော့ မထင်ဘူး။ နေပျော်ပျော် သေပျော်ပျော်ဆိုတာ ကြားဖူးတယ်မဟုတ်လား။

မဖြစ်နိုင်တာကြီးတွေကို အတင်းပဲငြင်းဆန်းပြီး တွန်းလှန်နေယုံနဲ့တော့ မပြီးဆုံးနိုင်ဘူး။ ဘာကြောင့်မဖြစ်ရတာလည်းဆိုတာ အဖြေရှာ ကြည့်ဖို့တော့ လို မယ်ပေါ့ကွာ။ တွေးပြီးကြောက်နေယုံနဲ့တော့ အလုပ်ဖြစ်မှာ မဟုတ်ဘူးဆိုတာကို မှာချင်တာပါ။
တစ်ခါက ဂျာမန်တွေဟာ နာဇီတွေရဲ့လက်အောက်ကို ရောက်ရှိနေတဲ့အချိန်မှာပေါ့။ ဂျူးဓမ္မဆရာနှစ်ဦးဟာ အဲဒီမှာရှိတဲ့ ဂျူးလူမျိုးတွေကို နှစ်သိမ့်ဖို့ ကြိုးစားကြတယ်။ ဒါပေမယ့်လည်းဟာ မင်းတို့သိတဲ့အတိုင်း သူတို့လည်း ပု ထုဇဉ်လူသားတွေဆိုတော့ အကြောက်တရားကတော့ ရှိနေကြဆဲဆိုပါတော့။ ညီလေး၊ညီမလေးတို့ ကြားဖူးတဲ့အ တိုင်း ဟစ်တလာရဲ့ အင်မတန် နာမည်ကြီးတဲ့ ဂစ်စတာပိုတွေဆိုတာကလည်း တော်တော်ရက်စက်လူတွေ၊ ဒီတော့ သူတို့သာ တွေ့သွားရင် အဲဒီဓမ္မဆရာနှစ်ယောက်ရဲ့ အသက်ဟာလည်း တွေးဝန့်စရာတောင် ရှိမှာမဟုတ်ပါဘူး။

ထားပါတော့ နောက်ဆုံးသူတို့နှစ်ဦးကို ဂတ်စတာပိုတွေ ရှာတွေ့သွားပြီ။ ထောင်သွင်းအကျဉ်းချထားလိုက် တော့တယ်။ သူတို့နှစ်ယောက်ဟာ ရှေးဘာဖြစ်လာမယ်ဆိုတာ ကြိုတင်တွေးတောနေယုံနဲ့တော့ မလွယ်တော့ဘူး ဆိုပါတော့။ ဒီတော့ ပထမ ဓမ္မဆရာက သေရမှာတွေးကြောက်နေပြီး အချိန်ရှိသမျှဆုတောင်းနေတာနဲ့ အချိန်တွေ ကုန်လွန်နေတော့တယ်။ ဒုတိယ ဓမ္မဆရာကတော့ အချိန်ရှိသမျှ အိပ်နေခဲ့တယ်။

ဒီတော့ ပထမလူက မေးတာပေါ့။
“ မင်း ဘယ်လိုလုပ်နေတာလဲ“
ဒီတော့ ကျန်တဲ့တစ်ယောက်က. . .
“ ငါလား.. .ငါ့စွမ်းအင်ကို ချွေတာနေတာလေ၊အဲဒါတွေကို အသုံးချဖို့ လိုလာလိမ့်မယ်လို့ ငါသိနေတယ်” လို့ ပြောတယ်။ ဒီတော့ ပထမလူက ဆက်မေးတယ်။
“ မင်း မကြောက်ဘူးလား၊တို့ ဘာတွေဖြစ်ဦးမယ်ဆိုတာ မသိနိုင်ဘူး”
“ ငါတို့ ထောင်မကျခင် အချိန်ထိ သေရမှာကို ကြောက်လန့်ခဲ့တယ်။ အခုတော့ ငါတို့ ဟောဒီအချုပ်ခန်း လေးထဲ ရောက်နေကြပြီ၊ ငါတို့ကြိုတွေး ကြောက်ရွံ့ကြတဲ့ အတိုင်းလဲ ဖြစ်လာခဲ့ပြီ။ ဒီတော့ ကြောက်ရွံ့ရမယ့် အချိန် ဟာ ကုန်လွန်သွားပြီ။ အခုတော့ မျှော်လင့်ချက်ထားမယ့် အချိန်ဟာ စတင်ရောက်ရှိလာလေပြီ”
ညီလေး၊ညီမလေးတို့ ဒီအကြောင်းအရာနဲ့ ပတ်သက်ပြီး ဘာတွေပြောချင်သေးလဲ။

