တောရနံ့ကိုရှုရှိုက်ရင်း လွမ်းမောခဲ့ရသောခရီး အလောင်းတော်ကဿပသို့ဘုရားဖူးတစ်ခေါက်

ဆောင်းနှင်းဖွေးဖွေး၊အညာရနံ့မွှေးမွှေး။ ရာသီဥတုသည် တပေါင်းလဟုဆိုသော်လည်း အညာဆောင်းသည် ခပ်သင်းသင်းနှင့် အေးမြနေခဲ့သည်။ မုံရွာမြို့၏ တစ်ဘက်ကမ်းရှိ ညောင်ပင်ကြီးကားကွင်းသည် ချင်းတွင်းမြစ်ခြား လျှက် ဆားလင်းကြီး၊ ဂန့်ဂေါ၊ ကလေး၊ ပုလဲ၊ ယင်းမာပင်မြို့နှင့်ချိပ်စပ် ဆက်သွယ်ထားသော ကားဝင်းနေရာ ဖြစ်လေသည်။
ထိုကားကွင်းဘေး၌ အညာသူများ၏ သန့်ရှင်းလှပစွာ လိမ်းခြယ်ထားသော ပါးကွက်များနှင့် မိမိတို့အိမ် ထွက်၊ ရွာထွက်၊ ဒေသထွက်စိုက်ခင်းများမှ ပန်းမျိုးစုံ၊ သစ်သီးမျိုးစုံ၊ အဥအမြစ်မျိုးစုံ ချခင်းရောင်းချလျှက် ပွဲဈေးတန်း လေးဖြစ်နေလေသည်။ ဈေးချိုသလို ဟင်းသီးဟင်းရွက်၊ သစ်သီးဝလံ၊ ပန်းမာန်များလည်း စုံစုံလင်လင်ရှိသည်။ အညာ ဈေးတန်း သည် အညှီနံ့သိပ်မရှိ။ သန့်ရှင်းလတ်ဆတ်သော စိုက်ပျိုးရေးမှထွက်သော ပစ္စည်းမျိုးစုံကိုသာ အဓိကထား ရောင်းချသည်ကို တွေ့ခဲ့ရသည်။
ညောင်ပင်ကြီးမှတဆင့် အလောင်းတော်ကဿပသို့ တိုက်ရိုက်ထွက်ခွါမည့် ကားတော့ရှားသည်။ မိမိတို့သည် ရရာကားပေါ်သို့တက်လျှက် နေရာယူထားလိုက်သည်။ ထိုကားများသည်လည်း တပေါင်းလ ပွဲတော်ရက်လောက်ကို သာ ညောင်ပင်ကြီးမှတဆင့် တိုက်ရိုက်ပြေးဆွဲလျှက်ရှိသည်ဟု ဒေသခံများပြောစကားအရ သိခဲ့ရသည်။ ပွဲတော်အ တွင်း ဈေးရောင်းမည့်သူများအနေဖြင့် အချို့ဆိုလျှင်တစ်လနီးပါးလောက်ကထဲက သွားရောက်ပြီး ဆိုင်ခင်းထားလျှက် ဈေးရောင်းကြသည်ဟု သိရသည်။ သို့မဟုတ်လျှင်လည်း ဖိုလ်ဝင်တောင်မှ တဆင့်လည်း အလောင်းတော်ကဿပသို့ ပြေးဆွဲသော ကားကိုသွားစီးလျှင်လည်း ရနိုင်ကြောင်းအဆိုပါ ဒေသခံများ၏ပြောပြချက်အရ သိခဲ့ရသည်။
နံနက်(၉)နာရီလောက် မိမိတို့စီးမည့် ကားစထွက်ခဲ့သည်။ ကားဆရာနှင့် စပယ်ယာများသည် ကွမ်းတစ်ပျစ် ပျစ်နှင့် အသားညိုညို အရပ်ခပ်ပုပုများသာဖြစ်သည်။ သို့သော် ထူးခြားသည်ကား မြို့ပြမှဒရိုင်ဘာ၊ စပယ်ယာများလို ခရီးသည်ကို ဟစ်ခြင်း၊ အော်ခြင်း၊ ဟောက်ခြင်း၊ ဆူခြင်း၊ ကျိမ်းမောင်းခြင်းမျိုးကား မတွေ့ရပေ။ ပြေပြေလည်လည် ဆက်ဆံကြသည်။ ကူညီကြသည်။ ဖော်ရွေမှုရှိကြသည်။ အပြင်ဗဟိဒ္ဓမှာ မည်းနေသော်လည်း အတွင်းအဇ္ဈတ္တအနေ ဖြင့် ဖြူစင်ဝင်းပနေသော နှလုံးသားပိုင်ရှင်များ ဖြစ်ကြသည်။ ရိုးသားကြသည်။ ဖြောင့်မတ်ကြသည်။ ဤသည်ကား အညာသူ၊ အညာသားများ၏ မွေးရာပါ လက္ခဏာတစ်ရပ်လို့ ဆိုရပေမည်။
