တဝုန်းဝုန်းဖြင့် အဆမတန်ပေါက်ကွဲ၊ ပြိုကျနေသော ရေခဲတောင်များသည် နောင်နှစ်ပေါင်း မည်မျှလောက်အထိ ခံနိုင်ရည်ရှိစွာဖြင့် တင်းခံနေနိုင်လိမ့်မည် မသိ။ ထိုကဲ့သို့ တအိအိ ပြိုကျနေသော ရေခဲတောင်များကို သင်မြင်ဘူးပါသလား။ အကယ်၍ သင်သည် ထိုမြင်ကွင်းကို မြင်ခဲ့သူဟုဆိုလျှင်၊ ထိုမြင်ကွင်းသည် သင့်ကို အဘယ်သို့ လှုပ်ခါပြောင်းလဲမှုဆီသို့ ခေါ်ဆောင် သွားပါသနည်း။ နှစ်ပေါင်းများစွာ တည်ရှိခဲ့သော သဘာဝတရားများသည် ယနေ့အချိန်ဝယ် တမြေ့မြေ့လောင်ကျွမ်းလျှက် ပျက်စီးမှုဆီသို့ ဦးတည်မောင်းနှင်နေခဲ့လေသည်။ အရှိကိုအရှိတိုင်း ထားလိုက်ပါ။ ထိုကဲ့သို့သော အပြောအဆိုများကို သင် လက်ခံကာ လိုက်နာကျင့်သုံးနေပြီလော။ တစ်ခါသုံးလျှင် ပြီးသွားမည်ဟုဆိုသော်လည်း၊ ထိုတစ်ခါသုံးများသည် သင့်ကို လက်ယက်ခေါ်နေကောင်း ခေါ်နေပေလိမ့်မည်။ အမှန်တကယ် တစ်ခါသုံးများကို တစ်ခါပဲ သုံးပါသလား။ မနေ့က လမ်းမပေါ် ဖြတ်ပျံသွားသော ငှက်အုပ်များကို ယနေ့ မမြင်ရတော့ပေ။ ခေါင်းချင်းဆိုင် တိုက်ထားသော ကားနှစ်စီးသည် မည်သူ၏ ချို့ယွင်းချက်ဖြစ်ပါသနည်း။ မေးခွန်းများကို ဖြေဆိုရန် တိုက်တွန်းချင်သော်လည်း၊ သင်ကိုယ်တိုင် စိတ်ပါဝင်စားမှသာလျှင် ဖြေဆိုနိုင်ပါသည်။
တိုက်အသစ်တစ်လုံးပေါ်သို့ စိတ်များတဟုန်ထိုး ပျံတက်သွားခဲ့သည်။ ဒဏ်ရာများဖြင့် တစ်ကိုယ်လုံး နာကျင်နေခဲ့သော်လည်း ထိုင်နေ၍ကား မဖြစ်။ စိတ်ဓာတ်များ ရေခဲတောင်လို တအိအိပြိုကျနေခဲ့သည်။ အပြောင်းအလဲများဖြင့် ခရီးသွားနေခဲ့ရသော ဝင်္ကပါလမ်းများပေါ်သို့ စိတ်အန်ဖတ်များ လက်ညှိုးထိုးကာ အန်ပစ်လိုက်ခဲ့သည်။ သို့သော် နောက်ကျုနေသော စိတ်အစဉ်သို့ ဝရုန်းသုန်းကား ပြေးဆောင့်လာနေသော အကုသိုလ်ဝဲဂယက်၊ လှိုင်းလုံးများသည်ကား တစ်လုံးပြီး တစ်လုံး။ စိတ်နာသော်လည်း နာနေသောစိတ်ကို ဘယ်လိုသော ဆေးဝါးများဖြင့် ကုစားရမည်နည်း။ အကောင်းမြင် စိတ်ဓာတ်သည် လောကကြီးတစ်ခုလုံးကို အေးချမ်းမှုသဘောဆောင်းသော အားအကောင်းဆုံး ဆေးတစ်လုံးဖြစ်သည်။ နိယာမ သဘောအရ ဖြစ်စဉ်တစ်ခုသည် အကြောင်းနှင့်ကင်းသော အကျိုးဖြစ်ထွန်းပေါ်ပေါက်ရိုး ထုံးစံမရှိ။ ထိုကဲ့သို့သော လမ်းကြောင်းများကို ခြေရာကောက်ကြည့်လိုက်သော်၊ ဓမ္မလမ်းကြောင်းပေါ်မှ သွေဖယ်လျှက် ဖောက်ထွက်သွားသော အဓမ္မလမ်းကြောင်းများသည် အဆုံးမရှိ၊ လမ်းဖြောင့်မဟုတ်။ မှားယွင်းမှုကြောင့် ဖြစ်ပေါ်လာသော ထိုလမ်းကြောင်းများသည် မျက်စေ့လည်နေသူပမာ လိုရာခရီးကို မရောက်၊ ဖြောင့်ဖြောင့်ကြီး ဆန့်ကျင်လျှက် အမိုက်တိုက်ထဲ တဝဲလည်လည် လမ်းပျောက်နေဦးမည်သာ။
အကယ်၍ သင်သည် အဆိုပါလမ်းကြောင်းထဲသို့ ထိုးဆင်းကျသွားလျှင်၊ သင့်အား ဆွဲတင်စေမည့် လက်နက်သည်ကား စိတ်ဖြောင့်မှုဖြင့် တည်ဆောက်ထားသော အကောင်းမြင်ဝါဒပင်ဖြစ်သည်။ လောကကြီးပေါ်သို့ တစ်စုံတစ်ခုသော မကောင်းမှုတစ်ခုကို ထိုးစိုက်၊ ပစ်ပေါက်ခဲ့လျှင် အဆိုပါမကောင်းမှုသည်လည်း၊ သင့်အား တန်ပြိုင်သက်ရောက်မှုအနေနဲ့ ခုခံ တွန်းလှန်ကာ ပြန်လည်၍ ပစ်ပေါက်၊ ထိုးစိုက်ပေလိမ့်မည်။ စာနာခြင်းဖြင့် လောကကြီးကို ကယ်တင်ပါ။ ယုံကြည်လေးစားခြင်းဖြင့် လူသားဆန်းသော အပြုအမူများကို ဆောင်ရွက်ပါ။ သင့်ထံသို့ ပြန်လာသော အဆိုပါလှိုင်းသည်ကား သင်အလိုရှိသော လှိုင်းဖြစ်နေပေလိမ့်မည်။
ဒေသတစ်ခုသည်၊ ရွာဖြစ်ချင်ဖြစ်မည်။ တောဖြစ်ချင်ဖြစ်မည်။ ချိုင့်ဝှမ်းဖြစ်ချင်ဖြစ်မည်။ ကြည်ကုန်းဖြစ်ချင်ဖြစ်မည်။ သို့ရာတွင် မည်သို့ပင်ဖြစ်စေ သူတော်စင်များ နေထိုင်ရာ ဖြစ်ရိုးမှန်ပါက၊ ထိုနေရာ၊ ထိုဒေသသည် ကမ္ဘာမြေအပြင်တွင် မွေ့လျော်ဖွယ် အကောင်းဆုံးဖြစ်၏။ ဗုဒ္ဓမိန့်ကြားဖူးသော စကားတစ်ခွန်းဖြစ်သည်။
ကမ္ဘာကြီးသည် ပြောင်းလဲမှုဆီသို့ ဦးတည်နေခဲ့သည်။ နည်းပညာခေတ်၊ သတင်းခေတ်၊ အင်တာနက်၊ အီးမေးလ်စသော ခေတ်ကြီးများဖြင့် လောကကြီးသည် တဟုန်ထိုး ပြောင်းလဲမှုဆီသို့ ဦးတည်နေသော်လည်း၊ မပြောင်းလဲသော အမှန်တရား များသည်လည်း မတုန်မလှုပ် ရပ်တည်မြဲ၊ ရပ်တည်နေခဲ့သည်။ အဆိုပါ အမှန်တရားများသည်ကား ဗုဒ္ဓ၏ စစ်မှန်သော မိန့်ခွန်းတော်၊ စကားတော်များပင်ဖြစ်သည်။ အထက်ပါ စကားရပ်လေးသည် ရိုးစင်းသည်ဟု ထင်ရသော်လည်း အသေးစိတ် ခွဲခြမ်းစိတ်ဖြာလျှက် စကားလုံးအဓိပ္ပါယ်များကို ပုံဖော်ကြည့်သော် အားအလွန်ကောင်းသော စကားဖြစ်သည်။
ခေတ်နှင့်ရင်ပေါင်တန်းနိုင်ရန် အားကုန်ပြေးလွှားလျှက် လိုက်နေကြသည်။ လောလောဆယ်တွင် အာရှတိုက်၏ ကျားများဟု ခေါ်ဝေါ်သမုတ်ခြင်းခံနေကြရသော ဂျပန်၊ တရုတ်၊ စင်္ကာပူလိုနိုင်ငံများသည်၊ တစ်ချိန်ကား အင်အားကြီးသော နိုင်ငံ တော်တော်များများကို ဖြတ်ကျော်လျှက် အားကောင်းကောင်းဖြင့် မောင်းနှင်ထွက်ခွါလာနေခဲ့သည်။ စီးပွားရေး၊ စစ်ရေးအရ အင်အားကြီးဆုံးအဖြစ် ထိပ်တန်းမှာ ရပ်တည်နေခဲ့သော အမေရိကလို့ နိုင်ငံကြီးသည်ပင် မျက်ခုံးလှုပ်လာသည်။ ဒုတိယနေရာ သို့ ဆင်းပေးရတော့မည်လော၊ ဘယ်တော့မှ ဆင်းပေးမည်မဟုတ်။ ပထမသာဖြစ်နေရမည်ဟုြေ<ွကးကြော်မှုများ ပြောဆိုလျှက် တုန်လှုပ်စ ပြုလာနေသည်။ ပြဿနာကား အခြားမဟုတ်၊ အဆိုပါအင်အားကြီး နိုင်ငံများသို့ အမှီလိုက်ရန် အားသန်နေသော အခြားအခြားသော နိုင်ငံများသည်လည်း မိမိတို့ စွမ်းအားရှိသလောက်၊ စီးပွားရေးအရသော်လည်းကောင်း၊ စစ်ရေးအရသော် လည်းကောင်း အမှီလိုက်နိုင်ရန် အားသွန်ခွန်စိုက် လိုက်နေကြသည်။ သဘာဝတရားကြီးကို လေ့လျူရှုကြသည်။ ဂရုမစိုက်ကြ။ ငါ့မြင်း ငါ့စိုင်း၊ စစ်ကိုင်းရောက်ရောက်၊ ငါ့လှေ ငါထိုး ပဲခူးရောက်ရောက်။ စိတ်ဓာတ်များဖြင့် ထင်ရာစိုင်းဝါဒကို စွဲကိုင်လာကြသည်။ ခေတ်စားနေသော ပြဿနာတစ်ရပ်ကို ထုတ်ပြရမည်ဆိုလျှင်၊ နျူကလီးယား ပိုင်ဆိုင်မှု အငြင်းပွားဖွယ်များ၊ အခြားသော လက်နက်ဆန်းများ တစ်နေ့တစ်မျိုး မရိုးအောင်ထုတ်လုပ်ကြရင်း ပါဝါပြိုင်ဆိုင်မှုများသည်၊ ကမ္ဘာကြီးကို ကြီးစွာသော ခြိမ်းခြောက်မှုဖြင့် ခြောက်လှန့်နေခဲ့ကြသည်။ အဆိုပါ ဖြစ်စဉ်များကို ပြန်လည်သုံးသပ်ကြခြင်းဖြင့် အဖြေရှာလျှက် ကမ္ဘာကြီးကို ကယ်တင်ဖို့ မေ့နေခဲ့ကြသည်။ ကမ္ဘာကြီးသည် နေ့စဉ်နှင့်အမျှ စစ်မီးလျှံကြားမှာ နီရဲနေခဲ့သည်။ အဆိုပါ နီရဲနေသော မီးလျှံများကို ငြှိမ်းသတ် မှုဆီသို့ ဦးတည်ရန်ကား မေ့နေကြသည်။ ဘယ်သူသေသေ ငတေမာရင်ပြီးရော့ စိတ်ဓာတ်များဖြင့် ဆက်လက်ခရီးဆက်နေကြ ဆဲဖြစ်သည်။ သို့အတွက် လောင်မြိုက်နေသော အပူများကိုသာ လူးလိမ့်ခံကြရုံ ရှိတော့သည်။