မေးစရာရှိတာ၊ပြောစ ရာရှိရင်လည်း စာလေးဘာလေးလှမ်းရေးလိုက်ကြဦးနော်။ အကိုတော့ ရန်ကုန်မြို့ကြီးထဲမှာ ယောင်လည်လည်နဲ့ ဒီ လိုပဲ နေထိုင်နေခဲ့ရတယ်။ ဘာမှတော့ ဖြစ်မလာသေးပေမယ့်။ အကို့ရဲ့ စိတ်ဓာတ်တွေကတော့ ခိုင်မာရှင်သန်နေဆဲ ပါ။ ဒေါင်ကျကျ ပြားကျကျတော့ နေထိုင်တတ်နေခဲ့ပါပြီ။ မင်းတို့လည်း နုနယ်သေးတော့ လောကဓံဆိုတာကို အမုန်း တရားအဖြစ် ခံယူနေကြလိမ့်ဆိုတာ အကိုသိပါတယ်။ ဒါကိုလည်း အကို အပြစ်မတင်ပါဘူး။

အမှန်က ဒီအကြောင်းအရာလေးဟာ တော်တော်လေးကို စိတ်ဓာတ်ခွန်အားတွေ ဖြစ်စေခဲ့ပါတယ်။ မင်းတို့ စဉ်းစားကြည့်လေ။ ဆင်းရဲမှု ဒုက္ခ အ၀၀နဲ့ ရင်ဆိုင်နေရတိုင်း စိတ်ဓာတ်တွေအောက်ပြုတ်ကျတဲ့အထိ ပူပင်သောက ရောက်နေခဲ့မယ်ဆိုရင်။ ဘ၀မှာ နေရထိုင်ရတာ တော်တော်လေး ကျဉ်းမြောင်းသွားမယ် မဟုတ်လား။ ဒီလို အခြေ အနေမျိုးမှာ စိတ်ကိုအေးအေးထား၊ရှေ့ဘာဆက်လုပ်ရမယ်ဆိုတာ ကြိုတင်စဉ်းစားနေရမယ်။ လောကဓံကို ခါးသီး တဲ့ တရားအဖြစ် လက်ခံထားပြီး စိတ်ဆင်းရဲနေယုံနဲ့တော့ လောကဓံရဲ့ လှည့်စားမှု၊ဖြားယောင်းမှု၊နှိပ်စက်ညှင်းပန်းမှု၊ ဆိုတာတွေကနေ လွတ်မြောက်နိုင်မှာ မဟုတ်ဘူး။ မျှော်လင့်ချက်သက်သက်နဲ့ အချိန်ကုန်လွန်စေတာမျိုးလည်း မဖြစ်သင့်ဘူး။ မျှော်လင့်ထားတဲ့အတိုင်း ရှေ့ကိုဘယ်လို ဆက်လျှောက်ရမယ်ဆိုတာတွေကို ကြိုတင်စီမံကိန်းချပြီး နေရဲရဲ သေရဲရဲဆိုတဲ့ စိတ်ဓာတ်တွေမွေးမြူနိုင်ရမယ်။