ညောင်ပင်ကြီးမှ စထွက်၍ မကြာခင်ပင် ထန်းပင်များ၊ လယ်ယာများ၊ တောတောင်များ၊ ကျွဲနွားများကိုတွေ့ရ လေသည်။ ဆောင်းအကုန် နွေအကူးဆိုသော်လည်း အရှိန်ပြင်းပြင်း နှင့်မောင်းနှင်နေသော ကားထဲသို့ လေများတဟူးဟူး တိုက်ခိုက်ဝင် ရောက်နေသော ကြောင့်ထင်သည် တော်တော်လေးအေးနေခဲ့သည်။ လမ်းဘေးပတ်လည်ဝဲယာ မြင်ကွင်းများ မှာလည်း စိမ်းစို၍သာသာယာယာရှိနေခဲ့သည်။ မကြာခင်မြင်လိုက်ရသော တောင်အနီနှစ် လုံးကို လမ်းတစ်ဘက်တစ်လုံးအနေဖြင့် မြင်လိုက်ရသည်။ စပယ်ယာ၏ ပြောပြချက်အရ ကြေးနီးတောင်များဖြစ်ကြောင်း သိခဲ့ရသည်။ ထိုတောင်ခြေမှာ ကြေးချက်စက်ရုံများကို မှုန်ပြပြဆိုသလို ကားပေါ်မှလှမ်းမြင်နေလိုက်ရသည်။ မိမိသည်ကား မျက် စေ့တစ်ဆုံးဆိုသလို ထိုတောင်နီနီများကိုသာ အသာငန်းငန်းကြည့်ရင်း တရိပ်ရိပ်ကျန်ခဲ့သော တောင်သို့ဝေခွဲ၍မရ သော အလွမ်းနုနုဖြင့် ဘယ်ဝယ်မသိလွမ်းနေခဲ့လေသည်။
တမာပင်များသည်လည်း လမ်းတစ်လျှောက်ဆိုသလို အစီရရီပေါက်နေခဲ့သည်။ ရွက်နုများဝေပြီး၍ ဖူးပွင့်ဝေဆာနေသော တမာရနံ့များလည်း သင်းသင်းကြူကြူ မွှေးမြနေ ခဲ့ပြန်လေသည်။ ရိပ်သိမ်းပြီးစဖြစ်သော လယ်ကွင်းများ၊ နွားကျောင်းသားကလေးငယ်များ၊ ဘဝကိုရုန်ကန်ရင်း ချီတက်နေခဲ့ကြလေသည်။ မိနစ်လေးဆယ်လောက် အကြာမှာတော့ သမိုင်းဝင်အင်ကြင်းတောင်သို့ဆိုသော ဆိုင်းပုဒ်နှင့် ဖိုလ်ဝင်တောင်သို့ဆိုသော ဆိုင်းပုဒ်များ ကိုဆက်တိုက်ဆို သလိုတွေ့ လိုက်ရပေသည်။ တောတောင်များဖြစ်သည့်အလျှောက် စမ်းရေများ၊ သစ်ပင်မျိုးစုံများ၊ နွယ်ပင်များနှင့် ပြည့်နှက်၍ နေလေသည်။ မိမိတို့လိုက်ပါလာသော ကားကြီးသည် ဖိုလ်ဝင်တောင်သို့မဝင်တော့ဘဲ ရှေ့သိုသာတဟုန်ထိုး မောင်းနှင်းလျှက် ဆက်လက်ထွက်ခွါနေတော့သည်။ တရိပ်ရိပ်နှင့် သစ်ပင်များကျန်ရစ်ခဲ့သလို ဖိုလ်ဝင်တောင်သည် လည်း ကွယ်ပျောက်ခဲ့လေသည်။ ထိုတောင်တွင်းရှိသစ်ပင်များကို အမည်များချိပ်ဆွဲခြင်း၊ '' ဥတုရာသီ တောကိုမှီ၏၊ ရွှေပင်ငွေပင် တောမှာမြင်၏၊ ကျေးငှက်သား ရဲ တောမှာမြဲ၏၊ သစ်ပင်မခုတ်ရ'' စသော ဆိုင်းပုဒ်များချိပ်ဆွဲထားသည်ကို တော်တော်များများ တွေ့မြင်ရလေသည်။
ဆက်တိုက်ဆိုသလို အဆိုပါတောင်ဆုံးတာနဲ့ မကြာခင်မှာပင် ယင်းမာပင်မြို့ ကိုအဝေးမှ မှုန်ဝါးဝါးလှမ်းမြင် လိုက်ရသည်။ ယင်းမာပင်မြို့ကို ဝင်ရောက်သည်နှင့် လယ်ကွင်း စိမ်းစိမ်းကို ပြန်မြင်နေခဲ့ရလေသည်။ စပါးပင်များ ယိမ်းနွဲ့ကခိုလျှက် မျက်စေ့တစ်ဆုံး မြင်နေခဲ့ရလေသည်။ ထိုမြင်ကွင်းသည် အလွန်ပင် သာယာလှပ၍နေခဲ့ပြန်လေသည်။ ထိုမြို့၏ ထူးခြားချက်မှာ ရေလျှံတွင်းများ ဟိုဟိုဒီဒီဆိုသလို တွေ့နေခဲ့ရလေသည်။ ဒေသခံများ ပြောဆိုမှုအရဆိုလျှင် ၉၉-ကန်မတူးခင်ကဆိုလျှင် မြို့အဝင်က ရေလျှံတွင်းများသည် ထောင်ပမ်းနေခဲ့သည်ဟုဆိုကြသည်။ အခုလည်း ထောင်မပမ်းသော်လည်း ရေများဒလ ဟောထွက်နေခဲ့လေသည်။ ယင်းမာပင်မြို့သည် နယ်မြို့လေးပင်ဖြစ်သော်လည်း တော် တော်ကြည်နူးစရာကောင်းသည်။ အညာထုံးစံအတိုင်း တမာပင်များ ကုက္ကိုပင်များ အစီရရီရှိသလို ငှက်ပျောပင်၊ အုန်းပင်များသည် တစ်မြို့လုံးဆိုသလို စိုစိုပြေပြေနှင့် မြင်တွေ့နေခဲ့ရသည်။
