Tuesday, October 6, 2015

လူငယ်နှင့် အသိစိတ်ဓာတ်



    အခုတလော နိုင်ငံအဝှမ်း ရေဘေးသင့်ပြည်သူတွေရဲ့ ဒုက္ခပုံရိပ်တွေက သတင်းမီဒီယာများနှင့် အွန်လိုင်း တစ်ခုလုံးမှာ နေရာယူထားခဲ့ပါတယ်။ သဘာဝဘေးအန္တရာယ်ရဲ့ နှိပ်စက်မှုကြောင့် နဂိုကဆင်းရဲလှတဲ့ ပြည်သူတွေ လည်း တစ်ပူပေါ် တစ်ပူဆင့်ဆိုသလိုဖြစ်နေခဲ့ပါတယ်။ အဆိုးထဲက အကောင်းရှာဆိုသလို ဒီလိုပြည်သူတွေအနေနဲ့ ဘေးအန္တရာယ်ကျရောက်နေချိန်မှာ ပြည်သူလူထုတစ်ရပ်လုံးက ပူးပေါင်းပါဝင်လာတာ အရမ်းပဲအားကျကျေနပ်စရာ ကောင်းလှပါတယ်။

    ပရဟိတအဖွဲ့အစည်းတွေလည်း တစ်ခုပြီးတစ်ခု ပေါ်ပေါက်လာပြီးတော့ တကယ်ဒုက္ခရောက်နေတဲ့ လူထု ထံကို ပင်ပန်းခက်ခဲစွာ သွားရောက်ပြီး ကူညီကြတာဟာ အားလုံးအသိဖြစ်ပါတယ်။ မိမိတို့ကိုယ်တိုင်လည်း တတ် နိုင်သလောက်တော့ ကူညီနေကြပါတယ်။ တကယ်တော့ တစ်နိုင်ငံလုံးမှာ ကျရောက်နေတာဖြစ်တဲ့အတွက် ထိထိ ရောက်ရောက် ကူညီမှုမရခဲ့တဲ့ နေရာတွေလည်း များစွာကျန်နေဦးမှာ ဖြစ်ပါတယ်။ လောလောဆယ်တော့ ရေထဲမှာ ရုန်းကန်နေခဲ့ကြရတဲ့ ပြည်သူလူထုရဲ့ စား ဝတ် နေရေးအတွက် ကူညီပေးကြရမှာဖြစ်ပါတယ်။ ဒီပြဿနာရဲ့ နောက်ဆက်တွဲတွေလည်း များစွာ ကျန်နေခဲ့မှာ ဖြစ်ပါတယ်။

    ဥပမာ-အနာရောဂါတွေ၊ ဝမ်းပျက် ဝမ်းလျှောတွေ၊ နေရာထိုင်ခင်းတွေ၊ လုပ်ငန်းခွင်အတွက် အသုံးစရိတ် တွေ၊ ကုန်ဈေးနှုန်းမြင့်တက်လာမှုတွေ စသဖြင့်များစွာပဲ လိုအပ်နေဦးမှာဖြစ်ပါတယ်။ ပြန်လည်ထူထောင်ရေးအတွက် အစိုးရရော၊ ပြည်သူရော ဝိုင်းဝန်းပြီး ကူညီမှသာ အဆင်ပြေနိုင်မှာဖြစ်ပါတယ်။ ရေကတော့ အချိန်ကျရင်တော့ ကျသွားမှာ ဖြစ်ပါတယ်။ ရေကျမှုနဲ့အတူ စိတ်ဓာတ်ကျမှုတွေလည်း ရှိမှာဖြစ်ပါတယ်။ ဒါကြောင့် အားလုံးအနေနဲ့ လက်တွဲပြီးတော့ ပြန်လည်ထူထောင်ရေးအတွက် ဝိုင်းဝန်းကူညီနိုင်ဖို့ လိုအပ်မှာဖြစ်ပါတယ်။ ဖွဲမီးလိုတစ်ခဏချင်း ဝုန်းခနဲ တောက်ပြီးတော့ ပြန်လည်ထူထောင်ရေးအတွက် လျစ်လျူရှုထားကြမယ်ဆိုရင်တော့ အမှန်တကယ် ခံစား နေခဲ့ရတဲ့ ပြည်သူတွေအနေနဲ့ ဆင်းရဲတွင်းက နက်ပြီးရင်း နက်နေဦးမှာ ဖြစ်ပါတယ်။

    နောက်တစ်ချက် ပရဟိတဆိုတဲ့ ကူညီကယ်ဆယ်ရေးတွေအနေနဲ့ ထပ်မံပြီးတော့ ကြားနေရတဲ့ သတင်း တွေလည်း ရှိနေခဲ့ရပါတယ်။ ဒါကတော့ လုပ်စားနေသူများပါ။ နာမည်ကြီးသူတစ်ဦးရဲ့ နာမည်ကို အလွဲသုံးစား လုပ်ပြီးတော့ အလှူငွေဖြတ်ပိုင်းတွေနဲ့ အလှူခံနေတာတွေ၊ နောက်ပြီးတော့ လမ်းတွေပေါ်မှာလည်း အလှူခံပြီးတော့ ရရှိလာတဲ့ ငွေကြေးတွေကို အရက်ဆိုင်သွားပြီး သောက်ပစ်တာတွေ၊ နောက် အဖွဲ့အစည်းတွင်းမှာလည်း ငွေတွေ ကိုမြင်ပြီးတော့ အဖွဲ့အစည်းထဲကနေ ခွဲထွက်ပြီး ကိုယ်ပိုင်ပရဟိတဖောင်ဒေးရှင်းဆိုပြီး အလွဲသုံးစားလုပ်တာတွေ ကိုလည်း ကြားသိနေခဲ့ရပါတယ်။ ဒါတွေဟာ မဖြစ်သင့်တဲ့ ကိစ္စရပ်တွေပါပဲ။

    နောက်တစ်ချက် ဒုက္ခသည်စခန်းတွေ ပိတ်ခိုင်းတယ်ဆိုတဲ့ သတင်းစကားလည်း ကြားခဲ့ရပြန်ပါတယ်။ အမှန်တကယ် စွမ်းစွမ်းတမံလုပ်နေတဲ့ ကူညီထောက်ပံ့ရေး၊ ဒုက္ခသည်စခန်းတွေကို ပိတ်ခိုင်းတာဟာလည်း မဖြစ် သင့်ပါဘူး။ ဒီအချိန်မှာ တကယ်လုပ်ရင် ဖွင့်ပေးထားဖို့ လိုအပ်ပါတယ်။ သူတို့ကသာ ဒေသခံများဖြစ်တဲ့အတွက် တကယ် လိုအပ်တဲ့နေရာတွေရဲ့ အခြေအနေတွေကို သိမှာဖြစ်ပါတယ်။ ပိတ်ခိုင်းရတဲ့အကြောင်းပြချက်ကတော့ အဖွဲ့များနေတဲ့အတွက် မထိရောက်လို့၊ နောက်ပြီး ဒီလိုအဖွဲ့များနေရင် မြို့ရဲ့ဂုဏ်သိက္ခာလည်း ကျဆင်းရတယ်ဆိုတဲ့ အကြောင်း ပြချက်တွေကြောင့် ပိတ်ခိုင်းတယ်လို့ သိရပါတယ်။

    အားလုံးကတော့ လူသားအသိစိတ်ဓာတ်နဲ့ တကယ်လိုအပ်နေလို့ ဝိုင်းဝန်းပြီးတော့ ကူညီနေကြတာဖြစ်တဲ့ အတွက် အခုလို မဖြစ်သင့်တာတွေ၊ မလုပ်သင့်တာတွေ လုပ်ဆောင်လာခြင်းဟာ အလွန်မှပဲ စိတ်ဓာတ်အောက် တန်းကျနေကြလို့ ဖြစ်ပါလိမ့်မယ်။ ပရဟိတနဲ့ ပတ်သက်ပြီးတော့ နောက်လည်းဘာမှမမြင်နိုင်သေးတဲ့ ဘေးအပေါင်း ကလည်း ဆီးကြိုနေခဲ့ပါလိမ့်မယ်။ ဒါကြောင့် လူသားအသိစိတ်ဓာတ်နဲ့ အားလုံးဝိုင်းဝန်းကြဖို့ လိုအပ်ပါလိမ့်မယ်။ ဒါကြောင့် ပရဟိတဆိုတဲ့ အများအကျိုးပြုလုပ်ဆောင်ချက်လေးတွေကို တင်ပြချင်ပါတယ်။

    ပရဟိတ-ပရ-သူတစ်ပါး၏၊ ဟိတ-အကျိုးစီးပွား။ သူတစ်ပါးကောင်းကျိုးအတွက် လုပ်ဆောင်တဲ့လုပ်ငန်း ဟာ ပရဟိတလုပ်ငန်းပါ။ မြန်မာမှုပြုရမယ်ဆိုရင်တော့ အများအကျိုးပြုလုပ်ငန်းလုပ်ဆောင်ခြင်းလို့ ဆိုရမှာဖြစ်ပါတယ်။ တကယ်တော့ ပရဟိတဆိုတာ လူသားအသိစိတ်ဓာတ်ရှိသူ မှန်သမျှ လူမျိုး၊ ဘာသာမရွေး လုပ်ဆောင်ရမယ့်၊ လုပ်ဆောင်နေတဲ့ လုပ်ရပ်တွေကို ပရဟိတလုပ်ခြင်းလို့ ဆိုရမှာဖြစ်ပါတယ်။ ကမ္ဘာပေါ်မှာ ပရဟိတလို့ဆိုတဲ့ လူသားအကျိုးပြုလုပ်ငန်းတွေကို ဖောင်ဒေးရှင်းတွေ ထောင်ပြီးတော့ အသင်းအဖွဲ့ပေါင်းများစွာ လုပ်ဆောင်နေခဲ့ကြတာ များစွာပဲ တွေ့နေခဲ့ရပါတယ်။

    မြတ်စွာဘုရားရှင်ဟာ လေးအင်္ချေနှင့် ကမ္ဘာတစ်သိန်း ကာလပတ်လုံး ပါရမီတွေ ဖြည့်ကျင့်ခဲ့တာဟာ မိမိအတွက်မဟုတ်။ မိမိအတွက်ဆိုရင် ဒီပင်္ကရာမြတ်စွာဘုရားရှင်ရဲ့ လက်ထက်တော်မှာ တစ်ကိုယ်တည်း ကိုယ်လွတ် ရုန်းသွားနိုင်ပါတယ်။ ဒါပေမယ့် မြတ်ဗုဒ္ဓဟာ ကိုယ်လွတ်ရုန်းမသွားခဲ့။ ဒါဟာ မြင့်မြတ်သူများရဲ့ စိတ်ထားဖြစ်ပါတယ်။

    ''ဗုဒ္ဓေါ ဗောဓေယျံ၊ မုတ္တော မောစေယျံ၊ တိဏ္ဏော တာရေယျံ''ဆိုတဲ့အတိုင်း ဝေနေယျများစွာရဲ့ အစီးအပွား ကို ငဲ့တဲ့အနေနဲ့ အသက်၊ သွေး၊ ချွေးစတာတွေကို ပဓာနမထားဘဲ အများအတွက် အကျိုးရှိမယ်ဆိုရင် ပင်ပင်ပန်းပန်း ခက်ခက်ခဲခဲ သူတော်ကောင်း စိတ်ဓာတ်အပြည့်နဲ့ ထမ်းဆောင်ခဲ့ပါတယ်။