ဒီအကြောင်းအရာ အဖြစ်ပျက်လေးထဲက ပထမဆရာရဲ့ ပြုမူဆောင်ရွတ်ချက်တွေကိုတော့ ဥပေက္ခာပြု ထားနိုင်ရမယ်။ ဒီလမ်းစဉ်ဟာ တော်တော်လေးကို စိတ်ပျက်စရာကောင်းတယ်လို့ အကိုတော့ ထင်မြင်မိတယ်။ မင်းတို့လည်း စဉ်းစားတွေးခေါ်တတ်တဲ့ အရွယ်ထဲကိုရောက်နေပြီပဲ။ ဒါမျိုးတွေကို ပြောနေစရာတောင် လိုမယ်မထင် ပါဘူး။ စဉ်းစားကြည့်လေ ။ တကယ့်အကျဉ်းအကျပ်ထဲရောက်နေမှတော့ ဆုတောင်းနေယုံနဲ့ ပြဿနာက ပြီးသွားပါ့ မလား။ ဆုတောင်းနေယုံနဲ့ ပြီးသွားမယ်ဆိုရင် အကိုတို့တတွေလည်း ဆုတောင်းသံတွေ မိုးလုံးညံနေအောင် ဆုတောင်းကြမှာပဲ။ ဆိုလိုတာကို သဘောပေါက်မယ်ထင်ပါတယ်။ လုပ်သင့်တာကို လုပ်ရမယ်၊ရင်ဆိုင်စရာရှိတာ တွေကို ရင်ဆိုင်ရမယ်။ ခါးသီးလှတဲ့ လောကဓံတွေပါလားလို့ ဒါကိုပဲမင်းမူနေရင်း စိတ်ဓာတ်တွေပဲ ကျနေခဲ့မယ်ဆို ရင်တော့ ဒီလောက်ပင်ပန်းဆင်းရဲမှုထက် အဆမတန်များပြားလာမယ့် လောကဓံဆိုးတွေကိုပဲ ရရှိမှာမဟုတ်လား။

ဒုတိယ ဓမ္မဆရာရဲ့ စိတ်ဓာတ်ကို အလေးတမူရှိရမယ်။ အတုခိုးရမယ်ပေါ့။ သူပြောတာတွေက မှန်နေ တယ်လေ။ အစကထဲက ဒါတွေတွေးကြောက်ခဲ့ပြီးပြီ။ အခုတော့ ဒီလိုတွေးကြောက်နေတာကြီးက မျက်ဝါးထင်ထင် ရင်ဆိုင်နေရပြီ။ ဒါကို မရင်ဆိုင်ဘဲ ဆုတောင်းနေယုံနဲ့ ပြဿနာကလည်း လမ်းကြောင်းပြောင်းသွားမှာမှ မဟုတ်တာ၊ ဒီတော့ သူပြောသလို အရင်ကလည်းတွေးကြောက်ခဲ့တဲ့ ပြဿနာတွေက အခုရင်ဆိုင်နေရပြီ။ အခုတော့ လုပ်သင့် တာကတော့ ဒီပြဿနာက ဘယ်လိုရုန်းထွက်သွားမယ်ဆိုတာ စဉ်းစားပြီး သူအားအင်တွေဖြစ်စေဖို့အတွက် စိတ် ဓာတ်ခွန်အားအဖြစ် အားမွေးနေတယ်။ ဒါဟာ ဖြစ်ချင်တာဖြစ် အိပ်နေမယ်ဆိုတာကို သူပြောတာမဟုတ်ဘူးနော်။ သူ့အယူအဆက ဒီထဲကနေလွတ်မြောက်ဖို့၊ရုန်းထွက်နိုင်ဖို့ ကိုယ်ကိုယ်တိုင် အသုံးချရတော့မယ်။

လွတ်လမ်းဆိုတာ ကလည်း ဂျူးတွေမုန်းတီးလှတဲ့ နာဇီတွေရဲ့ စိတ်ထားက ဒီလောက်တော့ သဘောထားမကြီးနေဘူးဆိုတာ ကြိုတင် မြင်ရောင်နေတာ မဟုတ်လား။ ဒီတော့ ရုန်းထွက်ဖို့ သူစိတ်ဓာတ်ခွန်အား၊ရုပ်ခွန်အားဖြစ်စေဖို့ အိပ်စက်အနားယူနေ ခဲ့ခြင်းသာဖြစ်ပါတယ်။

