လူငယ်နှင့် ခေါင်းဆောင်မှု အဆက်
ဒီကိစ္စဟာ ကိုယ်ကျွမ်းကျင်တဲ့ ဧရိယာထဲမှာ ရှိရဲ့လား။
အချက်အလက်တွေကော ပြည့်စုံလုံလောက်မှု ရှိရဲ့လား။
ကောင်းမွန်စွာ ပိုင်းခြားသုံးသပ် ဆုံးဖြတ်နိုင်ရဲ့လား။
ဖြစ်ပေါ်လာတဲ့ အကျိုးရလဒ်ပေါ်မှာကော ဝေဖန်ခံနိုင်ရဲ့လား။
ယုတ္တိယုတ္တာကောကျရဲ့လား။
ကိုယ်ပြောချင်တာကော အစအဆုံး ပြင်ဆင်ပြီးပြီးလား၊ ရှင်းကောရှင်းရဲ့လား။
လိုအပ်ချက်တွေ ပြည့်နေရင် ဘယ်လိုပြန်လုပ်ရမလဲ။
ကိုယ်တိုင်ကော ခိုင်ခိုင်မာမာရှိရဲ့လား။
နည်းလမ်းအတိုင်းခိုင်းတဲ့အခါ ကိုယ်ခိုင်းတဲ့ပုံစံတွေ၊ နမူနာတွေကော နားလည်းသဘောပေါက် ရှင်းလင်းရဲ့လား။
ပြဿနာတွေဖြစ်ပေါ်လာရင် ကိုယ်ရော၊ သူတစ်ပါး ကြောက်စိတ်တွေ ဖြစ်ပေါ်လာတတ်တယ်။ နားလည်ရဲ့လား။
ဘယ်လိုကြောင့် ကြောက်စိတ်တွေ ဖြစ်ပေါ်နေရတာလဲ။ ဘာကြောင့်လဲ။
ပိတ်ဆို့သင့်တာတွေ၊ အရေးယူမှုဆိုတာတွေနဲ့ အပြစ်ပေးမယ်ဆိုရင် သဘောကျအောင်လုပ်ရင် ကောင်းသလို ဆုပေး၊ဒဏ်ပေးစနစ် သုံးသင့်ရင် သုံးရမယ်။သတင်းတွေ ပေါက်ကြားလို့ ကိုယ့်အဖွဲ့အစည်း ဖရိုဖရဲဖြစ်နေမယ်ဆိုရင် သတင်းတွေကို ထိမ်းချုပ်နိုင်ရမယ်။
လုပ်နိုင်တဲ့အားတွေကို ကောင်းမွန်စွာ အသုံးချနိုင်ရမယ်။ ဒီလိုလုပ်တဲ့အခါမှာကော လူတွေအနေနဲ့ လိုက်နာနိုင်ရဲ့လား။ ဒါတွေကို အသေးစိတ် ဆန်းစစ်တတ်ဖို့ အရေးကြီးတယ်။ နောက်တစ်ခု က လူတွေအတွက် အလုပ်လုပ်တာဖြစ်တော့ လူကိုအဓိက ပစ်မှတ်ထားဖို့လိုတယ်။ လူတိုင်းကိုလည်း ပါဝင်လာအောင် လမ်းဖွင့်ပေး ထားနိုင်ရမယ်။ ဆက်သွယ်ရေးစနစ်တွေ ကောင်းမွန်အောင် လုပ်နိုင်ရမယ်။ လူတိုင်းရဲ့ အခန်းကဏ္ဍကို ရှင်းလင်းပြနိုင်ရမယ်။ နောက်တစ်ခုက ပြဿနာတစ်ခုဖြစ်ပေါ်လာရင် ကိုယ်တစ်ယောက်တည်း ဖြေရှင်းတာမျိုးမလုပ်ဘဲ လူတိုင်းပါဝင် ဆွေးနွေးတင်ပြ နိုင်အောင် ကြိုးစားရမယ်။ အလျော့အတင်း ပုံစံထားရမယ်။
အရေးကြီး ဆုံးကတော့ စည်းစည်းလုံးလုံး ညီညီညွတ်ညွတ်ဖြစ်ဖို့ပေါ့။ ဒီလိုဆိုရင်တော့ ခေါင်းဆောင်မှုပြုလုပ်မယ့် ကိုယ့်ကိုယ်အဓိကထားပြီး ဆန်းစစ်မှုတွေနဲ့ ခံနိုင်ရည်ဘယ်လောက်ရှိသလဲဆိုတာတွေ ကို ပြနိုင်အောင်ကြိုးစားပြရမယ်ပေါ့။
