ဆရာတော်များ ယခုကဲ့သို့ လမ်းမှာပဲ ဆွမ်းဘုဉ်းပေးကြရသည်
ယနေ့ စစ်ကိုင်းတိုင်း၊ မုံရွာခရိုင်၊ ပုလဲမြို့နယ်၊ ယင်းမာပင်မြို့နယ်အတွင်းရှိ ရွာပေါင်း(၆ဝ)ကျော် လူဦးရေ (၅)သောင်းကျော် မှီခိုပြီး အလောင်းတော်ကဿပဘုရားဖူးသွားရာ ပင်မလမ်းဖြစ်သော လယ်ငေါက်- ချင်ပြစ် ရွှေဆံပင်တံတားလမ်းအတွက် ရန်ကုန်မြို့ စေတနာရှင်များရဲ့ ပထမအကြိမ် ရွှေဆံပင်လှူဒါန်းပွဲကို ရောက်လာကြတဲ့ ဆွေတော်မျိုးတော်အပေါင်းတို့ ကိုယ်ရောစိတ်ပါချမ်းသာကြပါစေလို့ ရှေးဦးစွာ နှုတ်ခွန်းဆက်သပါတယ်။
ဦးဇဉ်းအနေနဲ့ အားလုံးစိတ်ဝင်းစားနေကြတဲ့ ရွှေဆံပင်တံတားလမ်းဖြစ်ပေါ်လာပုံကို သဒ္ဓါ,စေတနာပွားများ နိုင်ကြဖို့ အကျဉ်းမျှပြောကြားပေးသွားမှာဖြစ်ပါတယ်။တကယ်တော့ ရွှေဆံပင်တံတားလမ်းဆိုတဲ့အမည်ဟာ မမျှော် လင့်တဲ့ဖြစ်ရပ်လေးကနေ မထင်မှတ်ဘဲ ဖြစ်ပေါ်လာခဲ့တယ်လို့ ပြောရမှာဖြစ်ပါတယ်။ ရွှေဆံပင်အကြောင်း ပြောရရင် ဒီလမ်းကြီးစတင်လုပ်ခဲ့ပုံကနေ ပြောမှပြည့်စုံပါလိမ့်မယ်။
တကယ်တော့ ဦးဇဉ်းအနေနဲ့ ဒီလမ်းကြီးကို စတင်ဆောင်ရွက်နေတာ (၃)နှစ်နီးနီးရှိခဲ့ပါပြီ၊ စိတ်ကူး ထည့်ခဲ့ တာကတော့ (၁ဝ)နှစ်နီးနီးရှိခဲ့ပါပြီ၊ ဘာကြောင့်စိတ်ကူးခဲ့သလဲဆိုရင် လွန်ခဲ့တဲ့(၁ဝ)နှစ်လောက်က ဦးဇဉ်းတို့ရဲ့ ဇာတိရွာရှိတဲ့ ဒီဒေသကို ကိစ္စတစ်ခုနဲ့ကြွရောက်ခဲ့ပြီး အပြန်မှာ ဦးဇဉ်းစီးတဲ့လိုင်းကားနဲ့အတူ အသက်(၂ဝ) လောက်ပဲရှိသေးတဲ့ ဗိုက်နာနေတဲ့မိန်းကလေးလူနာတစ်ယောက် ဆေးရုံတက်ဖို့ ပါလာခဲ့ပါတယ်၊ ဆေးရုံနဲ့(၁ဝ)မိုင် ကျော်လောက်ပဲဝေးပေမယ့် လမ်းကမကောင်းလို့ (၃)နာရီလောက်မောင်းတာတောင် ဆေးရုံကိုမရာက်သေးပါဘူး၊ ဒါပေမဲ့ လူနာမိန်းကလေးရဲ့အခြေအနေ ကိုကြည့်လိုက်တဲ့အခါမှာ အသက်မရှိရှာတော့ဘူး။ ဦးဇဉ်းရဲ့မျက်စိရှေ့မှာ မသေသင့်ဘဲသေသွားခဲ့ရပြီး ဆေးရုံကို အချိန်မှီမရောက်နိုင်ခဲ့တာဟာ လမ်းမကောင်းလို့ဘဲလို့တွက်ပြီး၊ ငါဆောင်ရွက် နိုင်ခဲ့ရင် ဒီလမ်းကြီးပြင်နိုင်အောင် ကြိုးစားမယ်လို့စိတ်ကူးခဲ့ပါတယ်။ ဒီအဖြစ်အပျက်မျိုးတွေ ဒီလမ်းပေါ်မှာ မကြာခဏ ဖြစ်နေတယ်ဆိုတာလည်း သိနေရပါတယ်။