မင်းတို့ငါတို့ဟာ ဆင်းရဲမှုဆိုတဲ့လောကဓံရဲ့ အပြင်းစားရိုက်ချက်ကြီးကို တော်တော်လေးရက်စက်လွန်းပါ တယ်ဆိုပြီး။ အပြစ်တင်နေ၊ဆုတောင်းနေယုံနဲ့တော့ ဒီလောကဓံဆိုးရဲ့ လက်အောက်ကနေ ဘယ်လိုမှရုန်းထွက်နိုင် မှာ မဟုတ်ဘူး။ ဒီတော့ ရှေ့ဆက်ဘာလုပ်သင့်တယ်။ ဘယ်လမ်းကြောင်းကို လိုက်သင့်တယ်။ ဘယ်လိုလူတွေရဲ့ လျှောက်သွားခဲ့တဲ့ လမ်းစဉ်တွေကို အတုယူတတ်ရမယ်။ လောကဓံဆိုးကို ကြံ့ကြံ့ခိုင်နိုင်မှ လူတော်ဖြစ်လာမယ် မဟုတ်လား။ ဒီတော့ ခါးသီးလှတဲ့ ဘ၀၊ခက်ထန်ကြမ်းတမ်းလှတဲ့ လူ့အဖြစ်၊ဆိုတာတွေကို စဉ်းစားပြီး တွေးတောနေ ယုံနဲ့တော့ မလွန်မြောက်နိုင်ဘူးဆိုတာကို မှာချင်တာပါ။ ဘ၀မှာ အမြဲတန်းဒါမျိုးတွေကြီး ဖြစ်လာမယ်လို့ သဘော ထားပြီး ဘာမှမလုပ်ဘဲ၊မတွန်းလှန်ဘဲ နေနေဦးမယ်ဆိုရင်တော့ ဒါထက်အဆမတန်းပြင်းထန်လှတဲ့ ဘ၀ဆိုးတွေ၊ လောကဓံဆိုးတွေနဲ့ ရင်ဆိုင်ဖြတ်သန်းနေရဦးမှာပဲ။

ဒါနဲ့ ပြီးခဲ့တဲ့ အပတ်က အမေနေမကောင်းဘူးလို့ ကြားတယ်။ သူလည်း မင်းတို့ငါတို့အတွက် လုပ်နေခဲ့တာ တော်တော်လေးကို ပင်ပန်းရောပေါ့။ သူ့အကြွေးတွေကို ကုန်စင်အောင်ဆပ်နိုင်ဖို့ လိုတယ်။ သူ့ကိုလည်း ဂရုစိုက်ကြ ဦး။ အဖေမရှိတော့တဲ့ နောက်ပိုင်းမှာ သူလည်းမင်းငါတို့အတွက် အဖေဆိုလည်းဟုတ်တယ်။ အမေဆိုလည်းဟုတ် တယ်။ သူ့ကို ဘယ်တော့မှ စိတ်ဆင်းရဲစရာတွေ မလုပ်ကြနဲ့ပေါ့။ သူ့စကားကို နားထောင်ကြပြီး သူ့လျှောက်ခိုင်းတဲ့ လမ်းကြောင်းတိုင်း တည့်မတ်မှန်ကန်အောင် လျှောက်လှမ်းနိုင်ဖို့ လိုတယ်။ မင်းတို့လည်း တစ်နေ့ဒီနေရာကို ရောက် လာကြမယ်မဟုတ်လား။ အမေရဲ့ လူတလုံးသူတလုံးဖြစ်စေချင်တဲ့ ဆန္ဒတွေဟာ မင်းတို့ငါတို့အပေါ်မှာ တော်တော် လေးကို ကြီးမားနေခဲ့တယ်မဟုတ်လား။ အမေ့လျှောက်ခဲ့တဲ့ လမ်းတွေဟာ ဈေးခြင်းပေါင်းများစွာ ပြောင်းလဲခဲ့ပေ မယ့် သူကတော့ မပြောင်းလဲသွားပါဘူး။ နေ့စဉ်နှင့်အမျှ တစ်အိမ်ဝင်တစ်အိမ်ထွက် ဈေးရောင်းခဲ့တာတွေကိုလည်း မင်းတို့သိတယ်မဟုတ်လား။ ဒါဟာ ဘယ်လောက်၊ဘာအတွက် ပင်ပန်းဆင်းရဲမှုတွေကို ခံခဲ့တာလည်းဆိုတာ တွေးပြီးသိသာလောက်ပါပြီနော်။