    စာပေမှာတော့ မိမိအတွက်ရော၊ သူတစ်ပါးအတွက်ရော ဘာတစ်ခုမှမလုပ်ရင်တော့ လူဖြစ်လာခဲ့ပေမယ့် လူဖြစ်ရကျိုးမနပ်သူ၊  လောက, ဓမ္မ နှစ်ဌာနတို့မှာ ဘာမှ မသိမမြင်နားမလည်ဘဲ ကန်းနေသူလို့ဆိုပါတယ်။
    အချို့ကတော့ မိမိအကျိုးကိုတော့ စွမ်းစွမ်းတမံ ပြုလုပ်ဆောင်ရွက်ပါတယ်။ ဒါပေမယ့် ကိုယ်သိထားတဲ့၊ ရှာထားတဲ့ ပညာ ဗဟုသုတ၊ စီးပွားဥစ္စာများကို အခြားသူတစ်ပါးကောင်းကျိုးအတွက် ဘာတစ်ခုမှ မစွမ်းဆောင်ခဲ့ရင်တော့ လောက,ဓမ္မ နှစ်ဌာနတို့မှာ မျက်စိတစ်ဖက်ကမ်းသူအဖြစ် သတ်မှတ်ရမှာဖြစ်ပါတယ်။
    အတ္တ, ပရ နှစ်ခုစလုံးကို မျှမျှတတ စွမ်းဆောင်နိုင်သူကိုတော့ ပညာမျက်စိနှစ်မျိုးစလုံးရှိသူအဖြစ် သတ် မှတ်ရပါလိမ့်မယ်တဲ့။ ဒီအတွက် လူသားတိုင်းအနေနဲ့ မိမိစွမ်းဆောင်နိုင်သည့် နယ်ပယ်ကနေ လိုအပ်နေတဲ့ ကွက်လပ်များကို လူတိုင်းကိုယ်စီ ကိုယ့်အသိစိတ်ဓာတ်နဲ့ နိုင်ရာတာဝန်ထမ်းပြီးတော့ ဖြည့်ဆည်းပေးဖို့ အထူးပဲ လို အပ်နေပါလိမ့်မယ်။

    တကယ်တော့ ပရဟိတလုပ်ငန်းဆိုတာ လူသားတစ်ယောက်အနေနဲ့ လူသားပီသဖို့အတွက် အတိုင်း အတာခံရာမှာ အရေးကြီးတဲ့ အချက်တစ်ခုလို့ ဆိုချင်ပါတယ်။  လူသားတစ်ယောက်အနေနဲ့ လူ့အဖြစ်ကို ရရှိခဲ့ခြင်းဟာ ပေးဆပ်မှုများနဲ့ အသက်ရှင်သန်နေမှသာ ပိုမိုတောက်ပနေတဲ့ ဘဝပုံရိပ်ကို အကောင်အထည်ဖော်ခြင်း ဖြစ်ပါ လိမ့်မယ်။

     ဒါပေမယ့် ဒီနေရာမှာ ပရဟိတဆိုသူများအနေဖြင့် ဆန်းစစ်သင့်ပါတယ်။  အချို့သော ပရဟိတအမည်ခံ သမားများအနေနဲ့ အများအကျိုးပြုလုပ်ငန်းဟု ခေါင်းစဉ်တပ်ထားပြီးတော့ မိမိအကျိုးအတွက် ဦးလည်သွားတတ်ပါတယ်။ ဒါဟာ အောက်တန်းကျသော၊ မကောင်းသော၊ ဆိုးရွားသော၊ မှားယွင်းသော လုပ်ရပ်ဖြစ်ပါတယ်။

    ဒါကြောင့် ယခုလိုမဖြစ်အောင်ဆိုရင်တော့ မိမိကိုယ်တိုင်အနေနဲ့ အသိဥာဏ်၊ လူသားအရင်းအမြစ်၊ စွမ်းအား၊ စီးပွားဥစ္စာပြည့်စုံအောင် အရင်ရှာထားခြင်း၊ ဆည်းပူးထားခြင်းစတာတွေနဲ့ ပြည့်စုံအောင်လုပ်ဆောင်ထားမှသာ ပိုမိုပြီးတော့ ပရဟိတအကျိုးကို ပုံဖော် ထုဆစ်နိုင်ပါလိမ့်မယ်။ ဆိုလိုသည်မှာ မိမိအကျိုးကိုလည်း လုပ်ဆောင်ပါ။ သူတစ်ပါးအကျိုးကိုလည်း လုပ်ဆောင်ပါဟု ဆိုရမှာဖြစ်ပါတယ်။ ကိုယ်တိုင်တည်ဆောက်ထားပြီးတဲ့ အသိစိတ် ဓာတ်နဲ့ လိုအပ်ချက်များကို ကူညီဖြည့်ဆီးနိုင်ကြပါစေကြောင်း တိုက်တွန်းလိုက်ရပါတယ်။

မောင်မင်းစိုး
အတွဲ ၂၊ အမှတ်  ၁၂၊ ၂ဝ၁၅၊
Myanmar Review ဂျာနယ်

လူငယ်နှင့် မိသားစု

 မိသားစုကိစ္စနဲ့ပတ်သက်ပြီးတော့ လူငယ်တွေအနေနဲ့ မိမိထံ ရင်ဖွင့်ကြတယ်။ ဒါကတော့ သားသမီးနဲ့ မိဘတွေရဲ့ ဆက်ဆံရေးပါပဲ။ အထူးသဖြင့်တော့ သူတို့အမြင်မှာ ဘက်လိုက်တဲ့ကိစ္စအဖြစ် သတ်မှတ်ပြီးတော့ ရင် ဖွင့်ကြခြင်းလည်းဖြစ်ပါတယ်။ အမှန်ကတော့ မိဘတွေအနေနဲ့ သားသမီးတွေအပေါ်မှာ ကောင်းရင်ကောင်းသလို၊ ဆိုးရင်လည်း ဆိုးသလို ချစ်ကြတာပါပဲ။ ဒါပေမယ့် တစ်ခုသတိထားမိတာက အမေဖြစ်သူတွေက သားသမီးတွေ ထဲမှာတော့ သားကိုအရေးပေးတတ်တာတွေ ရှိတတ်တယ်။ ဆိုတော့ သမီးလုပ်သူက အမေကိုအမြင်မကြည်လင်မှု တွေ ရှိလာပြီးတော့ မကျေနပ်မှုတွေ ဖြစ်လာမိကြတယ်။
    ဒီကိစ္စနဲ့ပတ်သက်ပြီးတော့ သူတို့ကိုပြန်လည်ပြီးတော့ ဆွေးနွေးပေးရပါတယ်။ အမှန်ကတော့ မိဘဆိုတာ အထက်ကပြောခဲ့သလို သားသမီးတိုင်းကိုတော့ ချစ်ကြပါတယ်။ ဒါပေမယ့် သားတွေအပေါ်မှာ ပိုတယ်လို့ထင်ပြီးတော့ သမီးဖြစ်သူတွေက မိဘဖြစ်သူ အထူးသဖြင့်တော့ အမေကိုပြန်လည်ပြီးတော့ ပြောဆိုမိတာတွေ ရှိတတ်ကြတယ်။ အမေကိုတော့ မပစ်မှားဖို့တော့ အမြဲတန်းလိုလို ဆုံးမဖြစ်ပါတယ်။ သားနဲ့သမီးမှာလည်း များသောအားဖြင့် သားက သမီးထက်စာရင် ဆိုးတာမျိုးတွေ ရှိပါတယ်။ ဒီတော့ ဆိုးရင်လည်း ငါ့သားလေးတစ်ခုခုဖြစ်မှာဆိုတဲ့အတွေးနဲ့ မိဘ လုပ်သူက ပိုပြီးသတိထားပြီးတော့ အတတ်နိုင်ဆုံးအနေနဲ့ စိတ်ချမ်းသာအောင် ထားချင်တာကြောင့် ဘက်လိုက်တဲ့ အနေအထားမျိုး ဖြစ်သွားရခြင်းလို့ ထင်ပါတယ်။

