ညနေစောင်း ထိုင်ခုံပေါ်မှာ
သရုပ်ဆောင်ကောင်းတဲ့ နားရွက်တစ်စုံနဲ့
ဝါရှင်တန်ကို နားထောင်တယ်
လန်ဒန်ကို နားထောင်တယ်
ရန်ကုန်ကို နားထောင်တယ်
ခုံမင်စရာကောင်းတဲ့ ကမ္ဘာကြီးပေါ်မှာ
ပြင်းထန်တဲ့ ယုံကြည်ချက်တွေရှိနေရဲ့
အရသာမတွေ့ဘူးလား
နှလုံးသားထဲက ပထ၀ီဝင်အတွက်
ဦးနှောက်ထဲက သမိုင်းအတွက်
လှိုင်းလုံးကြီးတွေ တည်ဆောက်ကြည့်တယ်
မဟာတံတိုင်းကြီးကိုလည်း ခေါင်းနဲ့ပြေးဆောင့်မိတယ်
တစ်ခါက အဆောက်အဦး သုတေသနဌာနမှာ
ငါဟာ အလုပ်သမားတစ်ယောက်ဖြစ်ခဲ့ဖူးတယ်
အဆောက်အဦးတွေရဲ့ အတွင်းရေးကို
သိသင့်သလောက်တော့ သိပါရဲ့
ခုတော့ငါဟာ လက်မရွံ့ကဗျာဆရာ
လူနာတွေမရှိဘဲ ဆရာဝန်တွေရှိပါ့မလား
ဘဏ်တိုက်တွေမရှိဘဲ ဘဏ်ဓားပြတွေရှိပါ့မလား
ဟောဒီ ကျောက်နံရံထက်မှာ
ငါ့တို့ မျိုးဆက်သစ်ရဲ့ အသံကိုထွင်းထုလိုက်မယ်
တစ်ချိန်ချိန်မှာ မတန်တဆ အနစ်နာခံမှုတွေနဲ့
ကြီးမြတ်လှစွာ ရှင်သန်ထမြောက်လာမယ်
ငါ့ကိုယ်ငါ သရဏဂုံတင်ပြီးပြီ
ကိုဖော်ဝေးကို သစ္စာခံဖို့
ခေတ်ပေါ်ကဗျာစေတီမှာ ထီးတော်သစ်တင်လှူပူဇော်ဖို့
မြန်မာကဗျာတွေကို ပထမဆုံးအကြိမ် သင်္ဂါယတနာတင်ဖို့
ငါရောက်လာခဲ့တယ်။ ။
လှသန်း
No comments:
Post a Comment