မြို့လည်ခေါင် ဈေးတန်းကိုကျော်တာနဲ့တပြိုင်နက် ''အလောင်းတော်ကဿပ အမျိုးသားဥယျာဉ်သို့''ဆိုသော ဆိုင်းပုဒ်ကြီးကို သစ်သားတစ်ခုပေါ်မှာ ထွင်းထုထားသည်ကို မြင်လိုက်ရတာနဲ့ မိမိလည်းစိတ်ဓာတ်တွေ တက်ကြွနေခဲ့လေသည်။ တော်တော်လေးလည်း ပျော်မြူးနေခဲ့ပြန်သည်။ ကားပေါ်ရှိလူများသည်လည်း ကိုယ်စီအတွေးများဖြင့် ငြိမ်ချက်သား ကောင်းနေခဲ့လေသည်။ ကားကြီးသည်ကား မမောမပန်းဆက်လက် မောင်းနှင်နေခဲ့တော့ လေသည်။ယင်းမာပင်မြို့မှ ထွက်လိုက်တာနဲ့ ဖုံအလိပ်လိပ် လှိမ့်တက်လာတော့သည်။ မြေနီလမ်းပင်ဖြစ်သော်လည်း နွေရောက် စပြုတာကတစ်ကြောင်း၊ ယာဉ်များအသွားအလာများ လာတာကတစ်ကြောင်း ယခုကဲ့သုို့ ဖုံများထူးပေါနေ ခြင်းသည် အဆန်းမဟုတ်တော့ပေ။ အချို့က ဒီလိုမြင်ကွင်းဒီလိုအရသာကို ပျော်ပျော်မြူးမြူး ရှူရှိုက်နေခဲ့ကြသရောင်။ ဤသည် ကားလည်း အညာ၏ မရိုးနိုင်သော ယဉ်ကျေးမှုတစ်ခုပင် ဖြစ်နေခဲ့သည်။

လည်ငေါက်သို့ရောက်တာနဲ့ အညာသူအညာသားများ စက်ဘီးစီးရင်း ဘေးဝဲယာ၌ ဖြတ်မောင်းသွားလာနေကြ သည်ကို အရသာတစ်မျိုးအဖြစ် မရိုးနိုင်ခဲ့ပြန်ပေ။ ထိုမှတစ်ဆင့် ယမားချောင်းခြောက်ကို ဖြတ်ကျော်လျှက် ဆက်လက် မောင်းနှင်ထွက်ခွါခဲ့သည်။ ဤနေရာ၌ ထန်းပင်များ၊ ကုက္ကိုပင်များကိုသာ အတွေ့များနေခဲ့သည်။ ရှေ့ကိုက်နှစ်ရာကျော် အကွာအဝေး ၌ သိုးများ၊ ဆိတ်များ လမ်းပေါ်ပြည့်လျက် သွားလာနေခဲ့ကြသည်။ တုတ်ရှည်ရှည်ကြီးနှင့် နှီးခမောက်ဆောင်းကာ လွယ်အိတ်ကိုယ်စီလွယ်ထားသော ဆယ်ငါးနှစ်အရွယ် ကောင်လေး နှင့် နှစ်ဆယ်ဝန်းကျင်ခန့်ရှိ မိန်းမပျိုလေးကို လှမ်းမြင်နေရသည်။ ကားကြီးသည်လည်း တဖြည်းဖြည်း အရှိန်ထိန်းလိုက်ရင်း ဘရိတ်နင်းကာ ခဏရပ်ထား လိုက်ရသည်။ အဆိုပါ ဆိတ်သိုးကျောင်းတို့လည်း မိမိတို့၏ ဆိတ်သိုးများကို လမ်းပေါ်မှ အမြန်ဆိုသလိုမောင်းနှင်ပြီး လယ်ကွက်ထဲသို့ ထွက်ခွါသွားခဲ့ကြသည်။ မိမိသည်ကား ဤမြင်ကွင်းမျိုးကိုပင် အာသာငမ်း ငမ်း လိုက်ကြည့်နေမိတော့သည်။ အညာ၏ ရိုးရာမြင်ကွင်းဖြစ်သော်လည်း မိမိအနေဖြင့် ထူးခြားနေခဲ့လေသည်။
ရင်ပေါင်တိုင်ရွာကိုရောက်တော့ ကားခဏနားသည်။ ရွာဟုဆိုသော်ငြား တော်တော် စည်ကားသည်။ ရွာလည်း တော်တော်ကြီးဟန်တူသည်။ ရွာလည်ခေါင်ရှိ မန်ကျည်းပင်ရိပ်၌ ခဏနားစဉ် လမ်းဘေးရှိကွမ်းယာဆိုင်မှ ကွမ်းယာ ဝင်ဝယ်ရင်း အောက်သို့ကြွေကျနေသော မန်ကျည်းသီးမှည့်ခြောက်များကို လိုက်ကောက်နေမိခဲ့သည်။ ထိုအခိုက် စပယ်ယာ၏ လှမ်းခေါ်သံကို ကြားလိုက်ရ၍ မနည်းသုတ်ခြေတင် ပြေးလာခဲ့သည်။ မိမိကားပေါ် ရောက်သည်နှင့် ကားကြီး သည်လည်း မမောမပမ်းဆက်လက်ထွက်ခွါနေတော့သည်။