    ဒီတော့ မိသားစုမှာ စိတ်ချမ်းသာဖို့ဆိုရင်တော့ အမြဲတန်းလိုလို တိုင်တိုင်ပင်ပင် ဆွေးဆွေးနွေးနွေး ရှိဖို့တော့ လိုအပ်ပါတယ်။ နောက်ပြီးတော့ ပွင့်လင်းမှုတွေလည်းရှိဖို့ လိုအပ်ပါတယ်။ ဘယ်သူ့ကိုသာစေ နာစေဆိုတာမျိုးတော့ မရှိရဘူးပေါ့။ မိဘတွေအနေနဲ့ ကိုင်တွယ်တတ်ဖို့ အရေးကြီးပါတယ်။ သားသမီးတွေအနေနဲ့လည်း ကိုယ့်အပေါ်လူလား မြောက်တဲ့အထိ ကျွေးမွေးပြုစုစောင့်ရှောက်ခဲ့တဲ့ မိဘတွေအတွက် သားဆိုရင်လည်း အားကိုးရတဲ့ သားဖြစ်အောင် ကြိုးစားသင့်ပါတယ်။ ဒီလိုမဟုတ်ဘဲ ပြဿနာတွေနဲ့ အန္တရာယ်ပေးတဲ့ ကျားဖြစ်နေရင်တော့ မျှော်လင့်ရကျိုးမနပ် ဘူးပေါ့။ ထိုနည်းတူစွာပါပဲ သမီးတွေအနေနဲ့လည်း ထီးလိုအသုံးဝင်တဲ့ သမီးတွေဖြစ်ဖို့ အရေးကြီးပါတယ်။ နေပူလို့ ဖြစ်ဖြစ် မိုးရွာလို့ဖြစ်ဖြစ် မိဘတွေအတွက် အသုံးကျတဲ့ သမီးဖြစ်အောင် ပြုမူနေထိုင်သွားဖို့ပါပဲ။ ဒီလိုမှမဟုတ်ဘဲ မိဘတွေအတွက် အပူပေးမယ့် မီးလိုအမြဲတန်းပူလောင်နေတဲ့ သမီးတွေမဖြစ်ဖို့ အရေးကြီးပါတယ်။

     မိဘတွေအနေနဲ့ သားသမီးတွေကို ပြုစုပျိုးထောင်မှုဟာ နည်းလမ်းကျဖို့အတွက် နည်းဗျူဟာ ကျွမ်းကျင်နေရ ပါလိမ့်မယ်။ လိမ်မာတဲ့သားသမီးကို သူ့ခြေထောက်ပေါ်သူရပ်တည်နိုင်အောင် ပထမဆုံးပြုစုပျိုးထောင်ရပါလိမ့်မယ်။ စိတ်ချသွားပြီဆိုရင်တော့ နောက်တစ်ယောက်အပေါ် စနစ်တကျ တည်ဆောက်ထားတဲ့ မိမိရဲ့သားသမီးတွေအတွက်  မသိမသာ အသားပေးပြီးတော့ ပြုပြင်ထိန်းသိမ်းနိုင်ရပါမယ်။ ဒီအခြေအနေဟာ အရေးကြီးပါတယ်။ သူတို့ဖြစ်ချင် တာတွေကို မဖြစ်ဖြစ်အောင် လိုက်လုပ်ပေးရင်း နောက်ဆုံး ဆိုးသွမ်းမှုဆီကို တွန်းပို့လိုက်တာမျိုး ဖြစ်တတ်ပါတယ်။ ဥပမာ သားတစ်ယောက်အပေါ်မှာ ထိုးတင်ရင်း မနိုင်တော့ဘဲ ဟိုဟာဆိုလည်း လုပ်ပေး၊ ဒီဟာဆိုလည်း လုပ်ပေးရင်း နောက်ဆုံး ချစ်သလိုလိုနဲ့ နှစ်သလိုလိုဖြစ်သွားတတ်ပါတယ်။ ဒါကိုတော့ အထူးသတိထားဖို့ လိုအပ်ပါတယ်။

    သာသနာမှာတော့ အရှင်သာရိပုတ္တရာနဲ့ အရှင်မဟာမောဂ္ဂလာန်တို့ရဲ့ တပည့်သားတွေအပေါ်မှာ ဆုံးမပုံ၊ ပြုစုပျိုးထောင်ပုံဟာ ထင်ရှားပါတယ်။ အတုယူဖို့လည်း အလွန်ကောင်းပါတယ်။ မြတ်ဗုဒ္ဓကိုယ်တော်တိုင် ချီးမွမ်းရ ပါတယ်။ သူတို့မှာ မိမိကိုယ်တိုင် သာသနာ့ဘောင်အတွင်းသို့ ရှင်ရဟန်းပြုလုပ်ပေးထားတဲ့ ကိုယ့်တပည့်ရင်းတွေ၊ အခြားဆရာသမားတွေရဲ့ တပည့်တွေအပေါ်မှာ တာဝန်ကျေအောင် ပြုစုပျိုးထောင်ကြရပါတယ်။ မိခင်တွေဟာ ကိုယ်ဝန်နဲ့ဆိုရင် သန္ဓေသားအတွက် အပူတွေ၊ အစပ်တွေ၊ အအေးတွေစသဖြင့် ရှောင်ကြဉ်ပြီးတော့ ဝမ်းတွင်းထဲမှာ ကတည်းက ကလေးအတွက် အနေအထိုင်၊ အသွားအလာစတာတွေကို ဆင်ခြင်နေထိုင်ရပါတယ်။ နောက်ဆုံး အပြင်ရောက်လာတဲ့အခါမှာလည်း ကလေးအတွက် လိုအပ်တာတွေကို မငြီးမငြူဘဲ လုပ်ပေးကြရပါတယ်။

