အဖြေ
အမေးနွားကြောင်းသား၊ အဖြေဘုရားလောင်းဆိုတဲ့ ဆိုရိုးစကားကို မြန်မာတွေ တွင်တွင်ကျယ်ကျယ်သုံးနေကြတာကို သတိပြုမိကြပါလိမ့်မယ်။ မေးခွန်းဆိုတာကလည်း သိတဲ့အတိုင်း ဘယ်လိုပုံစံမျိုးနဲ့ တက်လာမယ်ဆိုတာက ခပ်မှန်းရခက်တယ် မဟုတ်လား။ ဒီတော့ စစ်မှန်တဲ့အဖြေရဖို့အတွက် အဖြေရှင်အနေနဲ့ လိမ်္မာပါးနပ်ဖို့၊ ကျွမ်းကျင်ဖို့၊ အမျိုးမျိုးအစုံစုံလေ့လာထားဖို့ လိုအပ်ပါလိမ့်မယ်။ မေးခွန်းဆိုတာတွေကတော့ လူတွေရှိနေသမျှ မေးခွန်းမျိုးစုံလည်း ရှိနေမှာမလွဲပါဘူး။ အထူးသဖြင့်တော့ ဘာအတွက်ပဲဖြစ်ဖြစ် မေးခွန်းမေးလို့ပဲဖြစ်ဖြစ်၊ ပြဿနာဖြစ်လို့ပဲဖြစ်ဖြစ် ဒီကိစ်္စတွေကနေ ကျော်လွှားသွားနိုင်ဖို့အတွက်တော့ အဖြေမျိုးစုံ၊ ဖြေရှင်းနည်းမျိုးစုံ၊ ရှင်းလင်းခြင်းမျိုးစုံနဲ့ ကောင်းမွန်းတဲ့ရလဒ်တစ်ခုကို ဖန်တီးဖော်ဆောင်သွားနိုင်ဖို့ အရေးကြီးပါတယ်။
အကုန်အကျနည်းနည်း၊ အထိအခိုက်နည်းနည်းနဲ့ ပြီးဆုံးသွားဖို့အင်မတန်မှ အရေးကြီးလှပါတယ်။ အခုတလောလည်း လွှတ်တော်မှာရော၊ လွှတ်တော်ပြင်ပမှာရော ပြဿနာပေါင်းစုံ တက်နေတာတွေ့နေကြပါလိမ့်မယ်။ ဒါကြောင့် သန့်ရှင်းတဲ့ အဖြေ၊ စစ်မှန်တဲ့ အဖြေ၊ အဓိပ်္ပာယ်ရှိတဲ့ ဖြေရှင်းနည်းတွေနဲ့ နှစ်ဦးနှစ်ဘက် အကျိုးရှိစွာ ပြီးဆုံးသွားစေချင်ကြပါတယ်။ ရခိုင်းအရေးအတွက် စိန်ခေါ်ချက်တွေ၊ မပြီးဆုံးနိုင်သေးတဲ့ ပြည်တွင်းစစ်အရေးတွေ၊ အလုပ်သမားကိစ်္စအရေးတွေ၊ နောက်ဆုံးပေါ်အရေးဖြစ်တဲ့ ခုံရုံးမှသည် ပီအာ(ရ်)စနစ်ဖြစ်တဲ့ အချိုးကျဝေငှပြီး ကျင့်သုံးမှုဖော်ဆောင်ရေးတွေ စသဖြင့်တော်တော်လေးကို များပြားလှတဲ့ ပြဿနာတွေ ဖြစ်ပေါ်နေပါတယ်။ နုနယ်သေးတယ်ဆိုတဲ့ အစိုးရအနေနဲ့လည်း အခုတော့ နုနယ်သေးတယ်ဆိုတဲ့ စကားပြောဖို့ အချိန်မဟုတ်တော့ ဘူးဆိုတာ သိပြီးဖြစ်နေပါလိမ့်မယ်။ ဒါတွေကို ဖြေရှင်းဖို့အတွက် အများအနေနဲ့ ဒီလောက်မလိုအပ်ဘူးလို့ ပြောနေပေမယ့် သမ်္မတရုံး ၀န်ကြီးဌာနအတွက် ၀န်ကြီးခြောက်ဦးအထိ ခန့်အပ်ပြီး တာဝန်ထမ်းဆောင်ကြမယ်ဆိုတော့ အနာဂတ်မြန်မာနိုင်ငံအတွက် ဘယ်လို တိုးတက်ပြောင်းလဲမယ့် အကျိုးရလဒ်တွေကို အကောင်အထည်ဖော်ဆောင်သွားမလဲဆိုတာ စောင့်ကြည့်ကြရတော့မှာ ဖြစ်ပါတယ်။
သမ်္မတကြီးရဲ့အဆိုအရကတော့ ကေအိုင်အို၊ ကေအိုင်အေလောက်ပဲ ဆွေးနွေးမှုမအောင်မြင်သေးတာဖြစ်တဲ့အကြောင်း အတိအလင်း ပြောဆိုနေသံတွေနဲ့အတူ ငြိမ်းချမ်းရေးဖော်ဆောင်မှုတွေကိုလည်း စဉ်ဆက်မပြတ်လုပ်နေတဲ့အကြောင်း ပြောပါတယ်။ နောက်ပြီး တစ်ချိန်တုန်းကတော့ အစိုးရဌာနအတွက် အဓိကရန်သူအဖြစ် သတ်မှတ်ခံထားရတဲ့ လက်နက်ကိုင်တော်လှန်ခဲ့ကြတဲ့ ပြည်ပရောက် တော်လှန်ရေးသမားတွေလည်း ပြည်တွင်းကိုဝင်ရောက်စေပြီး လေ့လာမှုတွေ၊ ဆွေးနွေးမှုတွေ ပြုလုပ်နေတာလည်း တွေ့နိုင်ပါတယ်။ တချို့ကလည်း ထောင်အသီးသီးမှာ ပုဒ်မအသီးသီးနဲ့ စွပ်စွဲခံထားရတဲ့ နိုင်ငံရေးအကျဉ်းသား သုံးရာကျော်ရှိ နေသေးကြောင်း၊ ဒါတွေကိုလည်း ပြန်လွှတ်ပေးစေလိုကြောင်း တောင်းဆိုသံတွေကလည်း နေ့စဉ်မပြတ်ကြား နေရဆဲဖြစ်ပါတယ်။ ဆိုတော့ ပြဿနာ ပေါင်းစုံကတော့ မည်သို့ပင်ရှိစေ တစ်ခုပြီးတစ်ခု ဖြေရှင်းရမှာတွေ ရှိသလို၊ မမြင်နိုင်တဲ့ ပြဿနာပေါင်းစုံကလည်း ထောင့်မျိုးစုံ ကနေ ၀င်ရောက်လာဖို့ အသင့်ရှိနေမှာဖြစ်ပါတယ်။ ဒါကြောင့် ငြိမ်းချမ်းစွာအဖြေရှာနိုင်ဖို့နဲ့ ဖြေရှင်းနိုင်ဖို့ လိုအပ်နေပါပြီ။
