မန္တလေးမြို့မှာ မူးယစ်ဆေးဝါး ရောင်းဝယ်ဖောက်ကားမှု အထူးကျယ်ပြန့်နေပါတယ်။ မူးယစ်အထူးရဲတွေရဲ့ လာဘ်စားမှုဟာလည်း ပေါ်ပေါ်တင်တင်ကို ဖြစ်နေပါတယ်။ ရေရှည်မှာ မြို့နေလူထုအတွက် စိုးရိမ်စရာ အခြေ အနေ ဖြစ်နေပါတယ်။ မူးယစ်ဆေးဝါး ရောင်းချတဲ့ နေရာတွေကတော့ …
၁။ စက်ရိပ်ရွာ ( ၁၉ လမ်း အနောက်တည့်တည့် ဧရာဝတီမြစ်တွင်းက ကျွန်းပေါ်မှာရှိပါတယ်)
၂။ အောင်ပင်လယ် ကွက်သစ်အတွင်း
၃။ သင်ပန်းကုန်း မြို့သစ်အတွင်း
၎။ ၁၉ လမ်းနဲ့ ကမ်းနားလမ်းထောင့်ရှိ လှေများပေါ်မှာ (လှေပေါ်မှာ အသုံးပြုနိုင်ပါတယ်)
အဓိကရောင်းတဲ့နေရာကတော့ ၁၉ လမ်းနဲ့ ကမ်းနားလမ်းထောင့် ဖြစ်ပါတယ်။ တစ်နေ့တစ်နေ့ လာရောက် ဝယ်ယူသုံးစွဲသူ အများစုဟာ လူငယ်များ ဖြစ်ပါတယ်။ မူးယစ်အထူးရဲတွေဟာ ၂ ဘက်စလုံးကို ငွေတောင်းပါ တယ် (သုံးစွဲသူနဲ့ ရောင်းချသူ)။ သုံးစွဲသူလူငယ်တွေ ပြန်လာတတ်တဲ့ နေရာကနေ စောင့်ဖမ်းပါတယ်။ ပစ္စည်း ပါရင် ၁,၀၀၀,၀၀၀ ကျပ် ၊ ပစ္စည်းမပါဘဲ သုံးစွဲလာရင် ၅၀၀,၀၀၀ ကျပ် တောင်းပါတယ်။ မပေးနိုင်ရင်တော့ ဖမ်းဆီးထောင်ချပါတယ်။ ပေးနိုင်မယ်ထင်တဲ့လူကို ရွေးဖမ်းပါတယ်။ မြို့ခံမိခင် တစ်ယောက်မှ ….. “ကျွန်မ သား အဖမ်းခံရတာ ၂ ခါရှိပါပြီ။ ပထမတစ်ခါ ၁၀ သိန်းပေး ရွေးရပါတယ်။ ဒုတိယတစ်ခါကျတော့ ၅ သိန်း တောင်းပါတယ် မရွေးရင် ထောင်ချမယ်ဆိုလို့ရှိတဲ့ လက်ဝတ်လက်စားပါ ချွတ်ပြီး ရဲတွေဆီမှာ သွားရွေးရ ပါတယ်။ ရောင်းတဲ့လူကို မဖမ်းဘဲနဲ့ ရဲတွေလုပ်စားနေတာ စိတ်ပျက်စရာကြီးပါ” လို့ ပြောပါတယ်။ မူးယစ်အ ထူးရဲရုံးဟာ ၆၆ လမ်း ၁၉ လမ်းထောင့် ကျုံးအရှေ့ဘက်မှာ ရှိပါတယ်။ ပြည်သူတွေပေးတဲ့ လစာနဲ့ ပြည်သူကို စောင့်ရှောက်ပုံကတော့ ချီးမွမ်းလောက်ပါတယ်။ တိုင်းပြည်ရဲ့ မျိုးဆက်သစ်များအတွက်ရော မိဘတွေအ တွက်ပါ ရင်လေးစရာ အခြေအနေမို့ သတင်းရေးပို့ရခြင်း ဖြစ်ပါတယ်။
ပေးပို့သူ (ဖြစ်ရပ်မှန်) - မန္တလေးသားတစ်ယောက်
ဒေါက်တာလွဏ်းဆွေဘလော့မှ ကူးယူဖော်ပြပါသည်။
No comments:
Post a Comment