    ထိုနည်းတူစွာပါပဲ၊ မထေရ်မြတ်ကြီးတို့ဟာလည်း မိမိထံမှောက်သို့ရောက်လာကြတဲ့ တပည့်သားတွေအတွက် လုံးပမ်းကြရပါတယ်။ သတိထားပြီးတော့ ပြုစုစောင့်ရှောက်ကြရပါတယ်။ ပစ္စယဓမ္မ နှစ်ဌာနနဲ့ ချီးမြှောက်ကြရပါတယ်။ တကယ်လို့ မနာမကျန်းဖြစ်ရင်လည်း ကိုယ်ဖိရင်ဖိ စောင့်ရှောက်ကြတယ်။ ဒီနေရာမှာ သူတို့ရဲ့နည်းလမ်းကတော့ ကမ္မဋ္ဌာန်းအလုပ်နဲ့ ပထမတပည့်ကို သောတာပန်ဖြစ်အောင် အရှင်သာရိပုတ္တရာက လုပ်ပေးပါတယ်။ ဒါဆိုသူ့တာဝန် ကျေပွန်ပြီးပေါ့။ သောတာပန်ဆိုရင် ကတိမြဲပြီ အပါယ်လည်းမကျတော့ဘူး။ ဘဝအာမခံချက်လည်း ရှိသွားပြီပေါ့။ အရှင်မဟာမောဂ္ဂလာန်ကိုယ်တော်မြတ်ကြီးကတော့ ဒီအတိုင်းရပ်မနေဘဲ ရှေ့ဆက်လုပ်ရမယ့် အထက်မဂ်တွေအတွက် ထပ်မံပြီးတော့ သွန်သင်ဆုံးမရင်း ပြုစုပျိုးထောင်ပေးပါတယ်။

    ဒီနေရာမှာတော့ နည်းနှစ်မျိုးကို သတိထားမိကြပါလိမ့်မယ်။ အရှင်သာရိပုတ္တရာကနည်းက သောတာပန် များများရရေးအတွက် အဓိကထားတယ်။ သူ့အနေနဲ့ တပည့်တစ်ပါးကို သောတာပန်ဖြစ်ရင် လက်လွှတ်လိုက်တယ်။ နောက်ထပ်တစ်ပါး သောတာပန်ဖြစ်ရေးအတွက် ကြိုးပမ်းတယ်။ ဘဝတစ်ခုအတွက် အာမခံလက်မှတ်ရတဲ့အထိ လုပ်ဆောင်ပေးလိုက်တာဖြစ်တဲ့အတွက် ဘဝအာမခံချက်သမားများများ ပေါ်ထွက်ရေးကို အဓိကထားပြီးတော့ ပြုစု ပျိုးထောင်တဲ့အတွက် သူ့ရဲ့ရည်ရွက်ချက်ဟာလည်း ကောင်းမွန်ပါတယ်။ အရှင်မဟာမောဂ္ဂလာန်ကိုယ်တော်မြတ်ကြီး အနေနဲ့ အဲဒီလိုဘဝအာမခံချက် ရပြီးဖြစ်ပေမယ့် ရဟန်းကိစ္စများများ မြန်မြန်ပြီးမြောက်သွားအောင် ထပ်မံပြီးတော့ လုပ်ဆောင်တာဖြစ်တဲ့အတွက် ပိုမိုတိကျတဲ့ အထွဋ်ရောက်မယ့် နည်းလမ်းကို မောင်းနှင်တာဖြစ်တဲ့အတွက် သူ့လုပ် ရပ်ကတော့ အရိယာဖြစ်ရေးထက် မြန်မြန်ပြီးဆုံးရေးကို အရောက်ပို့ဆောင်တာဖြစ်တဲ့အတွက် ကောင်းမွန်တဲ့နည်းလမ်း ပါပဲ။

    နားလည်အောင် မိသားစုနဲ့ ချီပြီးပြောရရင်တော့ သားသမီးနှစ်ယောက်မှာ ပထမဆုံး သမီးဖြစ်သူ၊ သားဖြစ် သူကို သူ့ဘဝအတွက် အာမခံချက်ရတဲ့အထိ ပညာရေး၊ စီးပွားရေးစတာတွေကို ကိုယ့်ခြေထောက်ပေါ်ရပ်တည်နိုင် အောင် ပြုစုပျိုးထောင်ပေးတဲ့နည်းနဲ့ နောက်တစ်ခုကတော့ ကိုယ့်ခြေထောက်ပေါ်ရပ်တည်နိုင်သူကို ပိုမိုပြီးတော့ အသီးအပွင့်တွေ ဝေဆာသွားအောင် ဆထက်တိုးတက်အောင်မြင်အောင် ပြုစုပျိုးထောင်ပေးတဲ့ နည်းလို့ဆိုရမှာပေါ့။  ဆိုတော့ မိဘလုပ်သူအနေနဲ့ တာဝန်နှစ်ခု ခွဲခြားပြီးတော့ လုပ်နိုင်ရင်တော့ ကောင်းပါတယ်။ အမေက ပထမဆုံး သားသမီးတွေကို ကိုယ့်ခြေထောက်ပေါ်ရပ်တည်နိုင်အောင် အဓိကမောင်းနှင်ပြီးတော့ အဖေလုပ်သူက ပိုမိုပြီးတော့ ထွန်းတောက်မယ့် သားသမီးဖြစ်အောင် ဆက်လက်ပြီးတော့ မောင်းနှင်နိုင်ရင်တော့ ပိုမိုထိရောက်မယ်လို့ ထင်ပါတယ်။ ဒါပေမယ့် လွယ်တော့မလွယ်ကူဘူးပေါ့။
တာဝန်မခွဲချင်ရင်လည်း နှစ်ယောက်ပေါင်းပြီးတော့ ဒီနည်းအတိုင်းပဲ အဓိက ထားပြီးတော့ ပြုစုပျိုးထောင်မယ်ဆိုရင်တော့ ပိုမိုထိရောက်လိမ့်မယ်လို့ ထင်ပါတယ်။