ဒီလို ဖြေရှင်းတဲ့အခါမှာတော့ ပထမဆုံး ပွင့်လင်းထင်သာမှုဟာ အလွန်အရေးကြီးပါတယ်။ မပွင့်မလင်းနဲ့ သံသယတွေ ထားနေဦးမယ်ဆိုရင်တော့ မလွယ်ကူပါဘူး။ နောက်တစ်ချက်ကတော့ အပြန်ပြန် အလှန်လှန် နားလည်မှုရှိထားဖို့၊ တည်ဆောက်ထား ဖို့ လိုပါတယ်။ နားလည်မှုမရှိရင်တော့ ဘာမှပြီးမြောက်မှာ မဟုတ်ဘူးဆိုတာပါပဲ။ နောက်တစ်ချက်က ဘယ်သူ့ကိုမဆို ဒီနေရာမှာ တော့ ငါက ဘာကောင်ကွဆိုတဲ့ အတ်္တတွေ၊ မာနတွေကို ခ၀ါချနိုင်ပြီး လေးစားမှု၊ ယုံကြည်မှုရှိဖို့ လိုအပ်ပါတယ်။ ဒါတွေအပြင် အတူတကွ ဖြေရှင်းဖော်ဆောင်တဲ့အခါ အချင်းချင်းညီညွတ်မှုဟာလည်း အရေးကြီးပြန်ပါတယ်။ နောက်တစ်ခုကတော့ အခု ဆီးရီးယား အရေးအတွက် ကိုဖီအာနန်ကို ကြားခံဆက်သွယ်ပြီး အစိုးရရော၊ အတိုက်အခံတွေရော ငြိမ်းချမ်းစွာအဖြေရှာပြီး ဆုံးရှုံးမှုအနည်း ဆုံးနဲ့ ပြီးဆုံးသွားဖို့ သံတမန်နည်းနဲ့ ဖြေရှင်းမှုတွေ လုပ်ခဲ့တယ်။ ဒါပေမယ့် မအောင်မြင်ဘူးပေါ့။ ဒါတွေဟာ အထက်ကပြောခဲ့သလို နားလည်မှု၊ ယုံကြည်မှုမရှိတာတွေ၊ သံသယပွားနေတာကြောင့် ဖြစ်ပါတယ်။ ဒီတော့ ဒီလိုနေရာမှာလည်း ကြားခံအဖြစ် ဆက်သွယ် ရေးသံတမန်ဆိုတာတွေလည်း လိုအပ်ပါတယ်။
အဓိဖြစ်နေတဲ့အခါ တိုက်ရိုက်ခံစားနေရတဲ့ ပြည်သူလူထုရဲ့ အနက်ရှိုင်းဆုံးကိစ်္စတွေကိုအထိ ထိုးဖောက်မြင်နိုင်စွမ်းရှိအောင် ကြိုးစားအကောင်အထည်ဖော်ဖို့လည်း လိုအပ်ပါတယ်။ ဒါတွေဟာလည်း တကယ်တမ်းမှာတော့ လူတွေရဲ့ ယုံကြည်မှုဟာ အရမ်း အရေးပါတဲ့ လက်္ခဏာဖြစ်ပါတယ်။ အားလုံးရဲ့ ခံစားချက်တွေကို ဘက်မလိုက်ဘဲ နားလည်နိုင်ရမယ်။ စကားရည်လုပွဲမျိုးအနေနဲ့ ပြီးဆုံးသွားတာမျိုးလည်း မဖြစ်သင့်ပါဘူး။ ပြီးတဲ့အခါမှာတော့ တန်းတူအခွင့်အရေးနဲ့ ပြီးဆုံးသွားစေဖို့ လိုအပ်ပါတယ်။ ကိုယ်က နိုင်လိုက်ပေမယ့် ဒါကိုငါကွဆိုတဲ့သဘောမျိုးနဲ့ မဆက်ဆံသင့်ဘူး။ ခုံရုံးကိစ်္စဟာ လောလောလတ်လတ်ဖြစ်သွားတဲ့ ပြဿနာတစ်ခု ပါပဲ။ ဘယ်လိုပြီးဆုံးသွားတယ်ဆိုတာ အားလုံးသိပြီးဖြစ်ပါလိမ့်မယ်။ အခု ဒီလူတွေက ဘာမဟုတ်တဲ့ ကိစ်္စရပ်လေးတွေနဲ့ မြောင်း ထဲရောက်သွားပြီးလား ဒါကိုလည်း ထည့်စဉ်းစားရမယ်။