ဦးဇဉ်း မင်းကွန်းတိပိဋကနိကာယကျောင်းတိုက်မှာ တိပိဋကစာကျက်သီတင်းသုံးနေတဲ့အချိန်မှာ ဆရာသမား များဖြစ်တဲ့ မင်းကွန်းတိပိဋကဆရာတော်များဟာ စစ်ကိုင်းနဲ့မင်းကွန်းလမ်းကို ကတ္တရာလမ်းအဖြစ်ဖောက်လုပ်ကြလို့ ဘုရားဖူးတွေ ဒေသခံတွေ အဆင်ပြေချမ်းသာကြတာ တွေ့မြင်ပြီးတော့လည်း ဒီလမ်းကြီးကို ပြင်ချင်စ်ိတ် တွေဖြစ်ခဲ့ပါတယ်။
ဒါနဲ့ တိပိဋကစာကို ဆက်မလုပ်နိုင်တာအတူတူ အကျိုးရှိတာလုပ်မယ်ဆိုပြီးဒီလမ်းကြီးကို ပြင်ဖို့ဆုံးဖြတ်လိုက်ပြီး (၂ဝဝ၆ခု၁၂)လပိုင်းမှာ ဆရာတော်ကြီးများရဲ့ သြဝါဒခံပြီး ပတ်ဝန်းကျင်ကျေးရွာ ပေါင်း(၆ဝ) ကျော်မှဆရာတော်များ၊ သက်ဆိုင်ရာ မ.ယ.က၊ ရ.ယ.ကများဖိတ်ပြီး ပုလဲမြို့နယ် ရွာနောင်ရွာမှာ အစည်းအဝေး စခဲ့ပါတယ်။ အဲ့ဒီအစည်းအဝေးမှာပဲ ကျေးရွာဆရာတော် (၈ဝ)ကျော်တို့က တစ်ပါး(၅)သောင်းကျပ်စီ လှူမယ်ဆိုပြီး အားပေးကြတဲ့အတွက် ဒီလမ်းကြီးရဲ့ ပထမဦးဆုံးအလှူရှင်တွေဟာ ဆရာတော်များဖြစ်ခဲ့ပါတယ်။
ဦးဇဉ်းလည်းရွာပေါင်း(၆ဝ)ကျော်ကို လှည့်လည်ပြီး စည်းရုံးလိုက်တဲ့အခါ ပထမတော့ အတော်မလွယ် ကူခဲ့ပါဘူး။ လမ်းကြီးကောင်းချင်ပေမယ့် သိန်းရာထောင်ချီပြီး ကုန်ကျမယ့်ကိစ္စဆိုတော့ အားလုံးကဝန်လေး နေကြ ပါတယ်။ မဖြစ်နိုင်ဘူးလို့လည်း ထင်နေကြပါတယ်။
ဒါ့ကြောင့် ဦးဇဉ်းစိတ်ကူးနဲ့ အားလုံးလှူနိုင်မယ့် ပုံစံတစ်ခု အစီစဉ်ဆွဲခဲ့ပါတယ်။ အဲ့ဒါကတော့ တစ်ရွာဝင်တစ်ရွာထွက် လှည့်လည်ပြီး စားဝတ်နေရေး အခက်ခဲရှိလျှင် မလှူကြပါနဲ့၊ ဒါပေမယ့် အိမ်တိုင်းအိမ်တိုင်းမှာ နေ့စဉ်အလေအလွင့် ရှိတာလေးတွေ ရှိပါတယ်။ ဥပမာ ကွမ်းယာဖိုးလေးတွေ၊ မုန့်ဖိုးလေးတွေ ချွေတာပေးကြပါ။ တစ်ရာတတ်နိုင်သူကတစ်ရာ ငါးဆယ်တတ်နိုင် သူကငါးဆယ် ချွေတာပါ။ အနည်းဆုံး နှစ်ဆယ်လောက် မုန့်တစ်ခု,အကြော်တစ်ခုဖိုး ချွေတာနိုင်ရင်လည်း မနည်းပါဘူး။ ဒီလမ်းကြီးအတွက် နေ့စဉ်ချွေတာကြပါလို့ စည်းရုံးလိုက်ပါတယ်။