မင်းတို့ရဲ့ ချစ်ဆုံးအကိုကြီး….
မောင်မင်းစိုး(ရွှေနံ့သာ)

ဆိုင်ဘာမှ သုံးသူများ အတွက် (သို့) သူများ PC မှာ သုံးမယ်ဆိုရင်

တော်တော် များများက Gmail password hack မယ်ဆိုတာနဲ့ အရမ်းကို စိတ်ဝင်စားကြတယ်ဗျ .. ။ ဘာလို့သူများ password ကို သိချင်ကြမှန်းမသိဘူး .. ။ ဘာမှ ကောင်းကျိုးမရှိဘူး ။ ရေးတဲ့လူတွေ ရှိတော့လည်း ပြောပြရတော့မှာပေါ့ဗျာ .. ။
ရေးကြတာကတော့ connection ကျအောင်လုပ် gtalk က password တွေ •••• အဖြစ်ပေါ်လာရင် သူတို့ပြောတဲ့ Software နဲ့ ကြည့်ပေါ့ဗျာ .. ။ အင်း ...
အဲဒီထက်ကောင်းတဲ့နည်းရှိတယ်ဗျ ... see passwoord လို့ ခေါ်တယ်။ ဒီကောင်လေးမှာ မှန်လိုပုံစံလေးပါတယ်။ password နေရာမှာ မှန်ဘီလူး လိုကြည့်လိုက်ရင်ပေါ်ပြီပဲ။ portable လည်းရှိပါတယ်။

အဲဒါထက်ဆိုးတာ တစ်ခုရှိတယ်ဗျ ... ။ ဒီလိုဗျာ .. keylogger လို့ခေါ်တယ် .. window စတက် ကတည်းက စအလုပ်လုပ်တယ်။ ပိတ်လိုက်လည်း နောက်ကွယ်မှာ လုပ်နေတယ်။ tray icon လည်းမပေါ်ဘူး။ ရှိမရှိ မသိရဘူးပေါ့ဗျာ .. ။ သူက ခင်ဗျား keyboard မှာ ရေးလိုက်သမျှ၊ mouse နဲ့နှိပ်သမျှတွေကို အချိန်နဲ့တကွ မှတ်ထားပေးတယ်ဗျ .. ။ အဲဒါဆို ဘာတွေ ပါသွားမလဲ တွေးကြည့်လေ .. ။ ပထမဆုံး gtalk sign in ၀င်မယ်ဗျာ .. ။ သွားပြီ user name ရော ၊ password ရော ။ နောက်ပြီးရင် ကိုယ့်ချစ်သူနဲ့ နှစ်ကိုယ်ကြားတွေပြောမယ်၊ ဒါမှမဟုတ် လုပ်ငန်းပိုင်းတွေပြောမယ်။ တစ်ချို့တွေ credit card နံပါတ်တွေ ရိုက်မယ် အကုန်ကျန်ခဲ့တာဗျ .. ။ ဘယ်လောက် ဆိုးသွားနိုင်မလဲ တွေးကြည့်ပေါ့ .. ။ အထူးသဖြင့် ဆိုင်ဘာ ကနေ သုံးရတဲ့လူတွေ .. ။ တွေးသာကြည့်ပါတော့ဗျာ ... (All in 1 key-logger ဆိုရင် ဓါတ်ပုံတွေ၊ အသံတွေ၊ ဗီဒီယိုတွေကိုပါမှတ်ပေးထားနိုင်တယ်၊ သတိထားနော်.. မင်းသား/မင်းသမီးတွေပါ ဖြစ်သွားမယ် ဟဟ)

အဲဒါကို ရှိမရှိ ကြည့်ဖို့ ပြီးတော့ ကိုယ်ရေးခဲ့သမျှ မကျန်ခဲ့ဖို့ ကျနော် ပြောပြပါ့မယ်။ ကိုယ့်သူငယ်ချင်းနဲ့ သက်ဆိုင်သူတွေကိုတော့ အသိပေးပြောပြလိုက်ပေါ့ဗျာ .. ။ တကယ်ကျန်ခဲ့တယ်ဆိုတာ အားလုံးမှတ်ပေးနိုင်တယ်ဆိုတာ မယုံဘူးလား .. ဟဟ software ရှာပြီး စမ်းကြည့်ပေါ့ဗျာ .. ။ ကျနော် fileden မှာ host တင်ပြီးသားကို ရှိတယ်။ ဒါပေမယ့် မပေးဘူး .. အကျိုးမရှိဘူးလေဗျာ ... ။

