အဲဒီနေရာဟာ
အမှတ်သင်္ကေတမရှိတဲ့ မြို့ပြရဲ့လမ်းကြား
မှိုလိုပေါက်ရောက်နေတဲ့ ဝေဒနာသည်များ
ရှို့မြိုက်ခဲ့တဲ့ အစအနများ၊အကွဲကွဲ….အပြားပြား။
သတင်းစကားတစ်ခု ကြားဖူးတယ်
မင်း ဒီနေ့ ဘယ်လိုရှင်သန်ရမလဲဆိုတာ သိဖို့လိုတယ်။
ရံဖန်ရံခါ ပေါ့ပ်အင်တာဗျူးနဲ့ အသက်ဆက်လို့
တစ်ခါတစ်ရံ မိတ်ဆုံစားပွဲသတင်းလေးနဲ့ ရှင်သန်လို့
ဒီလို စကားလုံးထူထူပါးပါးလေးတွေ တန်ဆာဆင်လို့
ဂျနီဖာနဲ့လည်း တရင်းတနှီး၊ မိုက်ကယ်ဂျက်ဆင်နဲ့လည်း ပူးပူးကပ်ကပ်
ကိုရီးယား အနုပညာပေါင်းစုံနဲ့ အော်စကာဆု ပွဲတော်တွေလည်း တက်တတ်လာခဲ့တယ်
ပရီးမီးယားလိပ်ဖလားကို ပွေ့ပိုက်ရင်း ဖာဂူဆန်ကိုလည်း အကျွမ်းဝင်လာခဲ့တယ်။
အဲဒီ ငါကျင်လည်ရာဝန်းကျင်မှာ
အနံ့ပါးပါးဆွတ်ဖြန်းရင်း အုပ်စုဖွဲ့ ပျံသန်းလာတဲ့ ငှက်တွေ
ဇာတ်ကားတစ်ကားရဲ့ အကောင်းမမြင်ပြကွက်တွေ
မော်ဒယ်ဘွိုင်းဘာယောင်ယောင်နဲ့ လမ်းပျောက်တာတွေ
စင်တင်တေးဂီးတနဲ့ ရှိုးပွဲတွေတင်ဆက်ရင်း ဘ၀ပျောက်တာတွေ
ကယ်ရီကေးချားရေးဆွဲရင်း ကိုယ်တိုင်ရုပ်ပျောက်တာတွေ
ခပ်တည်တည် ပြကွက်အမှားတွေနဲ့ ရွေးခြယ်စရာတွေကို ငြင်းပယ်ရင်း သက်ပြင်းချတာတွေ
ထွေရာလေးပါး ဝေ့၀ဲကြည့်ရင်း အိတ်ကပ်တွေလိုက်ဖတ်နေတာတွေ
မျက်နှာရှစ်ခေါက်ချိုးပြီး ဟမ်းဖုံးတစ်လုံးနဲ့ အလုပ်ရှုပ်နေတာတွေ
မျက်နှာဖုံးစွပ်ပြီး လောကကြီးကို ငေးကြည့်နေတာတွေ
ဘယ်လိုဖြစ်မယ်ဆိုတာ ကြိုတင်ခန့်မှန်းလို့ရတဲ့ ဖန်တရာတေ ဇာတ်လမ်းတွေ
မြီးကောင်ပေါက်လေးတွေကို မျှားခေါ်ရင်း အသက်ဆက်နေတာတွေ
တစ်ခန်းဝင်တစ်ခန်းထွက်ရင်း မှော်အတတ်နဲ့ လမ်းသလားနေတာတွေ
သစ်ပင်လို ယိမ်းထိုးရင်း ကကွက်အမှားတွေ
ဖြတ်ညှပ်ကပ် အတတ်နဲ့ ရွှေတွဲလွဲ ငွေတွဲလွဲတွေ
စိတ်ကူးရတိုင်း နှစ်ယောက်တစ်အိပ်မက်မက်တာတွေ
ကိုယ်ပိုင်သံစဉ် တစ်ပုဒ်ကို အိတ်ထောင့်ထဲထည့်ရင်း ပုန်းခိုနေတဲ့ ပျောက်ကြားတပ်တွေ
အွန်လိုင်းယဉ်ကျေးမှုနဲ့ ဖက်ဖူးရောင်ကို ပိုင်ဆိုင်တာတွေ
မှော်အတတ်နဲ့ ပြိတ္တာတစ်ကောင်ရဲ့ ဇာတ်လမ်းကို ဖန်တီးတာတွေ
အဲဒီနေရာဟာ
မာယာကော့စကီးရဲ့ မျိုးဆက်ဖြစ်သလို
ပလေတိုရဲ့ ယုံကြည်ချက်ကို ငြင်းပယ်တာတွေ
တော့စတွိုင်းရဲ့ ခြေရာအတိုင်းနင်းခဲ့တာတွေနဲ့
ဂါဇာဒေသရဲ့ စစ်ရိပ်ကို မုန်းတီးမှုတွေလည်း ရှိခဲ့တယ်။
အဲဒီနေရာဟာ
စားကျက်ပြောင်းပြီး ကွင်းဆင်းနေခဲ့တာတွေနဲ့
ပြန်လှည့်မလာတော့တဲ့ ဇီးကွက်တွေရဲ့ နေရာလည်းဖြစ်ခဲ့တယ်။
အဲဒ်ီနေရာဟာ
အနုပညာ ဗိုင်းရပ်တွေ
တစ်နေ့တခြား ဆဲလ်တွေလို ပွားနေခဲ့တယ်။
မောင်မင်းစိုး
No comments:
Post a Comment