    ဒါပေမယ့် သားသမီးနဲ့ မိဘဆက်ဆံရေးဆိုတာ အနောက်နိုင်ငံမှာတော့ ၁၈နှစ်ပြည့်ရင် သူ့ခြေထောက်သူ ရပ်တည်ဆိုတဲ့ စနစ်မျိုးနဲ့ လူသားဖြစ်တည်မှုကို တည်ဆောက်ကြပါတယ်။ မိမိတို့နိုင်ငံရဲ့ ယဉ်ကျေးမှုကတော့ သေဆုံးတဲ့အထိ မိဘနဲ့သားသမီးဆက်ဆံရေးဟာ အတူတကွတည်ဆောက်ကြပါတယ်။ ယဉ်ကျေးမှုအတိုင်းပဲ ဆက်လက် စီးမျောသွားစေချင်ပါတယ်။ အနောက်ကလာတယ်ဆိုပြီး ယဉ်ကျေးမှုတိုင်းတော့ ကောင်းတယ်လို့ မဆိုနိုင်ပါဘူး။ မကောင်းရင် လည်း မကောင်းတဲ့အနေအထားသိရင် လက်မခံဖို့ လိုအပ်ပါတယ်။ ဒါကို ခေတ်မမီဘူးဆိုရင်လည်း မမီပါစေနဲ့။ အထူးသဖြင့်တော့ မိဘနဲ့သားသမီးဆက်ဆံရေးဟာ သာယာဖြောင့်ဖြူးပြီးတော့ ကောင်းမွန်တဲ့အနေအထား တစ်ခုဆီ ဆက်လက် လျှောက်ဖို့ဟာ အရေးကြီးပါတယ်။ ဒါကြောင့် တိုင်တိုင်ပင်ပင် နှီးနှီးနှောနှောနဲ့ စိတ်ချမ်းသာတဲ့ ဆက်ဆံရေး နဲ့ မိသားစုအဝန်းအဝိုင်းလေး ပိုမိုတောက်ပအောင် တည်ဆောက်နိုင်ကြပါစေကြောင်း။

မောင်မင်းစိုး
အတွဲ ၂၊ အမှတ်  ၁၂၊ ၂ဝ၁၅၊
Myanmar Review ဂျာနယ်    

လူငယ်နှင့် လက်များ

လက်တွေနဲ့ပတ်သက်ပြီးတော့ တွေးဖြစ်တာလေး ပြန်လည်မျှဝေချင်တာနဲ့ ဒီဆောင်းပါးလေးကို ရေးဖြစ် လိုက်ပါတယ်။ လူတိုင်းမှာ လက်တွေရှိပါတယ်။ ဒီလက်တွေနဲ့ပဲ တစ်နေ့တာရှင်သန်မှုအတွက် ဖြတ်သန်းခဲ့ ကြရတဲ့အခါ များစွာပဲ အသုံးဝင်၊ အသုံးပြုခဲ့ကြရပါတယ်။ လက်ဆိုတာကတော့ ပေးတဲ့လက်ရှိသလို၊ ယူတဲ့လက်လည်း ရှိပါတယ်။ ကူညီတဲ့ လက်တွေ ရှိသလို၊ မကူညီလိုတဲ့ လက်တွေလည်း ရှိပါတယ်။ ယေဘုယျအနေနဲ့ ပြောရရင် လက်တွေဟာ လူသားဘဝဖြစ်တည်မှုအတွက် များစွာပဲ အသုံးဝင်နေခဲ့ပါတယ်။ လက်တွေဆိုတာ အတိုအရှည်မတူညီကြပါဘူး။ အချို့လက်တွေက တိုတယ်။

 အချို့လက်တွေက ရှည်တယ်။ လူသားတစ်ယောက်စီတိုင်းရဲ့ လက်ငါးချောင်းတောင်မှ အတိုအရှည်မတူညီပါဘူး။ ဒါပေမယ့် လက်တွေဟာ သူ့အလုပ်ကိုတော့ လုပ်နေခဲ့ကြပါတယ်။ ထိုနည်းတူစွာပါပဲ လူသားတိုင်းရဲ့ တစ်ယောက်နဲ့တစ်ယောက် ဖြစ်တည်နေတဲ့ ရရှိထားတဲ့လက်တွေဟာလည်း အတိုအရှည်မတူသလို၊ တုန့်ပြန်ပုံ၊ ပြုမူပုံ၊ အသုံးချပုံတွေလည်း မတူညီကြပါဘူး။ အချို့လက်တွေက ဆုပ်တယ်။ ဆုပ်တယ်ဆိုတာ ကိုယ့်အတွက်ဆိုရင်ပြီးရော တရားသော ဘာသော နားမလည်ဘဲ ရသမျှ ဆုပ်ပြီးတော့ မိမိအိတ်ထဲကိုပဲ အတင်းထိုးထည့်တဲ့ လက်တွေရှိသလို၊ အချို့ ကတော့ ဒီလိုမဟုတ်ပါဘူး။ မိမိအတွက်လည်း စစ်မှန်စွာရှာပြီး ဆုပ်ကိုင်ထားသလို၊ ရရှိထားတာတွေကိုလည်း ပြန်လည်ပြီးတော့ လူသားအကျိုးပြုလုပ်ငန်းတွေမှာ ဖြန့်ခြင်းဆိုတဲ့ ပြန်လည်မျှဝေခြင်းနဲ့ တည်ရှိနေတဲ့ လက်တွေလည်း များစွာရှိပါတယ်။