ကဲ ကြာပါတယ် .. ကိုရေးတာတွေ password တွေ ပါမသွားအောင် လုပ်လိုက်ရအောင် ။
Ctrl+Shift+Esc(or)Ctrl+Atl+Del နဲ့ Task manager ကို ခေါ်လိုက်ဗျာ ..။
Process ဆိုတဲ့ tab ကို နှိပ်ပြီး msdts.exe ဆိုတာကို လိုက်ရှာကြည့် ဗျာ ။ ရှိတယ်ဆို keylogger သုံးထားလို့ပေါ့ ။
အမြန်သာ click နှိပ်ပြီး End process ပေးလိုက်ပေတော့ ။ အဲဒါဆိုရင်တော့ keylogger ကို ကာကွယ်နိုင်ပြီ ဖြစ်ပါတယ်။

အကောင်းဆုံးနည်းလမ်းကတော့ task manager မှာရှိတဲ့ process tab ထဲမှာရှိနေတဲ့ ကောင်တွေ ထဲက ကိုယ်သုံးမယ့် gtalk လောက်ပဲအိုကေထားပြီးကျန်တာတွေကို disable သို့မဟုတ် end process ပေးလိုက် တာပါပဲ...

ဘာလို့ဆိုရိုးရိုးယူဆာတွေအနေနဲ့ကဘယ်လိုဖိုင်လ်က အချက်အလက်တွေကို ရီကော့လုပ်တာလဲ ဆိုတာ မသိနိုင်တော့ အန္တရာယ်ကင်း ဘေးရှင်း အားလုံးကို end process လုပ်ပြီး ကိုယ်သုံးတဲ့ ကောင်ကိုပဲ manually ခေါ်သုံးတာအကောင်းဆုံးပါပဲ။
ဒီပို့စ်လေးကို ရေးပြီး မိတ်ဆွေတို့ အားလုံးကိုပို့ရတဲ့အကြောင်းရင်းကတော့ ပြီးခဲ့တဲ့တစ်ရက်ကပဲ ကျွန်တော့်ကိုပြည်တွင်းက မိတ်ဆွေတစ်ယောက် က ကျောက်မြောင်းထဲက အိုကေဆိုတဲ့ အင်တာနက် ဆိုင်တစ် ဆိုင်မှာ နိုင်ငံရေးလှုပ်ရှားသူတစ်ယောက် ပြည်ပနဲ့ ဆက်သွယ်နေတာတွေ့လို့ ဆိုပြီးအဖမ်းခံရတယ် ပြောလို့ပြည်တွင်းကတက်ကြွလှုပ်ရှားသူတွေ အနေနဲ့ နည်းပညာပိုင်းအရ ရှောင်လို့ရတဲ့ အချက်လေး တစ်ချက် အဖြစ်နဲ့ တစ်ဘက်တစ်လမ်း ကနေအထောက်အကူ ဖြစ်စေချင်လို့ပါပဲ..မိတ်ဆွေတို့ ရဲ့ပြည်တွင်း အဆက် အသွယ်တွေကိုဒီပို့စ်လေးကိုဖော်ဝဒ်လုပ်ပြီးပေးဖတ်ရင်း သူတို့ရဲ့အန္တရာယ်ကင်းရေးအတွက် အထောက် အကူပြုကြပါခင်ဗျာ။

တေဇာတေ ( မြန်မာနိုင်ငံဒီမိုကရေစီရရှိရေးလှုပ်ရှားမှုအဖွဲ့) ဒိန်းမတ်

အထက်ပါပို့စ်လေးကိုဘလော့ဂါသံလုံငယ်ရဲ့ပို့စ်ကိုပြန်မှီငြမ်းထားပါတယ်။