ရင်ပေါင်တိုင်ရွာအထွက်၌ ရိပ်သိမ်းပြီးဖြစ်သော လယ်ကွင်းများ၊ နေပူပူရိုးပြတ် တောများ၊ မှုန်ပြပြရွာများကို လှမ်းမြင်နေရသည်။ နေအပူရှိန်သည်လည်း မြင့်သည် ထက်မြင့်လာသည်။ အသင့်ပါလာသော ရေသန့်ဘူးကို ထုတ်သောက်ရင်း အပူဒဏ်ကို တွန်းလှန်နေခဲ့ရတော့သည်။ လေပူများတိုက်ခိုက်လာသည်။ အအေးဓာတ်များ ပြန်ပျောက် နေခဲ့သည်ကို သတိပြုမိသည်။ ရွာများလည်း တစ်ရွာပြီးတစ်ရွာဆိုသလို ကျော်ဖြတ်မောင်းနှင့် နေခဲ့တော့သည်။ ကပိုင်ရွာ သို့ ရောက်တော့ ကားခဏနားသည်။ ခရီးသည်များလည်း မိမိတို့အသင့်ပါလာသော စားသောက်ဖွယ်ရာများကို လမ်းဘေးစားသောက်ဆိုင်၊ ကဖေးဆိုင်များသို့ ဝင်ရောက်စားနေခဲ့ကြသည်။ မိမိသည်လည်း စားသောက်ဆိုင်တစ်ဆိုင် ဝင်ပြီး ထမင်းစားလိုက်သည်။ နံရံ၌ချိတ်ထားသော နာရီကို ကြည့်လိုက်တော့ ၁၂-နာရီတိတိ ရှိနေသည်ကို သတိပြုမိခဲ့သည်။ ကပိုင်ရွာသည်လည်း ရွာဟုဆိုသော်ငြား မြို့ငယ်လေး တစ်မြို့လို စည်ကားမှုရှိနေခဲ့သည်။ အညာသူညိုချောများ ပါးကွက်ထူထူလိမ်းခြယ်ရင်း လမ်းပေါ်၌ သွားလာနေခဲ့သည်။ သူတို့အားလုံး၏ ရင်ထဲ၌ အပူအပင်ကင်းမဲ့နေသလို ရှိကြသည်။ အားလုံးလိုလို အပြုံးချိုချိုနှင့် ပျော်ရွှင်ကြည်နူးစွာ တစ်ယောက်ကိုတစ်ယောက် ကျီစယ် စ,နောက်လျက် သွားလာနေခဲ့ကြသည်။
ကပိုင်မှ ထွက်လိုက်သည်နှင့် တောထူထူကိုသာ တွေ့ရတော့သည်။ ဘယ်ဆီ ကြည့်ကြည့် သစ်ပင်တောတောင်များ အုံ့ဆိုင်းညို့မှိုင်းနေတော့သည်။ ခပ်ဝေးဝေး မြင်ကွင်းကြောင့်ထင်သည်။ တောင်များသည် မြူနှင်းများအုံ့ဆိုင်းနေလျက် အလွန်ပင် သာယာ လှပနေခဲ့သည်။ ခဏအကြာမှာတော့ ပွင့်ကြီးစခန်းကို ရောက်သည်။ အလောင်းတော်၏ နယ်နိမိတ် အစဟုထင်သည်။ လူများကျဲပါးသွားသည်။ ထင်းခုတ်သူတစ်ယောက်စ နှစ်ယောက်စလောက်သာ တွေ့ရတော့သည်။ နေ့လယ်ခေါင်ဖြစ်သော်ငြား တောရိပ်တောင်ရိပ် သစ်ရိပ်ဝါးရိပ်ကြောင့်ထင်သည်။ အအေးဓာတ်ပြန်ရလာသည်။ အနည်းငယ်ချမ်း စိမ့်စိမ့်ဖြစ်လာသည်။ ကားသည်လည်း မြေညီလမ်းကဲ့သို့ အမြန်မမောင်းနှင့်တော့ဘဲ ခပ်ဖြည်း ဖြည်းခပ်မှန်မှန်လေးလောက်သာ မောင်းနှင်နေခဲ့တော့သည်။ သစ်ပင်ကြီးများပေါ်သို့ သဘာဝကျကျ တွယ်ကပ်လျက် ပေါက်ရောက်နေသော သစ်ခွပင်မျိုးစုံကို တွေ့ရသည်။ ရှားပါးသော သစ်ခွပန်းများကိုလည်း ဟိုဟိုဒီဒီဆိုသလို ကားပေါ်မှ လှမ်းမြင်နေရသည်။
တောင်အတင်ကားကြီးသည် မောင်းနှင်သူ၏ကျွမ်းကျင်မှုကို မင်းမူနေခဲ့လေသည်။ အဘယ်ကြောင့်ဆိုသော် အချိုးအကွေ့များ တော်တော်များသော ကြောင့်ဖြစ်သည်။ တောင်တက်ဘုရားဖူးအဖွဲ့များသည်လည်း တစ်ဖွဲ့ပြီးတစ် ဖွဲ့ဆိုသလို ခြေလျင်တက် နေကြသည်ကို တွေ့နေခဲ့ရပြန်လေသည်။ သူတို့သည် အဝတ်အစားထုပ်များ၊ ဓားများ၊ ဒန် အိုးများနှင့် ချက်ပြုတ်ကြော်လှော်ပြီးဖြစ်သော ဟင်းများကို စက်တီးချိုင့်များဖြင့်ထည့်လျက် ထမ်းပိုးသူထမ်းပိုး၊ရွက်သူ ရွက်လာကြသည်။ များသောအားဖြင့် လူကြီးများကိုမတွေ့ရပေ လူငယ်လူရွယ်များကိုသာ တွေ့ရပေသည်။ ကားများ ကိုမြင်လျင် လက်ပြနုတ်ဆက်ကြရင်း အမောဖြေကြဟန်တူသည်။ အချို့ကတော့ တောင်ဝှေးအဖြစ် ဝါးပင်မှ ဝါးသေး သေးလေး များကိုခုတ်ကာ လက်ကိုင်ပြုလာကြသည်။ သူတို့ကိုကြည့်ရတာပင် ဘာနှင့်မျှမလဲနိုင်သော အရသာတစ်ခုဟု ကျွန်တော်မြင်သည်။ တစ်ယောက်နှင့်တစ်ယောက် စနောက်ကျီစယ်ရင်း သူတို့ရဲ့အပန်းဖြေနည်းဟုထင်သည်။

ဂုံညှင်းပင်စခန်းရောက်တော့ လူနေအိမ်များ၊ တဲများအနည်းငယ်ကို စတွေ့ရသည်။ စခန်းကိုရောက်တော့ ကားခဏရပ်လိုက်သည်။ စပယ်ယာသည် ထိုစခန်းသို့ ဆင်းပြေးသွား သာ ရပ်နားခြင်းဖြစ်သည်။ တောကြီးသည်လည်း နက်သထက်နက်လာသည်။ တောင်သည် လည်း တဖြည်းဖြည်းဆိုသလို မြင့်တက်လာနေခဲ့သည်။ မဟူရာနတ်ကွင်းကို ရောက်တော့ ကားတိုင်းလိုလို ရပ်ကြရသည်။ မိမိတို့ကားမှ ဒရိုင်ဘာရောစပယ်ပါ အောက်သို့ဆင်း သွားကြသည်။ သူ တို့လက်ထဲ၌လည်း အသင့်ပါလာသော ဖယောင်းတိုင်၊အမွှေးတိုင်များကို ကိုင်သွားကြသည်။ နတ်ကိုပူဇော်ပသခြင်း ဖြစ်သည်။ ထိုနေရာမှတဆင့် ပုံတောင်ပုံညာကို လှမ်းမြင်နေရသည်။ ဘယ်ဆီကြည့်ကြည့် မြေပြန့်ဟူ၍ မတွေ့ရပေ။ ထိုမှတဆင့် ဆက်လက်တက်လာတော့ မယ်ဖြူပြာပုံဆယ့်နှစ်ကွေ့ရောက်တော့ ကားကြီးသည် ဘယ်ညာ ရိမ်းနွဲ့လျက် တစ်ကွေ့ပြီးတစ်ကွေ့ မြွေတစ်ကောင်လို ကြောင်လိမ်လှေကားသဖွယ် ဆက်လက်တက်နေတော့သည်။
မကြာမီပင် ဘုရားဝကိုရောက်သည်။ ဘုရားဝဟုကြားလိုက်ရသည်နှင့် တော်တော် ပျော်မြူးသွားလေသည်။ သို့သော် ဘုရားကိုကားမရောက်သေးပေ။ ဆက်လက်မောင်း နှင်နေသော ကားကြီးသည်လည်း မိမိတာဝန်ထမ်းဆောင် ၍ပြီးတော့မည်ဟူသော အတွေးများဝင်လေမလားမသိ။ ကားကွင်းကိုရောက်သည်နှင့် ဈေးဆိုင်များ၊စားသောက်ဆိုင် များကို တွေ့ခဲ့ရလေသည်။ ဆင်ဝိုင်းများထဲ၌ ဆင်တော်တော်များများကို မြင်နေရသည်။ သူတို့သည်လည်း ခရီးသည် များကို စောင့်မျှော်နေသလား မပြောတတ်။ လူတွေမြင်လျင် ရွှင်းလဲ့နေသော အကြည့်ဖြင့်စိုက်ကြည့်နေခဲ့လေသည်။ ကလေးငယ်များအနေဖြင့် ဆင်များကိုမြင်ရတော့ တော်တော်ပျော်မြူးနေခဲ့ကြသည်။ သူတို့သည် အမြင်အာရုံကို ခွါ ချင်ကြမတူပေ။ အဆိုပါကားဝင်းထဲရှိ ဈေးဆိုင်များကို သတိထားကြည့်မိခဲ့သည်။ ထိုအချက်ကား မိမိဆိုင်သို့လာရန် အလုအယက် အော်ခေါ်သံများ လုပ်ဝပြုလုပ်ခြင်း မရှိခဲ့ကြပေ။ ထိုအချက်ကို တာဝန်ရှိပုဂ္ဂိုလ်များ အနေဖြင့် တင်းတင်း ကျပ်ကျပ်ဆိုသလို မပြုလုပ်ရန် သတ်မှတ်ထားသည်ဟု သိရပေသည်။ ဤကဲ့သို့သော စည်းမျဉ်းများကို အခြားအခြား သော ဘုရားများရှိဈေးဆိုင်များ အနေဖြင့်လည်း အတုယူသင့်သည်ဟု ယူဆမိလေသည်။