ဆိုတော့ မိမိအနေနဲ့ကရော ဘယ်လိုလက်တွေကို ပိုင်ဆိုင်ထားသလဲဆိုတာ ကိုယ်တိုင်ဆုံးဖြတ်ကြည့်ပါ။ ကိုယ်တိုင်ဆန်းစစ်ကြည့်ပါ။ ဆုပ်နေတဲ့လက်ချည်းသက်သက်လား၊ ဖြန့်ဝေခြင်းဆိုတဲ့လက်ကိုလည်း ပိုင်ဆိုင်ရဲ့ လားဆိုတာကိုပေါ့။ ဆိုတော့ လူတိုင်းကတော့ ဆုပ်ထားတဲ့လက်တွေ၊ ဖြန့်ထားတဲ့လက်တွေကိုတော့ တစ်ခုမဟုတ် တစ်ခု ပိုင်နေကြမှာဖြစ်ပါတယ်။ ဆုပ်မလား၊ ဖြန့်မလား။ ဒါဟာ ဘဝအတွက် အဆုံးအဖြတ်ပါပဲ။ ဘယ်လို အဆုံးအဖြတ်လည်းဆိုတာ စစ်မှန်တဲ့လက်များပိုင်သလား၊ မပိုင်ဘူးလားဆိုတဲ့ ဆုံးဖြတ်ချက်နဲ့ လူသားဘဝရဲ့ အရေးပါမှုတွေကို ရရှိထားတဲ့လက်တွေရဲ့ တုန့်ပြန်မှု၊ ပြုမူမှု၊ လုပ်ဆောင်မှု၊ အသုံးချမှုတွေနဲ့ တိုင်းတာရမှာ ဖြစ်ပါတယ်။

လက်တွေဟာ တကယ့်ကို အရေးပါပါတယ်။ ဓားကိုင်တဲ့ လက်တွေရှိသလို၊ ဘောပင်ကိုင်တဲ့ လက်တွေ လည်း ရှိပါတယ်။ အချို့လက်တွေက လူတွေကို မွေးဖွားစေပြီးတော့၊ အချို့လက်တွေကြပြန်တော့လည်း လူတွေ ကို သေစေနိုင်တဲ့ လက်တွေဖြစ်နေခဲ့ပါတယ်။ ကမ္ဘာကြီးကို ငြိမ်းချမ်းစေဖို့၊ တည်ဆောက်နိုင်ဖို့၊ ပြုပြင်ထိန်းသိမ်း နိုင်ဖို့အတွက်လည်း ဒီလက်တွေဟာ အရေးပါခဲ့ပါတယ်။ အချို့လက်တွေကတော့ ကမ္ဘာကြီးကို ဖျက်ဆီးပစ်ဖို့၊ လူသားဘဝတွေ သေကြေပျက်စီးဖို့အတွက် အသုံးပြုကြပြန်ပါတယ်။ ဥပမာ လက်မှတ်တွေရဲ့ အရေးပါမှုဟာ ကောင်းတဲ့နေရာရော၊ မကောင်းတဲ့နေရာအတွက်ပါ အသုံးပြုနေခဲ့ပါတယ်။

 ဒါကြောင့် မိမိတို့ရဲ့လက်တွေဟာ အရေးပါပြီး အသုံးဝင်တဲ့ လူသားဘဝတွေအတွက် စစ်မှန်တဲ့လက်တွေဖြစ်စေဖို့အတွက် တိုက်တွန်းချင်ပါတယ်။ ဒီလိုအများအတွက် အသုံးချတဲ့အခါမှာတော့ လက်တွေ တွဲထားဖို့အရေးကြီးပါတယ်။ ဒါကတော့ ညီညွတ်ခြင်း ကို ကိုယ်စားပြုခြင်းပေါ့။ ညီညွတ်ဖို့၊ စည်းလုံးဖို့ဟာလည်း အရေးကြီးတဲ့အခန်းကဏ္ဍတစ်ခုပါပဲ။ ဒါကြောင့် တွဲထား ဖို့၊ ဖြုတ်ထားရင်လည်း ပြန်လည်ပြီးတော့ လက်တွဲနိုင်ဖို့အတွက် အရေးကြီးပါတယ်။ ဒါမှသာ တူညီတဲ့ စစ်မှန်တဲ့၊ အေးငြိမ်းတဲ့၊ အောင်မြင်တဲ့ ဆုံမှတ်တစ်ခုကို ရောက်နိုင်မှာ ဖြစ်ပါတယ်။ လက်နဲ့ပတ်သက်ပြီးတော့ လူတွေအနေနဲ့ လှပအောင်ဆိုပြီး တန်ဆာမျိုးစုံ ဆင်မြန်းဝတ်ဆင်ကြပါတယ်။ လက်စွပ်၊ ဟမ်းချိန်း၊ နာရီစသဖြင့်ပေါ့။ မိန်းကလေးများဆိုရင် လက်သည်းလေးတွေကို ပုံသဏ္ဍာန်အမျိုးမျိုး၊ အရောင် အသွေးစုံလင်စွာ ခြယ်သပြီးတော့ လှပအောင် ပြုလုပ်ကြပါတယ်။ တကယ်တော့ လက်ရဲ့တန်ဆာအစစ်တော့ မဟုတ်ပါဘူး။

လက်ရဲ့တန်ဆာအဖြစ်ဆိုတာ လူသားအကျိုးပြုလုပ်ငန်းတွေ၊ ပေးကမ်းဝေငှမှုတွေ၊ ကူညီရိုင်းပင်မှုတွေစတဲ့ အလုပ်ကို လုပ်မှသာ တစ်နည်းဆိုရရင် ဒါနအမှုကို ပြုလုပ်မှသာ လက်ရဲ့စစ်မှန်တဲ့ တန်ဆာဖြစ်ပါတယ်။ လက်အလှ ပိုင်ရှင်များဖြစ်ပါတယ်။ ရရှိထားတဲ့ လက်ရဲ့တန်ဖိုးဖြစ်ပါတယ်။ ဒါကြောင့် မိမိတို့ ရရှိထားတဲ့ လက်ကလေးတွေကို လှပအောင် စစ်မှန်တဲ့တန်ဆာတွေနဲ့ ဆင်မြန်းသင့်ပါတယ်။ ကမ္ဘာကြီးမှာ ရာသီဥတုတွေဖောက်ပြန်မှုကြောင့်ဖြစ်ဖြစ်၊ ရန်သူမျိုးငါးပါးက ဖျက်ဆီးလို့ဖြစ်ဖြစ် ဒုက္ခရောက် နေကြသူတွေ ဒူးနဲ့ဒေးရှိနေခဲ့ပါတယ်။ သူတို့တတွေရဲ့ လိုအပ်နေတဲ့ကွက်လပ်လေးတွေကို မိမိရဲ့ဖြန့်ခြင်းဆိုတဲ့ ပေး ကမ်းစွန့်ကျဲခြင်း၊ တတ်နိုင်တာတွေနဲ့ ကူညီမှုတွေပြုလုပ်မှသာလျှင် မိမိတို့ရဲ့လက်ကလေးတွေဟာ လှပနေပါလိမ့်မယ်။ ဒါကြောင့် လက်တွေဟာ လူသားဘဝမှာ အရမ်းကိုပဲ အရေးပါနေခဲ့ပါတယ်။ လက်တွေထဲက လက်ညှိုးလေးတစ်ချောင်း အနေနဲ့တောင် အရေးပါလှပါတယ်။

