ယနေ့ခေတ်သည် တိုင်းပြည်အသီးသီးတွင် စစ်မှန်သော ဒီမိုကရေစီစနစ်ဖြင့် အရှိန်ပြင်းပြင်းချီတက်နေသော နိုင်ငံအသီးသီး များစွာ ပေါ်ထွက်လာလျက် ရှိသည်။ လူသားများ၏ အခွင့်အရေးများကို လိုက်လျောညီထွေကျင့်ဆောင်နေသော တိုင်းပြည်များသည် များသောအားဖြင့် ဖွံ့ဖြိုးပြီး နိုင်ငံအတော်များများ၏ ကျင့်ထုံးလည်း ဖြစ်သည်။ အမှန်အားဖြင့် လွန်ခဲ့သော နှစ်ပေါင်း နှစ်ထောင့်ငါးရာ ကျော်ကတည်းကပင် ဒီမိုကရေစီစနစ်ကို အိန္ဒိယပြည်တွင် ကျင့်သုံးခဲ့ကြသည်။ အထူးသဖြင့် လိစ္ဆဝီမင်းသားတို့ကျင့်သုံးခဲ့ကြသည်။ သည်စနစ်ကို ဗုဒ္ဓအနေဖြင့်လည်း သင်ကြားခဲ့သည်သာ ဖြစ်သည်။ ဗုဒ္ဓ၏ လမ်းစဉ်များ၊ သင်ကြားချက်များသည် စစ်မှန်သောဒီမိုကရေစီ စနစ်များပင် ဖြစ်သည်။
ဒီမိုကရေစီစိတ်ဓာတ်များ ရှင်သန်လာအောင်၊ ဒီမိုကရေစီစနစ်ကို လက်တွေ့ကျကျဖော်ဆောင်နိုင်အောင် လုပ်ဆောင်ကြဖို့ စကားတွေ တွင်တွင်ကျယ်ကျယ်ပြောလာကြသည်။ လက်ကမ်းကြိုဆိုကြရမည်ဖြစ်သည်။ ဟိုတလောလေးက ကျင်းပပြုလုပ်ခဲ့သော ပြည်ထောင်စုလွှတ်တော်ဒုတိယပုံမှန်အစည်းအဝေးတွင် ပြောဆိုသွားသော သမ္မတကြီး၏ မိန့်ခွန်းများကို အနည်းငယ်ဖော်ပြလိုပါသည်။
''ပြည်သူအများမျှော်လင့်နေကြတဲ့ ကောင်းမွန်သော အုပ်ချုပ်ရေး၊ သန့်ရှင်းသော အစိုးရ၊ ဒီမိုကရေစီကျင့်စဉ်များထွန်းကား ရေး၊ နိုင်ငံသားများ၏ မူလအခွင့်အရေး၊ တရားဥပဒေစိုးမိုးမှု၊ ပွင့်လင်းမြင်သာမှု၊ တာဝန်ခံမှု၊ ဆင်းရဲချမ်းသာကွာဟမှုလျှော့ချရေး၊ သဟဇာတဖြစ်သော လူ့အဖွဲ့အစည်းဖြစ်ပေါ်ရေး၊ စီးပွားရေးပြုပြင်ပြောင်းလဲရေး၊ သဘာဝပတ်ဝန်းကျင်ထိန်းသိမ်းရေး စတဲ့ လုပ်ငန်းစဉ်တွေကိုလည်း ဤလွှတ်တော်အား ကတိပြုပြောကြားချက်များနှင့်အညီ အကောင်အထည်ဖော်ဆောင်ရွက်လျက် ရှိပါတယ်''
ဒါသည် ပြည်သူများအနေဖြင့် ကြားချင်သည့် အသံများဖြစ်ပြီး ဘယ်လောက်အတိုင်းအတာအထိ လုပ်ကိုင်ဆောင်ရွက်မည် ဆိုသည်ကိုလည်း သိချင်ကြလိမ့်မည်ဖြစ်သည်။ အခုပြောဆိုမည့် ဗုဒ္ဓ၏ သင်ကြားချက်များသည် ဒါတွေကို အထူးသဖြင့်သင်ကြားခဲ့သည်။ အထူးသဖြင့်လည်း လိုက်နာရမည့် သင်ကြားချက်များဖြစ်သည်။ ခေါင်းဆောင်ကောင်းဖြစ်သော မင်းများ၊ အစိုးရများ၊ အဖွဲ့အစည်းများ အနေဖြင့် အောက်ဖော်ပြမည့် အချက်အလက်များကိုလည်း မေ့မထားကြရန် လိုအပ်ပါသည်။ စစ်မှန်ပြီး တရားမျှတသော ဒီမို ကရေစီစနစ်ဖော်ဆောင်ကြမည်ဆိုလျှင် ဗုဒ္ဓ၏ သင်ကြားမှုများကို လျစ်လျူရှုထား၍ မဖြစ်ပေ။ အစိုးရများ မဟုတ်သော်လည်းအဖွဲ့ အစည်းတိုင်းများ၏ ခေါင်းဆောင်သူများအနေဖြင့်လည်း သိထားဖို့၊ လိုက်နာဖို့ ဗုဒ္ဓသင်ကြားမှုများကို ရေးသားလိုက်ပါသည်။ နာယကဂုဏ် ခြောက်ပါး၊ အဂတိတရား လေးပါး၊ မင်းကျင့်တရား ဆယ်ပါးသည် အရေးကြီးသော သင်ကြားချက်ဖြစ်သည်။ဤသည်တို့ကို အသေးစိတ်တင်ပြသွားပါမည်။ လိုက်နာဖို့၊ မလိုက်နာဖို့ကိုတော့ အထူးမပြောလိုပေ။ သို့သော်လည်း ခေါင်းဆောင်ကောင်း ဖြစ်ချင်လျှင်၊ အများ၏ ကိုးစားမှု၊ လေးစားမှု၊ အထင်ကြီးမှု၊ ယုံကြည်မှုများဖြင့် ခေါင်းဆောင်ကောင်းတစ်ယောက်ဖြစ်လိုလျှင် ဗုဒ္ဓ ၏ သင်ကြားမှုများသည် များစွာပင် အသုံးဝင်နေလိမ့်မည် ဖြစ်သည်။ လိုက်နာလိုသူများအတွက် ရည်ညွှန်းဖွင့်ဆိုခြင်းဟု ဆိုရပါလိမ့်မည်။
နာယကဂုဏ် (၆) ပါး
နာယကဂုဏ် ခြောက်ပါးဆိုသည်ကတော့ လူအတော်များများသိပြီးလည်း ဖြစ်ပါသည်။ သို့သော်ဤသည်လည်း အရေးကြီး သည့်အတွက်ကြောင့် ပုံသာဓကအနည်းငယ်ထုတ်နုတ်ပြီး တင်ပြလိုပါသည်။ ''ထကြွနိုးကြား၊ သနားသည်းခံ၊ ဝေဖန်ထောက်ရှု၊ ဤခြောက်ခု၊ ကြီးသူကျင့်ရာ တရားတည်း'' ဆိုသည့် လင်္ကာလေးသည်လည်း လူတိုင်း၏ နှုတ်ဖျား၌ ရနေပြီး၊ သိနေပြီးသည့် လင်္ကာလေးဖြစ်ပါသည်။
ထကြွခြင်းဆိုသည် လုံ့လဝီရိယကို ခေါ်ဆိုခြင်းဖြစ်သည်။ အမြဲတမ်းအားသွန်ခွန်စိုက်ရှိနေဖို့ ဖြစ်သည်။ နိုင်ငံတစ်ခုဖော်ဆောင် ရာမှာ ဖြစ်စေ၊ အဖွဲ့အစည်းတစ်ခုတည်ထောင်ရာမှာဖြစ်စေ၊ လုပ်ငန်းခွင်တစ်ခုခုမှာဖြစ်စေ ခေါင်းဆောင်လုပ်သည့် သူသည် အမြဲ တမ်းရှေ့ကနေ မားမားမတ်မတ်ရပ်တည်ပြီး ထထကြွကြွ၊ တက်တက်ကြွနှင့်ကိုယ်တိုင်ပါဝင်ဆောင်ဖို့ လိုပါသည်။ အပေါ်ကနေပြီး တစ်မိန့် တစ်အာဏာနှင့် ခိုင်းရုံမျှနှင့် မလုံလောက်ပေ။ ကိုယ်တိုင်တက်ကြွစွာ၊ လုံ့လဝီရိယစိုက်ထုတ်ကာ ဖော်ဆောင်မှသာလျှင် အောင်မြင်သော အခြေအနေများကို ပုံဖော်နိုင်ပါလိမ့်မည်။
ထို့အတူ နိုးနိုးကြားကြား ရှိနေဖို့လည်း အလွန်လိုအပ်သည်။ နိုးနိုးကြားကြားဆိုသည်မှာ ခေတ်အခြေအနေကို သိမြင်နိုင်ခြင်း၊ နားလည်နိုင်ခြင်း၊ လေ့လာခြင်းမျိုးဖြင့် အခြားသူများ ဘာလုပ်နေသည်ကို အမြဲတမ်းလေ့လာစောင့်ကြည့်ရင်း နိုးကြားနေရမည်။ သို့မဟုတ် မိမိ၏ တိုင်းပြည်အတွင်းရှိ ပြည်သူပြည်သားများ၏ အရေးကို အမြဲတမ်းလေ့လာစောင့်ကြည့်ရင်း နိုးနိုးကြားကြားရှိနေ ရမည်။ အန္တရာယ်မျိုးစုံအောက်မှာ ကျရောက်နေလျှင်လည်း ဘာများ ကူညီမှုပေးရမည်ဆိုသည်ကို လေ့လာရမည်။ ကူညီနိုင်ရမည်။ သနားကြင်နာမှုများဖြင့် ဘဝတစ်ခုလုံးကို ကိုယ့်လက်အောက်ငယ်သားများ၏ အခွင့်အရေးများစွာအတွက် အသုံးချနိုင်သူဖြစ်နေရပါမည်။ ငါလုပ်နိုင်သည်ဆိုသည့် မာနစိတ်ဖြင့် မိမိလုပ်ရပ်ကို ဂုဏ်ယူနေစရာ မလို၊ ပတ်ဝန်းကျင်က ဆုံးဖြတ်ပေးသွားပါလိမ့်မည်။ လော ကဓံများနှင့် ကြုံတွေ့သည့်အခါမှာလည်း သည်းခံနိုင်ရမည်။ အများအတွက်ဆိုသည့် စိတ်ဓာတ်ဖြင့် ဦးဆောင်နိုင်ရမည်။ ဖြစ်ပေါ်လာသည့် အန္တရာယ်မျိုးစုံ၏ လာရာ လမ်းကို သိရမည်။ ဘယ်လိုဖြေရှင်းရမည်ဆိုတာကို ဝေဖန်ပိုင်းခြားနိုင်သည့် စူးစမ်းလေ့လာမှု အားကောင်း ရမည်။ အစစအရာရာသိမြင်အောင် လုပ်ဆောင်ပြီး စာနာထောက်ထားမှု၊ ကြည့်ရှုစောင်မမှုဖြင့် ကူညီနိုင်ရမည်။ သည်နှစ်မှာ ကမ္ဘာနှင့်အဝန်း မိုးတွေ ကြီးသည်။ ပြည်သူတွေ အတိဒုက္ခရောက်ကြသည်။ ဒါတွေကို အကူအညီပေးနိုင်ရမည်။ လိုအပ်သည့် နေရာကိုလည်း သိအောင် လုပ်ဆောင်ရမည်။ မိမိတို့ကိုယ်တိုင်လည်း ရောက်အောင် သွားရမည်။ ဒါသည် တိုင်းပြည်အတွက် အလွန်အရေးကြီးသော နာယကဂုဏ် ခြောက်ပါးဖြင့် ကူညီမှု၊ ဖြေရှင်းမှု၊ ဆောင်ရွက်မှုများပင် ဖြစ်သည်။ သည်နေရာမှာ သည် အင်္ဂါရပ်များနှင့် အားလုံးအကျုံးဝင်နေသော ဇာတ်တော်တစ်ပုဒ်ကို အတုယူစေချင်သည့်အနေဖြင့် ဖော်ပြလိုပါသည်။
ဗုဒ္ဓသည် ခေါင်းဆောင်ကောင်းပီသသည်။ ကိုယ်တိုင် လေးဆယ့်ငါးဝါပတ်လုံး တစ်နေ့အိပ်ချိန် (၂) နာရီမျှလောက်သာ ကိုယ်ပိုင်အချိန်ထားပြီး အလုပ်များကို လုပ်ခဲ့သည်။ ဒါသည် သတ္တဝါများအတွက် ဖြစ်သည်။ မိမိအတွက်ဆိုလျှင်တော့ အထူး လုပ် စရာ မလိုတော့ပေ။ သုမေဓာဆိုသည့် ဘုရားအလောင်းဘဝဖြင့်ပင် မိမိအတွက်ကိုသာ ကြည့်မည်ဆိုလျှင် အာမခံချက်ရှိသွားပြီဖြစ်သည်။ သို့သော်ဘုရားဖြစ်ပြီး၊ မဖြစ်ခင်များမှာ ခေါင်းဆောင်ကောင်းပီသစွာ အလုပ်လုပ်ခဲ့သည်မှာ အတုယူစရာများသာ ဖြစ်သည်။ ယခုဗုဒ္ဓ ဟောကြား၊ သင်ကြားခဲ့သော ဖြစ်စဉ်များထဲမှ ထြ<ွကလုံ့လ ဝီရိယ၊ နိုးကြားမှု၊ မိမိ၏ လက်အောက်ငယ်သားများအပေါ် သနားကြင်နာမှု၊ သည်းခံမှုစွမ်းအား၊ ဝေဖန်ပိုင်းခြားနိုင်သည့် ပညာ၊ အားလုံးကို ခြုံငုံသုံးသပ်ပြီး မည်ကဲ့သို့ ကယ်တင်ရမည်ကို သိအောင် ထောက်လှမ်းပြီး အခြေအနေအရပ်ရပ်ကို ရှုမြင်လျှင် မိမိအောက်လက်ငယ်သားများအပေါ် ထမ်းဆောင်ခဲ့ပြီး မိမိအသက်ကိုပင် မငဲ့ကွက်ဘဲ ထမ်း ဆောင်ခဲ့၊ တာဝန်ကျေခဲ့သော ပြယုဂ်ကို အနည်းငယ်ထုတ်ပြချင်ပါသည်။
မောင်မင်းစိုး
ဆက်လက်တင်သွားပါမည်......