ရွှေဆံပင်တံတား တည်ဆောက်မည့် ချောက်ရိုးနေရာ
တစ်နှစ်ကြာတဲ့အခါမှာ တစ်ရာစုသူက (၃၆၅ဝဝ)ကျပ်၊ အနည်းဆုံး(၂ဝိ)စုသူက (၇၂ဝဝ)ကျပ်လောက်လှူနိုင်ပြီး၊ တစ်နှစ်ပြည့်တဲ့အခါမှာ (၁ဝဝ)စု (၅ဝ)စု ငွေလေးတွေက ဘယ်သူမှ မပင်ပန်းဘဲနဲ့ သိန်း(၃ဝဝ)ကျော် (၄ဝဝ)နီးပါး စုဆောင်းနိုင်ခဲ့ပါတယ်၊။
(၂ဝဝ၇)ခုနှစ်ကုန်ခါနီးမှာ စစ်ကိုင်းတိုင်း တိုင်းမှူး ဗိုလ်ချုပ်မြင့်စိုးကိုဖိတ်ပြီး အကူအညီတောင်းတဲ့အခါ တိုင်းမှူးက ဝမ်းသာစွာနဲ့ လိုအပ်တဲ့စက်ယန္တယားတွေ ကူညီပေးလို့ အချိန်တိုအတွင်းမှာ အကောင်အထည် ဖော်နိုင်ခဲ့ပါတယ်။ တိုင်းမှူးက အခါအားလျော်စွာ လိုအပ်သလို ပံ့ပိုးပြီး ဆက်သွယ်ရေးအဆင်ပြေဖို့ ဖုံးတစ်လုံးလဲ ကူညီထားပါတယ်။
(၂ဝဝ၇၊ ဝ၈)နှစ်နှစ်လုံး တစ်ဖက်ကလမ်းတံတားတွေလုပ်ရင်း တစ်ဖက်ကလည်း ဦးဇဉ်းနည်းနဲ့ လှည့်လည် စည်းရုံးခဲ့တာ (၂)နှစ်အတွင်း သိန်း(၈)ရာကျော်အထိ ရရှိခဲ့ပါတယ်။
(၂ဝဝ၉)ခုနှစ်ရောက်တဲ့အခါမှာ တစ်ကမ္ဘာလုံးစီးပွားရေးကြပ်တည်းကြတာ ဒီနယ်မြေမှာလည်း ကြပ်တည်း ကြတော့ ဦးဇဉ်းတို့အနေနဲ့ အလှူခံဖို့ဝန်လေးနေပါတယ်၊ လမ်းကလည်း တစ်ဝက် တစ်ပျက်ပဲပြီးသေးတော့ ကျန်တဲ့အပိုင်း နည်းနည်းပြီးပြီးဆိုပြီး၊ ဦးဇဉ်းတို့ကိုယ်တိုင်လည်း စိတ်တူကိုယ်တူ ကိုရင်, ဦးဇဉ်း(၁ဝ)ပါး၊ စေတနာဝန်း ထမ်းကျောင်းသား (၁၅)ယောက်နဲ့ လမ်းပေါ်မှာတဲထိုးနေပြီး လုပ်ကိုင်ကြတယ်။ ဦးဇဉ်းတွေတောင် လုပ်ကြသေး တာဆိုပြီး ပတ်ဝန်းကျင်ရွာတွေက ဒကာ/ဒကာမတွေကလည်း မနေကြပါဘူး။ ဝိုင်းဝန်းပြီး လုပ်အားဒါနတွေပေးကြတာ ကုသိုလ်ရလွန်းလို့ ပျော်လွန်းလို့ဆိုပြီး မိုင်(၃ဝ)လောက်ဝေးတဲ့ရွာတွေကအထိ လုပ်အားဒါနတွေ လာရောက်လုပ် ဆောင်ကြပါတယ်၊။