ဒီလက်ညှိုးလေးရဲ့ ထိုးပြမှု၊ ညွှန်ပြမှု၊ ခိုင်းစေမှု၊ ကွေးလိုက်မှုဟာ လူသား များစွာအတွက် ကောင်းမွန်တဲ့ဘဝတွေ ဖြစ်ပေါ်နိုင်သလို၊ ဆိုးရွားတဲ့ဘဝတွေလည်း ဖြစ်ပေါ်စေနိုင်ပါတယ်။ ဒါကတော့ အာဏာရှိသူတွေနဲ့ တိုက်ရိုက်ပတ်သက်နေခဲ့ပါလိမ့်မယ်။ လက်ညှိုးထိုးပြီး ဘာလုပ်လိုက်ပါ၊ ညာလုပ်လိုက်ပါဆိုတဲ့ လက်ညှိုးလေးတစ်ချောင်းရဲ့ အရေးပါမှုဟာလည်း လက်ရဲ့အရေးပါမှုတစ်ခုပါပဲ။ မြန်မာမှုနယ်ပယ်မှာ ဒါနဲ့ပတ်သက်ပြီးတော့ ပြောဆိုသုံးနှုံးခဲ့တဲ့ စကားတစ်ခွန်းရှိပါတယ်။ လက်ညှိုးညွှန်ရာ ရေဖြစ်ဆိုတဲ့ စကားပါ။ ဒါကတော့ သြဇာ အာဏာရှိသူတွေအတွက် ပိုင်ဆိုင်ထားတဲ့ လက်ညှိုးလေးတစ်ချောင်းရဲ့ အရေးပါမှုကို ပြဆိုိထားခြင်း ဖြစ်ပါလိမ့်မယ်။ မှန်ပါတယ်။ လက်ညှိုးညွှန်ရာ ရေဖြစ်ခဲ့တာတွေရှိခဲ့သလို၊ လက်ညှိုး ညွှန်ရာ သေဖြစ်ခဲ့ရတာတွေလည်း များပြားစွာရှိခဲ့ပါတယ်။

ဆိုတော့ ဒီလက်ညှိုးလေးပါပဲ။ ရေဆိုတဲ့ ကောင်းတာတွေ ဖြစ်နိုင်သလို၊ သေဆိုတဲ့ မကောင်းမှုတွေလည်း များစွာဖြစ်နိုင်ပါတယ်။ ဆိုတော့ ဒါတွေဟာ တကယ့်ကို လက်တွေရဲ့ အရေးပါမှုများဖြစ်ပါတယ်။ မိမိအနေနဲ့ ဆန်းစစ်ကြည့်ပြီးတော့ ကောင်းမွန်တဲ့နေရာမှာ အသုံးချနိုင်တဲ့ လက်ပိုင်ရှင် ဖြစ်ဖို့တော့ အရေးကြီးပါတယ်။ ဆိုတော့ အားလုံးကို အနှစ်ချုပ်တဲ့အနေနဲ့ မိမိရေးစပ်ဖူးတဲ့ ကဗျာလေးတစ်ပုဒ်ကို လက်ဆောင်ပေးလိုပါတယ်။ ဒီကဗျာလေးကနေ ထပ်ဆင့်ပြီး တွေးခေါ်ကြရင်း လှပတဲ့၊ အဓိပ္ပာယ်ရှိတဲ့၊ အသုံးဝင်တဲ့၊ လူသားဆန်တဲ့၊ မြင့်မြတ်တဲ့ လက်ပိုင်ရှင်များ ဖြစ်ကြပါစေလို့ တောင်းဆုဆိုလိုက်ရပါတယ်။

လက်များ
 -------
 လက်တွေဟာ အတိုအရှည်မတူပေမယ့်
သူ့အလုပ် သူလုပ်တယ်
အချို့လက်တွေက ဆုပ်တယ် အချို့လက်တွေက ဖြန့်တယ်။
ဆုပ်မလား ဖြန့်မလား
လက်တွေရဲ့ အရေးပါမှုဟာ ဘဝရဲ့အဆုံးအဖြတ်ပဲ။
လက်တွေဟာ ကမ္ဘာကြီးကို ဖျက်ဆီးနိုင်သလို
တည်ဆောက်ဖို့အတွက်လည်း အခရာပဲ
တွဲထားတဲ့ လက်တွေ ဖြုတ်မပစ်ဖို့
 လှမ်းပေးတဲ့ လက်ကို မြဲမြံစွာ ဆုပ်ကိုင်ရင်း
တူညီတဲ့ ဆုံမှတ်ကို သွားကြမယ်။
 မောင်မင်းစိုး
အတွဲ ၂၊ အမှတ် ၁၃၊ ၂ဝ၁၅၊
Myanmar Review ဂျာနယ်

Sunday, October 4, 2015

ဆိုက်လေး အသက်မဲ့နေတာ ကြာပြီ။ ပြန်လည်ပြီးတော့ ပို့စ်အသစ်တွေ ပြန်လည်ပြီးတော့ တင်ပေးပါမယ်။ အသစ်တစ်ဖန် ပြုပြင်ပေးတဲ့ သူငယ်ချင်း နေသစ်မှူးကိုလည်း အထူးပင်ကျေးဇူးတင်ရှိပါကြောင်း။