ထိုမှတဆင့် ဘုရားပေါ်သို့ တက်ရာ၌ ဆင်များကိုငှါးစီးပြီး တက်ခဲ့ကြသည်။ လမ်းလျှောက်ပြီးတက်၍လည်းရသည်။ အချို့ကတော့ ခြေလျင်တက်ခဲ့ကြသည်။ မိနစ်နှစ်ဆယ်လောက်တော့ ကြာမည်ထင်သည်။ လမ်းလျှောက်တက် ရသည်ကလည်း တော်တော်ပျော်မြူးစရာ ကောင်းလှပေသည်။ ကိုယ်ကြိုက်နှစ်သက်ရာ သစ်ခွပန်းများကို ခူးဆွတ်နိုင် လေသည်။ လမ်းပြင်ရင်း သောက်ရေအိုစဉ်ဖြည့်နေသော လူများကို ဘုရားဖူးများမှ ပိုက်ဆံပေးသွားကြသည်။ ထိုနေ ရာရောက်မှပင် ခြေတက်အဖွဲ့ရော ဆင်ဖြင့်တက်သူများပါ တော်တော်လေးကို စီကားသွားလေသည်။ တစ်ဖွဲ့နှင့်တစ်ဖွဲ့ မရင်းနှီးသော်လည်း စနောက်ကြရင်း တော်တော်လေးကို ပီတိဖြစ်ခဲ့ကြရသည်။
အလောင်းတော်ကဿပအမျိုးသား ဥယျာဉ်၏ နယ်နိမိတ်အဖြစ် ၆၂ဝ.၃၅ စတုရန်းမိုင်၊ဧကပေါင်း ၃၉၇ဝ ၂၆-ရှိသည်ဟု တာဝန်ရှိလူတစ်ယောက် ပြောပြ၍သိခဲ့ရသည်။ ထိုဥယျာဉ်ထဲ၌ များသောအားဖြင့် ကျွန်း၊ ပျဉ်းကထိုး၊ ပိတောက်၊ အင်ကြင်း၊ သင်းဝင်၊ နှော၊ ဝါးမျိုးစုံများကိုသာ အဓိကတွေ့ရပြီး။ အဆိုပါ တာဝန်ရှိ၏ အပြောရဆိုလျင် သား ရဲ တိရိစ္ဆာန်များအဖြစ် ဆင် ၊ ကျား၊ ပြောင်၊ စိုင်၊ ဆတ်၊ ဂျီ၊ တောဆိတ်၊ တောင်ဆိတ်၊ ဝက်ဝံ၊ တောဝက်၊ တော ခွေး၊ တောကြောင်၊ ကြက်တူရွေး၊ အောက်ချင်း၊ ဒေါင်း၊ ဝါးရောင်း၊ ရစ်၊ တောကြက် ၊သာလိကာ-စသော သားရဲ တိရိစ္ဆာန်များကိုသာ အဓိကထား ပြီးတွေ့ရသည်ဟု ဆိုလေသည်။
အလောင်းတော်ကဿပဘုရားကို ရောက်သည်နှင့် တက်လာခဲ့သော ပင်ပမ်းမှုအား လုံး ယူပစ်သလို ပျောက်သွားတော့သည်။ လျောင်းတော်မူပုံထုဆစ်ထားသော အရှင်မဟာ ကဿပကိုယ်တော်ကြီးကို တွေ့လိုက်ရသည်။ ၄၅-ပါတိုင်တိုင် မနေမနား ခရီးလှည့်လည် လျက် ကျွတ်ထိုက်သော ဝေနေယျများကို ဖြေချွတ်တော်မူပြီး၍ နောက်ဆုံး ဝေဠုဝရွာ၌ ဝါကယ်တော်မူလျက် မလ္လာမင်းတို့၏ အင်ကြင်းတော၌ ပရိနိဗ္ဗာန်ပြုသွားသော ဘုရားရှင်ကို တမ်းတမြင်ရောင် နေခဲ့ရင်း မိမိရင်ထဲ၌ ပေါ်မပြနိုင်လောက်အောင်သော ဝေဒနာများဖြစ်လျက် တမ်းတမ်းတတ သတိတရဖြစ်နေခဲ့လေသည်။ထိုအလောင်းတော်ကဿပ ကိုယ်တော်ကြီး၏ စံကျောင်းပတ်လည်၌ ကြီးကြီးမားမားဖြစ်သော အင်ကြင်ပင်များ ဝန်းရံနေသည်ကို တွေ့ခဲ့ရလေသည်။ ဒေသခံများ အပြောရဆိုလျင် ထိုစံကျောင်းတော်အောက်တည့်တည့်၌ အရှင်မဟာကဿပကိုယ် တော်ကြီး၏ ပရိနိဗ္ဗာန်ပြုတော်မှုပုံ ရှိသည်ဟုပြောဆိုသံကို ကြားခဲ့ရလေသည်။
မိမိတို့သည် အရှေ့ဘက်သို့ အောက်ဆင်းသော လမ်းကျဉ်းလေးအတိုင်း လှေကားထစ်သေးသေးလေးများကို ပတ်ဆင်းရင်း အောက်ထပ်ရှိ လှိုင်ဂူအတွင်းသို့ဝင်သော ကျောက်တံခါးသို့ သွားရောက်ခဲ့ကြသည်။ ယခုအခါ၌ အဆိုပါတံခါး ကြီးသည် အင်္ဂတေများဖြင့် ပိတ်ထားသလိုကို ပိတ်နေခဲ့လေသည်။ ထိုတံခါးကြီးကို ရွှေချသူများကိုလည်း တွေ့နေရလေသည်။ ထိုနေရာ၌ မရေတွက်နိုင်လောက်အောင်သော လင်းနို့များ မည်တမ်းနေသည်ကို တွေ့ခဲ့ရသည်။ အထက်ကျောက်တောင် အမိုးကြီးမှလည်း ရေပေါက်များ စိမ့်ကျသံများသည် မိုးရွာနေသလိုကို ရှိနေခဲ့လေသည်။ လင်းနို့များ၏မည်သံများ၊ရေပေါက် များကျသံများဖြင့် အောက်ထပ်ရှိ လှိုင်ဂူဝသည် ဆူညံနေခဲ့သည်။ မည်သည့်ခြေရာကိုတော့ တိတိကျကျ မသိရသောခြေရာကို ဘုရားဖူးများ ဝိုင်းကြည့်၍နေသည်ကို တွေ့တာနှင့် မိမိလည်းစမ်းရေများကို ကျော်ဖြတ်ကာ သွားကြည့်ခဲ့လိုက်သည်။ ထိုခြေရာသည် ကျောက်ဖြာကြီးတစ်ခုပေါ်၌ ထင်ကျန်နေခဲ့ခြင်းဖြစ်သည်။
ကျောက်တံခါးကြီး ပိတ်သွားပုံကိုလည်း ဒေသခံများပြောဆိုချက်အရ လွမ်းမောဖွယ်ရာပင် ကြားသိခဲ့ရလေသည်။ ပါးစပ်ရာဇဝင်ဖြစ်သော ထိုအဖြစ်ပျက်လေးကို ကြားလိုက်ရတော့ ရင်ထဲမှာ တော်တော်လေး သနားသွားရလေသည်။ တစ်နေ့ ရဟန်းတစ်ပါးနှင့် ကိုရင်ငယ်တစ်ပါး ကျောက်လှိုင်ဂူထဲ ဝင်ကြသည်။ မဝင်ခင် ရဟန်းတော်မှ ကိုရင်ငယ်ကို ဆိုဆုံးမ သြဝါဒ ပေးထားခဲ့လေသည်။ အကယ်၍ လှိုင်ဂူထဲရောက်လျင် လက်ဝတ်ရတနာ၊ကျောက်တန်ပတ္တမြားများကို တွေ့လျင်မယူမိဖို့၊စိတ် ထဲကနေတောင် ယူချင်တဲ့စိတ်မဖြစ်မိဖို့ ကိုရင်ငယ်ကို မှာကြားရင်း ထိုလှိုင်ဂူထဲသို့ ဝင်ရောက်ခဲ့ကြသည်။ လှိုင်ဂူထဲရောက်တော့ အဆိုပါကျောက်တန်ပတ္တမြား၊ လက်ဝတ်ရတနာများကိုတွေ့ရာ၌ ကိုရင်ငယ်သည် မိမိဆရာဘုန်းကြီးမှာထားတဲ့အတိုင်း မယူမိအောင်၊နောက်ဆုံးယူချင်တဲ့ စိတ်ကိုပင်မဖြစ်မိအောင် ထိမ်းသိမ်းနိုင်ခဲ့သော်လည်း ကိုရင်ငယ်ကို ဆုံးမသြဝါဒပေးခဲ့သော ရဟန်းတော်သည်ကား စိတ်ကိုမထိမ်းနိုင်ဘဲ ယူချင်တဲ့ဖြစ်တာနဲ့တပြိုင်နက် ထိုတံခါးကြီး ပိတ်သွားခြင်းဖြစ်သည်၊ ကိုရင်ငယ် သည်ကား မိမိခန္ဓာကိုယ်မျှသာ ထွက်နိုင်သော အပေါက်ကိုတွေ့၍ ထိုအပေါက်မှ ပြန်ထွက်နိုင်ခဲ့သည်။ ထိုကိုရင်ငယ် ထွက်လာသော အပေါက်ကို အစွဲပြု၍ မောင်ရင်သူငယ်ပေါက်ဟု ယခုထိတွင်နေလေသည်။ အဆိုပါ အပေါက်သည် အလွန်ပင် ကျဉ်းမြောင်းလှသည်။ ထိုအပေါက်ထဲရှိ ဘုရားလေးကို ဝင်ရောက်ဖူးမျှော်ရာ၌ တော်တော်ပင်စွန့်စားကြရသည်။ သို့သော်လည်း မိမိအပါဝင် ထိုအပေါက်ထဲသို့ ဝင်ရောက်ရန် စောင့်ဆိုင်းနေသော လူများလည်းအများပြားပင်ဖြစ်သည်။ အဆိုပါအ ပေါက်သူ လှိုင်ဂူအစွန်းတစ်ခုတွင်ရှိပြီး အောက်သို့ငုံ့ကြည့်လျင် အသုရာချောက် ကဲ့သို့နက်သော ချောက်ကြီးကို ကြည့်ရုံနဲ့ပင် ကြက်သီးမွှေးညင်းထလောက်သည်။ အကယ်၍ ကံမကောင်းစွာ အောက်သို့ပြုတ်ကျလိုက်လျင်တော့ မတွေးဝံ့စရာပင်ကောင်း လှပေသည်။ ယခုချိန်ထိတော့ အောက်ပြုတ်ကျသူဟူ၍ မတွေ့ရ၊မကြားသေးဟု ဆိုကြသည်။
ထိုမှတဆင့် စံကျောင်းတော်၏ မျက်နှာစာရှေ့တွင်ရှိသော တောင်အငယ်လေးအပေါ်ရှိ ကျွန်းပင်မောင်နှမစေတီ ငယ်သို့ တက်ရောက်ကြည်ညိုခဲ့လေသည်။ ထိုစေတီငယ်သည်လည်း ရာဇဝင်နှင့်ဖြစ်လေသည်။ ညနေအတော်စောင်း၍ တည်းခိုရာ ဇရပ်တန်းစောင်းသို့ ပြန်ခဲ့ကြလေသည်။ လူများလည်း ကိုယ့်အုပ်စုနှင့်ကို ချက်ပြုတ်စားသောက်သူများ၊ ဆိုင်မှာ စားသူများဖြင့် ပွဲဈေးတန်းကြီးသည်လည်း စီကားနေလေသည်။ မင်းကင်း၊ ဂန့်ဂေါ၊ ကလေး၊ ယင်းမာပင်၊ ကနီမှ လူတော်တော် များများကိုသာ တွေ့ခဲ့ရလေသည်။