ဒီနေရာမှာ စဉ်းစားရန်တစ်ခု ဝင်လာလိမ့်မည်။ နျူကလီးယား ပိုင်ဆိုင်မှုအရေး၊ ဘယ်သူတွေ ပိုင်ဆိုင်သင့်သလဲ။ ဘာကြောင့်လဲ။ အဆိုပါမေးခွန်း စကားလုံးများကိုလည်း ကမ္ဘာ့နိုင်ငံအသီးသီးမှာ အခုထိ အငြင်းပွားနေဆဲ ဖြစ်သည်။ အကောင်းဆုံး တစ်ခုကို အဖြေရှာကြည့်ချင်သည်။ ရိုးစင်းသောအဖြေနှင့် အကောင်းဆုံးအဖြေတစ်ခုကို ထုတ်ပြရမည်ဆိုသော်၊ ဘယ်သူမှ၊ ဘာအတွက်မှ၊ ဘယ်နေရာမှာပဲဖြစ်ဖြစ် မပိုင်ဆိုင်ကြလျှင်ကား အကောင်းဆုံးအဖြေဖြစ်သည်။ ပိုင်ဆိုင်မှုများအနေဖြင့် ရင်းနှီးမှု များသည်ဟုဆိုသော်လည်း သဘာဝတရားများအနေဖြင့် အမြဲတန်းလိုလို ခြိမ်းခြောက်မှုခံနေရသည်။ အကယ်၍ အဆိုပါသဘာဝ တရား၏ တိုက်စား၊ ဖျက်ဆီးမှုမျိုး ကြုံလာခဲ့လျှင်၊ ထိုရင်းနှီးမှုများသည် ဘာမျှတတ်နိုင်လိမ့်မည်မဟုတ်။ ရုပ်တရားကို အမြဲဟု ထင်မှတ်နေခြင်းသည် မှားယွင်းသော အယူအဆပင်ဖြစ်သည်။ ဗုဒ္ဓ၏ဖော်ထုတ်ချက်အရ ရုပ်တရားသည် အမြဲတန်း ပြုပြင် ပြောင်းလဲနေသည်၊ ထိုကဲ့သို့ အမြဲတန်း ပြုပြင်ပြောင်းလဲနေသော ရုပ်တရားအား မြဲသည်ဟုထင်မှတ်နေလျှင်ကား ပိုမို ကြောက်စရာကောင်းသော အဖြစ်အပျက်များဆီသို့ ဦးတည်နေပေလိမ့်မည်။ ပိုင်ဆိုင်မှုကို ဖျက်ဆီးပစ်မည်၊ သို့သော် ဘယ်လို ဖြစ်ဆီးပစ်မည်နည်း၊ မှန်ပါသည်။ အဆိုပါအဖြေမျိုးကို ခေါင်းချင်းဆိုင်လျှက် ဖြေရှင်းမှုဆီသို့ ဦးတည်သွားဖို့လိုပါသည်။
ဗုဒ္ဓမိန့်မှာခဲ့သော စကားလုံးလေးကို ပြန်လည်ကောက်ကြည့်ဖို့လိုသည်။ '' သူတော်ကောင်းများ နေထိုင်သည့် နေရာများသည်။ ဆင်းရဲသော နိုင်ငံဖြစ်စေ၊ ချမ်းသာသော နိုင်ငံဖြစ်စေ၊ ဖွံ့ဖြိုးပြီးသော နိုင်ငံဖြစ်စေ၊ ဖွံ့ဖြိုးဆဲ နိုင်ငံဖြစ်စေ၊ အဆိုပါ နေရာဒေသသည် ကမ္ဘာမှာ မွေ့လျော်ဖွယ်အကောင်းဆုံး နေရာဒေသ ဖြစ်သည် '' ။ ဒီနေရာမှာ သူတော်ကောင်းဆို သည့် စကားလုံးသည် အရေးကြီးဆုံး ဖြစ်ပါသည်။ အဘယ်ကဲ့သို့သော ပုဂ္ဂိုလ်မျိုးကို သူတော်ကောင်းဟု