နောက်တစ်ခုကတော့ တစ်ဘက်နဲ့တစ်ဘက် ငြိမ်းချမ်းစွာအဖြေရှာတဲ့အခါမှာ မခြိမ်းခြောက်ရဘူး။ ခြိမ်းခြောက်မှုတွေကို ဘယ်တော့မှ မလုပ်ရဘူး။ ဒါကိုတော့ ကျန်နေသေးတယ်ဆိုတဲ့ ကေအိုင်အို၊ ကေအိုင်အေနဲ့ ဆွေးနွေးတဲ့အခါမှာ အထူးသတိပြု ပေးရမယ့်အချက်ပါပဲ။ နောက်တစ်ခုကလည်း ကိုယ်ချည်းမဟုတ်ဘဲ အခြားနယ်ပယ်အသီးသီးက လူတွေလည်း ပါဝင်စေနိုင်ရမယ်။ ဥပမာအခုဖြစ်ပေါ်နေ ဆဲဖြစ်တဲ့ ရခိုင်အရေးမှာ အခြားအဖွဲ့အစည်းမျိုးစုံက လူတွေပါဝင်စေတာဟာ ကောင်းမွန်တဲ့ဖြေရှင်းနည်း၊ စုံစမ်းစစ်ဆေးနည်းလို့ ပြောရမှာဖြစ်ပါတယ်။ ဒီလိုနည်းနဲ့ ပြီးဆုံးသွားတဲ့အခါမှာတော့ အားလုံးနိုင်မလား၊ သို့မဟုတ်ရင် အားလုံးရှုံးမလား၊ တစ်ဦးတစ်ဖက် တည်းက နိုင်တာချည်းတော့ မဖြစ်သင့်ဘူး။ လက်ခုပ်ဆိုတာ တစ်ဖက်တည်းတီးလို့မှ မရတာ။ ဒါကြောင့် တရားမျှတဖို့တော့ ဘာအတွက်ပဲဖြစ်ဖြစ် အရေးကြီးပါတယ်။
ငြိမ်းချမ်းရေးအတွက် ဖော်ဆောင်တာပဲဖြစ်ဖြစ်၊ ခုနကပြောသလို ဖြစ်ပေါ်နေတဲ့ ပြဿနာမျိုးစုံကို အဖြေရှာတဲ့အခါမှာတော့ ဒီမိုကရေစီစနစ်နဲ့ အုပ်ချုပ်တဲ့ တိုင်းပြည်တိုင်းလိုလိုမှာတော့ ဒီလို အကြောင်းအရာမျိုးစုံ၊ ပြဿနာပေါင်းစုံကတော့ သေချာပါတယ်။ တစ်ခုမဟုတ်တစ်ခုကတော့ ၀င်ရောက်နေဦးမှာပဲ။ ဒါကြောင့် ခုံရုံးကိစ်္စမှာတုန်းက ဒီချုပ်ဥက်္ကဋ္ဌဖြစ်တဲ့ ဒေါ်အောင်ဆန်းစုကြည်ရဲ့ ဆွေးနွေးချက်ထဲမှာ ပြဿနာဟာ ဘယ်လောက်အရေးကြီးသည် ဖြစ်စေ၊ ဖြေရှင်းနည်းက ပိုအရေးကြီးပါတယ်ဆိုတာမျိုးကို ပြောသွားပြီး ဆွေးနွေးသွားပါတယ်။ နောက် သူ့ရဲ့ ဒီစကားဆိုတဲ့ ဆောင်းပါးထဲမှာလည်း အနိုင်အရှုံးအဆိုတာ ထာဝရမဟုတ်တဲ့အပြင်၊ နိုင်ခြင်း ရှုံးခြင်းဟာ အဓိကမဟုတ်ပါဘူး။ အဓိကကျတာက နိုင်ခြင်း ရှုံးခြင်းရဲ့ အကျိုးဆက်ပါ။ အစကောင်းမှ အနှောင်းသေချာဆိုသလို အနိုင်ကောင်းမှလည်း အကျိုးဆက်ကောင်းမှာပါ။ မှန်မှန်ကန်ကန် ရှုံးတတ်ရင် နောင်အတွက် တန်ဖိုးရှိတဲ့ သင်ခန်းစာတွေ၊ အင်အား တွေ ရရှိနိုင်ပါတယ်။ ဆိုတဲ့အကြောင်း ရေးထားပါတယ်။ ဒါတွေဟာ သင်ယူစရာတွေဖြစ်သလို၊ လေ့လာစရာတွေအဖြစ် ဆက်ပြီး ရှိနေဦးမှာမလွဲပါဘူး။ လူငယ်တွေအနေနဲ့ကတော့ ဒီလိုဖြေရှင်းနည်းတွေကို အခုကတည်းက အစပျိုးထားတဲ့အနေနဲ့ လေ့လာထားဖို့၊ သင်ယူထားဖို့၊ သင်ခန်းစာယူတတ်ဖို့ အရေးကြီးပါတယ်။
နောက်တစ်ချက်ကတော့ လုံခြုံရေးပါ။ စိတ်ပိုင်းဆိုင်ရာ၊ ရုပ်ပိုင်းဆိုင်ရာ လုံခြုံမှုကို ဖော်ဆောင်ပေးနိုင်ရပါမယ်။ အပြန်ပြန် အလှန်လှန် အပေးအယူတွေ ရှိနေရပါမယ်။ အလျော့အတင်းတွေလည်း ညီမျှနေရပါမယ်။ လျော့သင့်ရင်လျော့။ တင်းသင့်ရင်တင်း ရမယ်ပေါ့။ အချိန်ပြည့် လျော့နေတာ၊ အချိန်ပြည့် တင်းနေတာမျိုးတော့ မဖြစ်သင့်ပါဘူး။ နောက်မှာဖြစ်ပျက်တာတွေကို သင်ပုန်း ချေနိုင်ရင်တော့ ကောင်းပါတယ်။ အေဘီအက်စ်ဒီအဖ်(မြောက်ပိုင်း)မှာ ဖြစ်ပွားခဲ့တဲ့ ကျောင်းသားများအရေးဟာလည်း ပွင့်လင်းလူ့ အဖွဲ့အစည်းမှာတော့ အစတွေကို ဟိုကဒီက ဆွဲထုတ်နေကြပါပြီး ဒါတွေဟာလည်း ဘယ်လိုဆက်ဖြစ်လာမလဲဆိုတာ စောင့်ရမယ့် အနေနဲ့ ဖြစ်ပေါ်နေပါတယ်။ ဒါတွေကို ဘယ်လိုနည်းနဲ့ ပြေလည်အောင်ဖြေရှင်းသွားမလဲဆိုတာကလည်း အခုတော့ ပြည်သူများအနေနဲ့ စိတ်ဝင်စားလာတဲ့ အဖြစ်အပျက်တစ်ခုလို့ ဆိုရမှာဖြစ်ပါတယ်။ နောက်တစ်ခုက ဒီလိုပြဿနာကိုအဖြေရှာ၊ ဖြေရှင်းတဲ့အခါ အရဲ စွန့်မှုဆိုတာတွေလည်း ရှိရမယ်။ နှစ်ဦးနှစ်ဖက်အနေနဲ့ အကျိုးရှိရေးကို ဦးတည်သွားနိုင်ရမယ်။ စာနာနားလည်မှု၊ သနားမှု၊ သည်းခံမှုဆိုတာတွေလည်း လိုအပ်ပါတယ်။ ခုနကပြေခဲ့သလိုပါပဲ ပြဿနာပေါင်းစုံကတော့ ရှေ့ဆက်ပြီးတစ်ခုပြီးတစ်ခု လက်ယက် မခေါ်ဘဲနဲ့တောင် အလျှိုလျှုိုဝင်ရောက်လာမယ်ဆိုတာကိုတော့ သတိထားစောင့်ကြည့်ရပါမယ်။ ဒီနေရာမှာလည်း ဇာတ်လမ်းလေး တစ်ခုလောက်တော့ ပြောပြချင်ပါတယ်။ ဆရာသစ်္စာနီဘာသာပြန်၊ ပေါ်လိုကိုဟိုးရဲ့ ဒဿနစာစုထဲကပါပဲ။