လုပ်အားဒါန ပြုသူများကလည်း ဒီလိုပဲ ပျော်ပျော်ရွှင်ရွှင်
ပြီးခဲ့တဲ့ (၁၃၇ဝ)ခု တပို့တွဲလပြည့်နေ့က ထူးထူးခြားခြား လုပ်အားဒါနအဖွဲ့တစ်ဖွဲ့ ရောက်လာခဲ့ပါတယ်။ ဆားလင်းကြီးမြို့နယ် ကံကုန်းရွာကပါ။ ဦးဇဉ်းတို့အနေနဲ့ တာဝန်ကြီးမှာစိုးလို့ လူ(၁ဝဝ)လောက်ပဲ လာကြပါလို့ ကန့်သတ်ထားတဲ့ကြားက တားလို့မရဘဲ လိုက်လာကြတာ လူပေါင်း(၄ဝဝ)ကျော်သွားပါတယ်။ အဲ့ဒီအထဲမှာ ကိုစံဖဲဆိုတဲ့လူတစ်ယောက်က ကျန်းမာရေးမကောင်းဘဲလိုက်လာခဲ့ပါတယ်။ မသေခင် ကုသိုလ်ရဖို့ အရေးကြီးတယ်။ သေလျှင်သေပါစေဆိုပြီး စေတနာထက်သန်စွာနဲ့ ပျော်ပျော်ပဲလိုက်လာခဲ့ပါတယ်။ နေ့လည်(၁၁)နာရီလောက်မှာ ရွာတစ်ရွာကလာလှူတဲ့မုန့်တွေကို သူကိုယ်တိုင်လိုက်ဝေရင်း အပျော်လွန်ပြီး အသက်ရှုရပ်သွားပါတယ်။ ဦးဇဉ်းတို့လည်း ဘာမှမတတ်နိုင်လိုက်ဘူး။ (၁၅)မိနစ်အတွင်းမှာပဲ သေဆုံးသွားခဲ့ပါတယ်။ ဒါပေမယ့် သူ့ရဲ့မိဘ, ဆွေမျိုး,မိတ်ဆွေတွေ အားလုံးကတော့ အများအကျိုးအတွက် ဆောက်ရွက်ရင်း မြတ်သောသေခြင်းနဲ့သေရတာ ဇီဝိတဒါနအသက်လှူရတာဆိုပြီး ကျေကျေနပ်နပ်ဂုဏ်ယူခဲ့ကြပါတယ်။ လမ်းဆရာတော်တွေကိုယ်တိုင် ကိုစံဖဲ ရက်လည်တဲ့နေ့မှာတစ်ကြိမ်၊ (၁၅)ရက်မြောက်မှာ တစ်ကြိမ်၊ ကိုစံဖဲကို ဂုဏ်ပြုပွဲကျင်းပြီး အမျှဝေတိုင် တည်ခဲ့ကြပါတယ်၊ ''ကိုစံဖဲရေ၊ ဒို့ရဲ့ ကိုသိုလ်အမျှ ဝေမှု့ကို လိုအပ်နေတဲ့ ဘဝမျိုးမှာ ရောက်နေရင်လည်း သာဓုခေါ်ပါ၊ တို့လမ်းကြီးအောင်မြင်ဘို့ရာ ခက်ခဲနေပါတယ်။ ကူညီစောင့်ရှောက်နိုင်တဲ့ဘဝမျိုးမှာ ရောက်နေရင်လဲ စွမ်းနိုင်သလို ကူညီပေးပါလို့ တိုင်တည်ခဲ့ကြပါတယ်'' အမျှဝေတိုင်တည်ပြီး လမ်းပြုပြင်ရေး တဲကျောင်းစခန်းကို ပြန်လာခဲ့ပါတယ်။ တိုက်တိုက်ဆိုင်ဆိုင် အဲဒီနေ့မှာပဲ ပုထိုးသာရွာသူလေး မမျိုးအေးဆိုတဲ့ မိန်းကလေးတစ်ယောက်က လှူချင်စိတ်ပေါ်လာလို့ဆိုပြီး သူဆံပင်လေးဖြတ်ရောင်းကာ လမ်းအတွက်ဆိုပြီး လာရောက်လှူဒါန်းခဲ့ပါတယ်။ ဒီမိန်းက လေး လှူတာမြင်ပြီး နောက်နေ့မှာပဲ ပုထိုးသာရွာကအမျိုးသမီး (၄ဝ)ကျော်က တစ်ပြိုင်တည်း ဆံပင်တွေဖြတ်လာပြီး အလှူခံပေးဖို့ တောင်းဆိုလာကြပါတယ်။ တစ်ခြားရွာတွေက အမျိုးသမီးတွေလည်း လှူချင်နေကြတဲ့အကြောင်း လျှောက်ထားကြတော့ ဦးဇင်းအနေနဲ့ စဉ်းစားပေးရပါတော့တယ်။ ဆံပင်တွေ လမ်းတံတားအတွက်လှူတာဟာ ဒါနဥပပါရမီမြောက်လို့ ဘုရားချီးမွမ်းတဲ့ ကုသိုလ်လဲဖြစ်တယ်။ ဒေသနဲ့ တိုင်းပြည်အတွက် အကျိုးသက်ရောက်မှုလည်း ရှိတယ်။ ဘယ်သူ့ပေါ်မှလည်း နစ်နာထိခိုက်မှု မရှိဘူးလို့ သုံးသပ်ပြီး ဆံပင်နဲ့အနည်းဆုံး တံတားတစ်စင်းလောက် ပြီးရမယ်လို့ ယုံကြည်ပြီး ''ရွှေဆံပင်တံတား'' တည်ဆောက်မယ်လို့ ကြေငြာလိုက်ပါတယ်။ ရွှေဆံပင်တံတားလို့ ကြားရတဲ့အခါ ပါရမီဓာတ်ခံရှိတဲ့ အမျိုးသမီးတိုင်း လှူချင်စိတ်ပေါက်ပြီး လှူကြတာ ပုလဲ, ယင်းမာပင်, မုံရွာ, ချောင်းဦး, မန္တလေး, မိတ္ထီလာ စတဲ့မြို့တွေပါ ဆက်တိုက်ပဲ လှူကြတာ အံသြစရာအထိ တွေ့မြင်ခဲ့ကြရပါတယ်။ မုံရွာမှာ ပိဿာချိန် (၁၅ဝ)၊ မိတ္ထီလာမြို့ ပိဿာချိန် (၁၅ဝ)လောက်ရပြီး မန္တလေးမြို့မှာ ပရိယတ္တိသာသနာ့တက္ကသိုလ်က အရှင်ဝါယမာနန္ဒထံမှ အချိန် (၁ဝဝ)ကျော်ရရှိပြီး၊ အထူးသဖြင့် မန္တလေးမြို့၊ မြောက်ပြင် နဂါးပရိယတ္တိစာသင်တိုက် ဆရာတော်နှင့် စာချဆရာတော်များ၊ နဂါးကျောင်းတိုက်မှ ဝေယျာဝစ္စအဖွဲ့များ တစ်လခွဲလောက် ကိုယ့်အလုပ်တွေ ဘေးဖယ်ပြီး အကျိုးဆောင်ပေးကြတာ လူငါးသောင်းကျော်မှ ဆံပင်ပိဿာချိန် (၁၁ဝဝ)ကျော် ရရှိခဲ့ပါတယ်။ ဘယ်သူတွေ ဘာပဲပြောပြော ဆံပင်လှူရတဲ့ ပီတိဟာ အလှူရှင် ကိုယ်တိုင်မှ အသိဆုံးဖြစ်မှာပါ။ တစ်ချို့ဆိုရင် ကြက်သီးမွေးညှင်းထတာတွေ ဝမ်းသာမျက်ရည်ကျတာတွေတောင် တွေ့ရှိခဲ့ရပါတယ်။