သတ်မှတ်ပါမည်နည်း။ ဒါသည် အရေးကြီးဆုံး ဖြစ်သည်။ ကမ္ဘာကြီးအနေဖြင့် ဖြစ်ချင်ရာဖြစ်၊ ငါ့နိုင်ငံ၊ ငါ့လူမျိုး၊ ငါ့ဆွေမျိုး၊ ငါချမ်းသာဖို့လောက်သာ ပဓာနထားပြီး ထင်ရာစိုင်းဝါဒဖြင့် မလုပ်သင့်တာတွေကို လုပ်နေတဲ့လူမျိုးဟာ သူတော်ကောင်းဟု သတ်မှတ်လို့ရမည် မဟုတ်။ မှန်သည်။ လူတော်၊ လူကောင်း၊ သူတော်ကောင်းဆိုတဲ့ လူစားမျိုးသည် ဘယ်တော့မျှ ငါကိုရှေ့တန်းတင်သော လူစားမျိုး မဟုတ်။ အကယ်၍ ငါကိုရှေ့တန်း တင်မည်ဆိုလျှင်လည်း အဆိုပါလူကို လူတော်၊ လူကောင်း၊ သူတော်ကောင်းဟု ဆိုရမည် မဟုတ်။ လူကို လူဟုသာ ထင်မှတ်ထားရမည်။ လူကို ခွဲခြမ်းစိပ်ဖြာမည်ဆိုသော် လူမျိုးစုံဖြစ်လာသည်နှင့်အမျှ လူမျိုးစုံများရဲ့ စရိုက်လက္ခဏာမျိုးစုံသည်လည်း ရောယှက် ပွေလိမ်လာလိမ့်မည် ဖြစ်သည်။ သူတော်ကောင်းလက္ခဏာများသည် သတ်မှတ်မှုမျိုးစုံကို ခြေရာခံမည်ဆိုလျှင် ကုန်နိုင်ဖွယ်ရာမရှိ၊ ဗုဒ္ဓကတော့ အာရာဓနာယ လောကဿ-လောက လူအပေါင်းက ကျေနပ်လက်ခံသော လုပ်ငန်းမျိုး ဖြစ်ပါမှ ပါရမီမြောက်သော အလုပ်၊ စစ်မှန်သော သူတော်ကောင်းလုပ်ရပ်ဟု ဆိုရပေလိမ့်မည်။ ငါနှင့်ပတ်သက်သော စကားလုံးများကို သုံးစွဲမှုမရှိ။ လူအပေါင်းဟု ရိုးစင်းသောစကားလုံးလေးဖြင့် သုံးစွဲတော်မူခဲ့သည်။ ရိုးစင်းမှုသည် အားကြီးသော ပစ်မှတ်ဖြစ်သည်။
တစ်ကမ္ဘာလုံးကို ကိုယ်စားပြုသည်။ တစ်ဦးတစ်ယောက်ကို ဦးစာမပေး။ အဖွဲ့အစည်း၊ နိုင်ငံ၊ အသင်းအပင်းစသည် အားဖြင့် ငါနှင့်ဆိုင်သော စကားလုံးလေးမျှလောက်ကိုသာ ဦးစားမပေး။ သူတော်ကောင်းသည်၊ သဘာဝတရားကြီးကို ကြည့်ရမည်။ တစ်ကမ္ဘာလုံးကို ကိုယ်စားပြုရမည်။ လူသားအားလုံးရဲ့ ကျေးဇူးရှင်ဖြစ်ရမည်။ လူသားအားလုံးကို လူဟုသာသတ်မှတ်နိုင်ရမည်။ လူသားများသည် လူအချင်းချင်း လူဟုမသတ်မှတ်နိုင်သမျှ၊ ကမ္ဘာကြီးသည်လည်း မီးဟုန်းဟုန်းတောက်လောင်လျှက် လောင်ကျွမ်း နေရပေလိမ့်မည်သာဖြစ်သည်။ ကမ္ဘာကြီးသည်၊ မြေပြိုမှု၊ ရေကြီးမှု၊ ပူလောင်မှု၊ အဆမတန်အေးမှု၊ ငလျင်ဒဏ်အသီးသီး လှုပ်ခတ်မှု၊ မုန်တိုင်းအမျိုးမျိုး ကျရောက်မှုများဖြင့် ရေ၊ မြေ၊ သဘာဝ၊ တော၊ တောင်များ ပျက်စီးလာမှုသည် လူသားများ၏ လက်ချက်ဟုဆိုလျှင် လွန်မည်မထင်။ လူသားများသည် အတ္တကိုရှေ့တန်းတင်လျှက် ခရီးဆက်နေသမျှကာလပတ်လုံး ပိုမိုဆိုးရွား သော ဘေးရန်အန္တရာယ်များဖြင့် ဆက်လက်ကြုံတွေ့ ရင်ဆိုင်နေဦးမည်သာဖြစ်သည်။ သို့အတွက် မွေ့လျော်ဖွယ်ကောင်းလိမ့် မည်မဟုတ်။ လက်ပိုက်ကြည့်နေ၍ကား မဖြစ်တော့ပေ။ လူသားတိုင်းလိုလို ကိုယ့်ထံသို့ ဦးတည်မောင်းနှင်းလာနေသော အန္တရာယ် ကောင်များကို ခုခံ၊ တွန်းလှန်ဖို့လိုသည်။ ခုခံ၊ တွန်းလှန်မည်ဆိုလျှင် လူသားဆန်သော အပြု၊ အမူ၊ အပြောအဆို၊ အလုပ်အကိုင်၊ ကြံစီးတွေးတောမှုများဖြင့် လုပ်ဆောင်ကြရန်လိုအပ်ပေလိမ့်မည်။
ပြောင်းလဲမှုတိုင်းလိုလို လက်ခံနေ၍ကား မဖြစ်။ လက်ပိုက်ကြည့်နေ၍လည်း မရ။ ပြောင်းလဲမှုဆီသို့ မလျှောက်၍လည်း ရောက်မည်မဟုတ်။ သို့သော် မကောင်းတဲ့ ပြောင်းလဲမှုများကို လက်မခံဖို့လိုသည်။ ကောင်းသော ပြောင်းလဲမှုဆီသို့ အသိစိတ်ဓာတ်များဖြင့် ချီတက်နေသည်ကို မလိုက်ဘဲ လက်ပိုက်ကြည့် မနေဖို့လိုသည်။ မှီရာနေရာမှ လိုက်နိုင်အောင်ကြိုးစားရ မည်။ သို့အတွက် လျှောက်ပါ။ ရောက်အောင်လည်း သွားပါ။ မျှတသော ပြောင်းလဲမှုများဖြင့် လူသားတိုင်း ငြိမ်းချမ်းသော အနာဂတ်ကမ္ဘာသစ်ဆီသို့ လက်တွဲညီညီ ဦးတည်သွားနိုင်ရန် လောကကြီးသည် အရေးတကြီး လိုအပ်နေပေသည်။
'' စစ်မြေပြင်မှာ ရန်သူပေါင်းများစွာကို အောင်နိုင်တဲ့ သူရဲကောင်းဆိုတာ ရှိတယ်။ ဒါပေမယ့် အဲဒီ သူရဲကောင်းဟာ အမြတ်ဆုံး သူရဲကောင်းမဟုတ်ဘူး။ တစ်ယောက်တည်းဖြစ်တဲ့ မိမိကိုယ်ကိုယ် မိမိက( လောဘ၊ ဒေါသ၊ မောဟ-စတဲ့ အတွင်းရန်သူ ကိလေသာများကို) အောင်နိုင်သူဖြစ်မှသာလျှင် အမြတ်ဆုံး သူရဲကောင်းဖြစ်ပါတယ် ''လို့ ဗုဒ္ဓ မိန့်မှာတဲ့ စကားလေးကို အမြဲတန်းနှလုံးသွင်းပြီး၊ လူသားတိုင်းမိမိကိုယ်ကိုယ် အောင်နိုင်သူများဖြစ်ရန်လိုပါသည်။ သို့မှသာလျှင် လောကကြီး သည်လည်း အေးချမ်းသာယာမှုဆီသို့ ပြန်လည်ပြောင်းလဲကာ ချီတက်သွားနိုင်ပေလိမ့်မည်။
မောင်မင်းစိုး၊ရွှေနံ့သာ၊