တစ်ခါက ဘုရင်တစ်ပါးဟာ ငြိမ်းချမ်းခြင်းနဲ့ ပတ်သက်လို့ အကောင်းဆုံးအတွေးအခေါ်နဲ့ ရေးဆွဲတင်ပြဖို့နဲ့ ပန်းချီကားတွေကို လည်း ထိုက်ထိုက်တန်တန် ဆုကြီးချီးမြှင့်ဖို့ ကြောငြာချက်ထုတ်လိုက်ပါတယ်။ ပန်းချီဆရာတွေအနေနဲ့ ဒါနဲ့ပတ်သက်ပြီး ရေးဆွဲကာ နန်းတော်ကို ပို့ဖို့ပြောပါတယ်။ ဒါကြောင့် ပန်းချီဆရာမျိုးစုံဟာ သူတို့ရဲ့ ငြိမ်းချမ်းမှုအတွက် ဉာဏ်ကွန့်မြူးသလို တစ်ချို့က မြူနှင်းဝေတဲ့ ဆိတ်ငြိမ်သစ်တောပုံ၊ ငြိမ်ငြိမ်သက်သက် စီးဆင်းနေတဲ့မြစ်၊ သဲသောင်ပြင်မှာ ဆော့ကစားနေတဲ့ ကလေးငယ်များ၊ ကောင်းကင်မှာ လှပစွာထွက်ပေါ်နေတဲ့ သက်တန့်၊ နူးညံ့တဲ့ နှင်းဆီပွင့်ဖတ်ပေါ်က နှင်းစက်စသဖြင့်ပေါ့လေ။ အမျိုးမျိုးအစုံစုံပါပဲ။
ဒီလိုများပြားလှတဲ့ ပန်းချီကားတွေထဲကနေ ပန်းချီဆရာနှစ်ယောက်ရဲ့ ပန်းချီးကားနှစ်ချပ်ကို ရွေးချယ်လိုက်ပါတယ်။ ပထမ ပန်းချီကားကတော့ ကြည်လင်အေးမြတဲ့ ရေကန်တစ်ကန်၊ အဲဒီရေကန်ကြီးကို ၀ိုင်းရံထားတဲ့ တောင်တန်းတွေဟာ ကန်ရေပြင်မှာ ကြေးမှုံရိပ်သွင်လို အရိပ်ထင်နေတယ်။ တောင်တန်းတွေရဲ့ အထက်မှာတော့ ပြာလဲ့လဲ့ မိုးကောင်းကင်၊ တိမ်ဖြူလေးတစ်ဆုပ်နှစ် ဆုပ်က အစက်အပြောက်ပြုလို့ပေါ့။ သေချာကြည့်မယ်ဆိုရင်တော့ အဲဒီပန်းချီကားရဲ့ ဘယ်ဘက်ထောင့်မြစ်ကမ်းပေါ်မှာ အိမ်ကလေး တစ်လုံးတွေ့ရတယ်။ ပြတင်းပေါက်လေးဟာလည်း ပွင့်နေလို့ပေါ့။ မီးခိုးခေါင်းတိုင်မှာတော့ မီးခိုးတချို့လွင့်ပါးလို့။ ကြည့်ရတဲ့လက်္ခဏာ ကတော့ ခြိုးခြံတတ်တဲ့ မိသားစု အရသာရှိတဲ့ ညစာကို စတင်ပြင်ဆင်နေပုံ ပန်းချီကားလေးပါပဲ။
ဒုတိယပန်းချီကားဟာလည်း တောင်လေးပါပဲ။ ဒါပေမယ့် ခုနကပန်းချီကားထဲက တောင်လိုတော့မဟုတ်ဘူး။ ကျောက်ချွန် ကျောက်ဆောင်တွေ ထက်လှစွာနဲ့ သစ်ပင်မပေါက်တဲ့ တောင်ကတုံးလေးပေါ့။ တောင်ထိပ်ကလည်း မတ်စောက်လှတယ်။ တောင်ပေါ်က ကောင်းကင်ကတော့ မည်းမှောင်ထူပိန်းနေတယ်။ လေးလံတဲ တိမ်တိုက်တွေထဲက အလင်းရောင် ဖြာကျနေတယ်။ မိုးကလည်း မိုးသီး မိုးပေါက်တွေကြွေလို့ သည်းသည်းမည်းမည်း ရွာသွန်းနေတယ်။ သေသေချာချာကြည့်လိုက်ရင် နေခင်းထိုင်ခင်းမသာတဲ့ ကျောက်တုံးတွေထဲက ပတ်ကြားအက်တစ်ခုမှာ ငှက်သိုက်ကလေးတစ်ခုတွေ့ရမယ်။ ကြောက်ဖွယ်ရာ ပြင်းထန်စွာ ဟိန်းဟောက်ပြီး ရွာသွန်းနေတဲ့ မိုးသက်မုန်တိုင်းထဲမှာ ပျံလွှားငှက်ကလေးတစ်ကောင်ဟာ သူ့အသိုက်ထဲမှာ တည်တည်ငြိမ်ငြိမ် ထိုင်နေခဲ့တယ်။
နောက်ဆုံးတော့ ဘုရင်ဟာ ဒုတိယပန်းချီကားကိုပဲ ရွေးချယ်လိုက်တယ်။ သူက ငြိမ်းချမ်းခြင်းရဲ့ အဓိပ်္ပာယ်ကို အခုလိုပဲ ရှင်းပြလိုက်တယ်။ ““တို့ဟာ ပြဿနာကင်းတဲ့နေရာ။ ပြင်းထန်တဲ့လှုပ်ရှားရုန်မှုတွေ မရှိတဲ့နေရာ။ ဆူညံတဲ့အသံတွေ ဆိတ်သုဉ်း နေတဲ့နေရာကို ငြိမ်းချမ်းတဲ့နေရာလို့ ထင်တတ်ကြတယ်။ အမှန်တော့ အဲဒီအယူအဆက မှားတယ်။ အဆိုးဝါးဆုံးအခြေအနေအနေ တွေနဲ့ ရင်ဆိုင်ရတဲ့အခါ တို့ရဲ့အသည်းနှလုံးမှာ တည်ငြိမ်နေတဲ့ အခြေအနေတစ်ရပ်ရှိရင် အဲဒီအရာဟာသာ စစ်မှန်တဲ့ ငြိမ်းချမ်း ခြင်းဖြစ်ပါတယ်။ အဲဒါဟာ ငြိမ်းချမ်းခြင်းရဲ့ တစ်ခုတည်းသော အနက်အဓိပ်္ပာယ်လည်းဖြစ်ပါတယ်”” တဲ့။ ဟုတ်ပါတယ်။ ကမ်္ဘာ လောကကြီးကတော့ ကြောက်မက်ဖွယ်ရာတွေ တစ်ခုပြီးတစ်ခု ပြိုဆင်းကျလာနေပါတယ်။ ဘယ်လိုလေးနဲ့ တည်တည်ငြိမ်ငြိမ် ကျော်ဖြတ်သွားမလဲဆိုတာ စဉ်းစားအဖြေရှာဖို့ တိုက်တွန်းလိုက်ရပါတယ်။
မောင်မင်းစိုး