ကိုစံဖဲအနေနဲ့ ဒီလမ်းကြီးပြီးအောင် စောင့်ရှောက်သလား၊ မစောင့်ရှောက်ဘူးလားတော့ အတိအကျ မပြောနိုင်ပါဘူး။ ကိုစံဖဲတောင် အသက်စွန့်လှူသေးတယ်။ တို့အနေ့နဲ့ ဆံပင်လောက်လှူရတာ ကျေနပ်ပါတယ်၊ လှူသင့်ပါတယ် ဆိုပြီး အိပ်ပျော်နေတဲ့ ပါရမီရှင်တွေရဲ့ သဒ္ဓါ စေတနာ နှလုံးသားကို နှိုးဆွပေးလိုက်တာကတော့ အမှန်ပါပဲ။
အသက်များစွာကယ်တင်ရင်း ဇီဝိတဒါန ရွှေဆံပင်လှူကြတဲ့ ပါရမီရှင်တွေကို ကျေးဇူးတင်သလို၊ ပါရမီရှင်တွေ လှူနိုင်အောင် ကူညီပေးကြတဲ့ ဆရာတော်တွေ၊ ကိုယ်တတ်တဲ့ ပညာနဲ့ ကိုယ်အား၊ ဥာဏ်အား ကူညီပေးနေကြတဲ့ ဝေယျာဝစ္စ အကျိုးဆောင်တွေ အခြေနေမှန်ကို စေတနာရှင်တွေသိခွင့်ရအောင် တင်ပြပေးကြတဲ့၊ သတင်းနဲ့ စာနယ်ဇင်း အဖွဲ့တွေအားလုံးကိုလဲ နယ်သူ၊နယ်သားအားလုံးရဲ့ ကိုယ်စား အထူးဘဲ ကျေးဇူးတင်ပါတယ်။
ဒီလမ်းပိုင်းမှာ အရှည်(၁၅)မိုင်နဲ့ တံတား(၁၇)စင်းပါဝင်ပါတယ်။ ဝမ်းသာစရာပြောချင်တာက အခုကျောက်လမ်း ဆယ်မိုင်နဲ့ တံတား(၁ဝ)စင်း ပြီးခဲ့ပါပြီ။ အဲ့ဒီလောက်ပြီးတာလေးတောင်မှ အခုနှစ်မိုးတွင်းကာလမှာ အရေးပေါ်လူနာ (၁၃)ယောက်ကို ဦးဇင်းတို့ ကိုယ်တိုင် လမ်းသုံးကားများနဲ့ အချိန်မှီ ဆေးရုံပို့ပြီး အသက်ကယ် တင်နိုင်ခဲ့ပါတယ်။ ဒါလဲ ရွှေဆံပင်းတံတားလမ်း ကုသိုလ်ရှင်များရဲ့ ကျေးဇူးတွေပါပဲ။
လုပ်အားဒါန ပြုသူများကလည်း ဒီလိုပဲ ပျော်ပျော်ရွှင်ရွှင်
လှူဒါန်းသူတွေကလည်း တဖွဲဖွဲ
နိဂုံးချုပ်အနေနဲ့ ပြောချင်တာကတော့ ၊ ဆံပင်အလှူရှင်နဲ့ ပတ်သက်လို့ နောက် ဆုံးသတင်းထူးပါပဲ။ ပြီးခဲ့တဲ့ ၁၂.၁၁.၂ဝဝ၉ နေ့က မုံရွာအထက် မင်းကင်းမြို့အနီး ချင်းတွင်းမြစ်ထဲမှာ မြစ်ရေယာဉ်တစ်စင်း တိမ်းမှောက်ပြီး လူ(၇ဝ)လောက် သေဆုံးခဲ့ပါတယ်။ အဲဒီစက်လှေပေါ်မှာ ခရီးသည်အမျိုးသမီး တစ်ယောက်ဟာ ရေနစ်လို့ အော်ကြ၊ မြုပ်ကြတာတွေကြည့်ပြီး ''ငါလည်း ရေမကူတတ်ဘူး၊ သေရတော့မယ်၊ ငါ့မှာ အားကိုးစရာဘာများရှိသလဲလို့၊ စဉ်းစားလိုက်တာ မကြားသေးခင်က မုံရွာမြို့ ရွှေဒေါင်းယာဉ် သင်္ကန်းတိုက်မှာ ရွှေဆံပင်လမ်းတံတားအတွက် ဆံပင်လှူခဲ့တယ်၊ ငါသေရပေမဲ့ င့ါဆံပင်လေးကတော့ ခက်ခဲပင်ပန်းစွာ သွားလာကြရတဲ့လူတွေအတွက် လမ်းတံတားကုသိုလ်ပြုခဲ့ရပြီလို့'' တွေးမြင်ရင်း ဝမ်းသာသွားပါတယ်။ အဲ့ဒီအချိန်မှာ မမျှော်လင့်ဘဲ ကွမ်းခြင်းတောင်းတစ်လုံးပေါ်လာပြီး ဖက်တွယ်လိုက်ပါသွားရင်း အသက်ရှင်လာခဲ့ရပါတယ်။ ဆံပင်နဲ့ လမ်းတံတား ကုသိုလ်ပြုရတဲ့ အကျိုးဆိုပြီး ဝမ်းသာနေရှာပါတယ်။ ဒါကြောင့် ရွှေဆံပင်တံတားလမ်းအတွက် လှူတဲ့သူတွေပဲဖြစ်ဖြစ်၊ မိမိတတ်စွမ်းရာကုသိုလ်လုပ်အားဒါနနဲ့ဖြစ်ဖြစ် ပါဝင်စေချင်ပါတယ်။ ဒီကုသိုလ်တွေကြောင့် ဘဝခရီးလမ်း၊ သံသရာ ခရီးလမ်း၊ နိဗ္ဗာန်ခရီးလမ်းမှာ ဖြောင့်ဖြူးသာယာပြီး ပန်းခင်းသောလမ်း လျှောက်လှမ်းရသလို မဂ်လမ်း၊ ဖိုလ်လမ်း၊ နိဗ္ဗာန်လမ်း ဖြောင့်ဖြူးသာယာစွာ သွားနိုင်ကြပါစေလို့ ဆန္ဒပြုရင်း နိဂုံးချုပ်ပါတယ်။
(ရွှေဆံပင်တံတားလမ်းနှင့် ပတ်သက်၍ အသေးစိပ်သိရှိလိုပါက မည်သူမဆို လွတ်လပ်ပွင်လင်းစွာ စုံစမ်း နိုင်ပါကြောင်းနှင့် ဆရာတော်တို့နှင့် အတူ လက်တွဲပြီး ဆောင်ရွက်လိုပါကလည်း မည်သူကိုမဆို ကြိုဆိုဖိတ် ခေါ်ပါကြောင်း အသိပေးကြေငြာအပ်ပါတယ်။)
အရှင်ဝေပုလ္လ (အကျိုးတော်ဆောင်)
လမ်းပြုပြင်ထိန်းသိမ်းရေးဆရာတော်များအဖွဲ့
ပုလဲမြို့နယ်၊ ယင်းမာပင်မြို့နယ်
မုံရွာခရိုင် / ဖုံး- ဝ၉၆၄၅ဝ၆၅၄
မှတ်ချက်။ ။ ၅-၁၂-၂ဝဝ၉ရက်နေ့တွင်၊ လမ်းတံတားပြုပြင်ထိန်းသိမ်းရေး(အကျိုးတော်ဆောင်)ဆရာတော် အရှင်ဝေပုလ္လမှ၊ ရန်ကုန်မြို့၊ ကမ္ဘာအေး၊ တိပိဋကမဟာဂန္ဓာရုံကျောင်းတိုက်အတွင်း၊ ပထမအကြိမ် ကျင်းပပြု လုပ်အပ်သော၊ စုပေါင်းရေစက်ချ အခန်းအနား တွင် ပြောကြားခဲ့သော၊ စကားရပ်များဖြစ်ပါသည်။
