ဟောင်းနွမ်းဆွေးမြေ့လွန်းတဲ့
အဆောက်အဦးဟောင်းကြီးထဲ
မွေးသက္ကရာဇ်အသစ်တွေရေးဖို့ ရောက်လာတဲ့သူတွေ
ရေးပြီးထွက်ခွါတဲ့ သူတွေထဲမှာ
မနေ့က စပါကလင်သောက်ပြီး မူးချင်ဟန်ဆောင်တဲ့ သူလည်းပါ
အမှန်တရားကို အမြင့်ဆုံးမှာ ချိန်ထားတယ်
လူတွေမဖတ်မိကြဘူး
တစ်ခုခု သင်ကြားရမယ်
တန်းဖိုးနဲ့လား
နေ့ရက်တွေနဲ့လား
စကားလုံးတွေပြောပြီးသုံးကြမယ်လေ
အကြောင်းရင်းတွေပေါ့
ဒီဘက်ဆိုင်က မုန့်ဟင်းခါးအရသာလည်း သိခဲ့ပြီ
ဟိုဘက်ဆိုင်က မုန့်ဟင်းခါးအရသာလည်း သိခဲ့ပြီ
လောကီထုပ္ပတ် လူတို့ဇာတ်ကို ငါဖွဲ့နိုင်ပြီပေါ့
ဒီလိုဆိုတော့
ငါ့ကိုဘယ်ထောင့်တွန်းပို့ချင်သလဲ
လူ့ဘ၀ဆိုတဲ့ ဒီ “ ဆု“ က ၀န်ထုပ်ဝန်ပိုးတွေ သယ်လာတယ်
မနေ့ကလောကဓံ
မနက်ဖြန်လောကဓံ
အခုလောကဓံ
အခုဖြစ်ရတာတွေက လိုအပ်တဲ့အဆုံးသတ်တွေပါ
ငါ့မှာ သွားစရာမရှိဘူး။
ဒါကြောင့် ငါ ဒီမှာနေတာ။ ။
ဝင်းမောင်
No comments:
Post a Comment