ခေါင်းဆောင်ကောင်းဖြစ်ဖို့ဆိုတာ အမျှော်အမြင်ရှိမယ်။ စိတ်အားတက်ကြွမှု၊ စိတ်သတ္တိထူးတွေနဲ့ ပြည့်စုံနေဖို့လိုတယ်။ ပြဿနာဖြစ်ပေါ်လာရင် ထွက်ပေါ်လာတဲ့ တကယ့်အမှန်တရားကို အဓိကထားပြီး ဘက်မလိုက်စိတ်နဲ့ ဖြေရှင်းနိုင်ရမယ်။ ကိုယ့်အတ္တကို ဘယ်တော့မှ ရှေ့တန်းမတင်နဲ့။ ကျော်လွန်သွားအောင်တွေးပြီး အများဆန္ဒကို ဦးစားပေးမှုတွေကို ကြိုးစားပြရမယ်။ နောက်တစ်ခု က ကိုယ့်အတွင်းကို ဘယ်တော့မှမမေ့နဲ့။ အမြဲတန်း ဆန်းစစ်ကြည့်နေရမယ်။ များသောအားဖြင့်တော့ အပြစ်တစ်ခု ပေါ်ပေါက်လာ ရင် လူတွေက အဝေးကို ကြည့်တတ်တယ်။ အဲဒါဟာ မဟာအမှားတစ်ခုပါပဲ။ အဓိက ကိုယ့်ကိုယ်ကို ပထမဆုံးဆန်းစစ်၊ နောက်မှ ကိုယ့်အတွင်းလူတွေကို တစ်ယောက်ချင်းဆန်းစစ်။ နောက်မှသာ အဝေးကို ကြည့်ရှုသင့်တယ်။ အကယ်၍ ပြဿနာဟာ အပြင်က ဆိုရင် အဲဒီအတားအဆီးကို ကျော်လွှားနိုင်အောင် လုပ်ရမယ်။ အားလုံးကောင်းဖို့အတွက် အမျှော်အမြင်ရှိတဲ့ လူတွေကို အမြဲတန်း လေ့လာဆန်းစစ်ဖို့ အဖွဲ့လေးဖွဲ့ပေးထားရမယ်။
လက်ရှိစနစ်ဟာ အမှားမှန်းသိရင်တော့ ဒီစနစ်ကို ဘယ်လိုနည်းနဲ့ ခါပစ်နိုင်မလဲ ဆိုတာ လေ့လာ၊ သုံးသပ်ဖို့လိုတယ်။ ဖြစ်ပေါ်လာတဲ့ ဖြစ်စဉ်ကိုတော့ ဘယ်လိုနည်းနဲ့ပဲဖြစ်ဖြစ် ကြောက်စိတ်ဝင်ပြီး နောက်တွန့်သွားဖို့ မလိုဘူး။ လက်ခံနိုင်အောင် ကြိုးစားရမယ်။ ဘယ်လိုမှ နလန်မထူနိုင်တော့ဘူးဆိုရင် အများကလည်း ယုံကြည်မှုနည်းနည်းသွားမယ် ဆိုရင် ကိုယ့်ရဲ့ စိတ်ဓာတ်နဲ့ အင်အားကိုသုံးပြီး ပြန်လည်လန်းဆန်းလာအောင် လုပ်နိုင်ရဲ့လား။ ဒါတွေဟာ အရေးကြီးဆုံး ပထမ ခြေလှမ်းတွေဖြစ်ပါတယ်။
ဒီတော့ ဘယ်သူတွေနဲ့ ဖွဲ့စည်းသင့်သလဲ။ အားလုံးပါဝင်လာအောင် ဆွေးနွေးတိုင်ပင်ပြီးတော့ လူတိုင်းပါဝင်လာရင်တော့ အကောင်းဆုံးပေါ့။ သို့သော်လည်း ကိုယ်နဲ့စိတ်တူကိုယ်တူ၊ ပရဟိတအကျိုးကို တကယ်လုပ်ချင်တဲ့ လူတွေများသထက်များအောင် ပါဝင်လာနိုင်အောင် ဆွဲဆောင်နိုင်ရမယ်။ အထင်ကရပုဂ္ဂိုလ်တွေ၊ အနုပညာသည်တွေ၊ အားလုံးကလေးစားကြတဲ့ ကျောင်းဆရာစတာတွေ၊ သြဇာအာဏာရှိသူတွေ၊ စည်းစိမ်ဥစ္စာရှိသူတွေ စသဖြင့်ပုဂ္ဂိုလ်မျိုးတွေ ပါဝင်လာနိုင်အောင် ကြိုးစားသင့်တယ်။ နောက်ဆုံးအနေနဲ့ ပြောရရင် ရဟန်း၊သံဃာတွေနဲ့ အန်ဂျီအိုတွေပါ ပါဝင်လာအောင် ဆွဲနိုင်ရင်တော့ အကောင်းဆုံးပေါ့။
ဘယ်တော့ အကောင်အထည် ဖော်သင့်သလဲဆိုတာကတော့ ပြည့်စုံတဲ့အတိုင်းအတာတစ်ခုကို ဖန်တီးပြီးရင်တော့ စသင့်ပါတယ်။ မြန်မြန်စနိုင်လေကောင်းလေလို့ ဆိုရမှာပဲပေါ့။ ဒီတော့ ဘယ်လိုဖွဲ့စည်းသင့်သလဲဆိုတာ ခေါင်းဆောင်းကောင်းတစ်ယောက်ဟာ လုပ်ငန်းတွေ၊ ကျွမ်းကျင်မှုတွေ လိုလာပြန်တယ်။ အထက်က ကိစ္စတွေလို အရေးကြီးတဲ့ အချက်အလက်တွေကို ကြိုတင်လေ့လာထား၊ သိထားသင့်တယ်ပေါ့။ ဒါမှသာလျှင် အများရဲ့ လေးစားယုံကြည်မှုတွေ ဖြစ်လာမယ်မဟုတ်လား။
ခေါင်းဆောင်သူရဲ့အရည်အချင်း
ခေါင်းဆောင်တဲ့လူ လှုံ့ဆော်တဲ့လူဆိုတာ တစ်ဦးတစ်ယောက်တည်းမဟုတ်ဘဲ လူတိုင်းဖြစ်နိုင်ရမယ်။
လူတိုင်းဖြစ်ပေါ်လာအောင် ကြိုးစားရမယ်။ အဲဒီလို ဆွဲဆောင်တဲ့အခါမှာလည်း ကိုယ့်ဘက်ပါဖို့ဆိုတာ ကိုယ်ပြောတဲ့စကားအနေနဲ့ ထင်ရှားပြီး ထိထိမိမိ စကားကိုသာ ရွေးခြယ်ပြီး ပြောဆိုတတ်ရမယ်။ အကြောင်းအရာနဲ့ ပတ်သက်တာကိုပဲ ပြောဆိုရမယ်။ သင့် တော်တဲ့ အကြောင်းအရာကို ရွေးခြယ်ပြောဆိုဖို့ အစကထဲက ပြင်ဆင်ထားရမယ်။ ဆွေးတဲ့ လုပ်ဆောင်မယ့် အကြောင်းအရာနဲ့ မပတ်သက်တာတွေ ဘာမှမပြောဆိုမိဖို့ အရေးကြီးပါတယ်။
နောက်ကိုယ့်ရဲ့တင်ပြမှုဟာလည်း ရှေးရိုးစွဲအတိုင်းမဟုတ်ဘဲ အသစ် အဆန်းဖြစ်နေရမယ်။ အမှန်ဆိုတာကိုလည်း ပြနိုင်ရမယ်။ လူတိုင်းခံစားမှုဖြစ်နိုင်အောင်လည်း ကြိုးစားပြရမယ်။ ကိုယ်ပိုင်အသုံး အနှုန်းတွေကို ဦးစားပေးပြီး အခြားသူများကို လိုအပ်တဲ့အခါမှသာ စံအဖြစ်သတ်မှတ်ပြီး ပြောပြရမယ်။ ကိုယ်ပြောတဲ့အကြောင်းအရာ ကိုလည်း ပုံဆွဲသလို မြင်နေအောင် ဟန်ပန်အမူအရာတွေ စိတ်အားတက်ကြွစွာ ပြောပြနိုင်ရမယ်။ နောက်တစ်ခုက ဒီလိုအဖွဲ့အစည်း တစ်ခုဆိုတော့ ကိုယ်တစ်ယောက်တည်းတော့ ဘယ်လိုမှလုပ်ဆောင်လို့ ရမှာမဟုတ်ဘူး။ ဒီတော့ လူတိုင်းကို သူနဲ့တန်တဲ့နေရာတွေ ကို ပေးနိုင်ရမယ်။ ဒီနေရာကို ဘယ်သူနဲ့တန်တယ်ဆိုတာ လေ့လာထားရမယ်။ ဘယ်လိုလုပ်စေခိုင်းရမလဲ။ ဘာကြောင့်လဲ။ ဘယ်အချိန် ကစပြီး လုပ်စေခိုင်းနိုင်ရမလဲ။ ဘယ်နေရာမှာ သင့်တော်သလဲ။ ဘာတွေလုပ်စေရမလဲ။ ဘယ်လိုအမျိုးအစားတွေ ရွေးပြီး ပေးသင့် သလဲဆိုတာတွေကိုလည်း သိထားသင့်ဖို့လိုတယ်။ အိုကေ ဒီလိုဆိုရင် အစီအစဉ်တစ်ခုလောက် အကျဉ်းသဘောလောက် ဆွဲကြည့် ရကြအောင်။
ဆက်လက်ဖော်ပြပါမည်............
No comments:
Post a Comment