ပွဲဈေးတန်းကြီးသည် များသောအားဖြင့်တော့ မိမိတို့ဒေသထွက်ကုန်များကိုသာ ဦးစားပေးရောင်းချ နေကြခြင်းဖြစ်လေသည်။ လူများလည်း ကြိတ်ကြိတ်တိုးစီကား နေခဲ့လေသည်။ ဘုရားရာဇဝင် မှတ်တမ်းစာအုပ်များ၊ဆင်မြီးလက်စွပ်များ၊အ လောင်းတော် ဘုရားဖူးအမှတ်တရ ရေးထိုးထားသော စွပ်ကျယ်အင်္ကျီများ၊ယောဂီတဘက်များကို ရောင်းချနေသောဆိုင်များ မှာ လူတွေပိုမိုများပြား ဝယ်နေကြသည်ကို တွေ့ရလေသည်။ နေလုံးကြီးသည်လည်း မကြာခင်အချိန်အတွင်းမှာ တောင်စွယ်မှာ ဝင်ရောက်တော့ မည်ဖြစ် သည်။ နီရဲနေသော ထိုနေလုံးကြီးကို တောင်ထိပ်မှာ မြင်လိုက်ရသော မြင်ကွင်းသည်လည်း ဘာနှင့်မျှ နိုင်ဆ၍မရသော မြင်ကွင်းမျိုးဖြစ်နေလေသည်။ နေရောင်မပျောက်ခင် ဆင်များနှင့်ဓာတ်ပုံရိုက်နေသူများကိုလည်း မြင်နေခဲ့ရသည်။ သူတို့အားလုံး၏ ရင်ထဲ၌လည်း ဒုက္ခဟူသမျှမတွေ့ရဘဲ ပြုံးပျော်နေခဲ့ကြလေသည်။ ရေသောက်စရာ၊ချိုးစရာ များလည်း တောင်ပေါ်ဆိုပေမဲ့ မရှားပါးပေ။ ထူးဆန်းသောရေတွင်းတစ်ခုလည်း ဘုရားအနီးအနားမှာ တွေ့ခဲ့ရသည်။ သစ္စာရေတွင်းဟုခေါ်သော ထိုရေတွင်းမှ လူများသည် ပုံးနှင်ငင်လျက် မိမိတို့ပါ လာသော ရေသန့်ဗူးခွံထဲသို့ ထည့်နေကြလေသည်။ ထိုရေကိုသောက်လျင် ရောဂါဘယ ကင်းသည်ဟု ပြောဆိုသံများလည်း ကြားနေခဲ့ရလေသည်။

ဘုရားဖူးများ၏ ပါးစပ်ရာဇဝင်အနေဖြင့် နောက်ခံသမိုင်းကြောင်း ကွဲနေလေသည်။ အချို့က ဘုရားရှင်လက်ထက် တော်က တတိယသာဝကကြီးဖြစ်တဲ့ အရှင်မဟာကဿပ ကိုယ်တော်ကြီး၏ အကြောင်းကိုပြောဆိုကြပြီး၊အချို့ကတော့ ပေါင်လောင်ကဿပဟု ယူဆ လျက်ပြောဆိုကြလေသည်။ များသောအားဖြင့်တော့ သမိုင်းနောက်ခံများအရ တတိယ သာဝက ကြီးဖြစ်တဲ့ အရှင်မဟာကဿပကိုယ်တော်ကြီးသာလျင်ဖြစ်ကြောင်း အခိုင်အမာ ပြောဆိုနေကြလေသည်။ သမိုင်း စာအုပ်များအနေဖြင့်လည်း မိမိတို့အားသန်ရာကိုသာ ရေးသားနေသည်ကို တွေ့ခဲ့ရလေသည်။ ပွဲဈေးတန်းလျှောက်ပြီးပင် ပမ်းနေတာကြောင့် စောစောစီးစီးပင် အိပ်ယာဝင်ခဲ့လေသည်။ အခြားလူများအနေဖြင့်တော့ ဘယ်အချိန်ထိ ပျော်မြူးနေကြ ဦးမည်မသိပေ။
မနက်စောစောထပြီး ထင်းဖိုလျက် မီးထလှုံကြသည်။ မီးလှုံရင် တင်းဝါးဖုတ်စား ကြသည်။ တင်းဝါးရနံ့လည်းတော် တော်လေး မွှေးကြိုင်နေခဲ့သည်။ ညကထဲက အသင့်ပါလာ သော ကောက်ညှင်းဆန်ကို အဆိုပါတင်းဝါးအစိုထဲထည့်ပြီး ရေစိမ်ထားခဲ့ခြင်းဖြစ်သည်။ ရန်ကုန်အခေါ်ကတော့ ကောက်ညှင်းခြေထောက်ဟုခေါ်ဟန်တူသည်။ သို့သော် အရသာခြင်း ကား မတူပေ။ ဤ၌ရှိသော တင်းဝါးအစိုများကပင် မွှေးကြိုင်နေခဲ့သည်။ စား၍လည်း တော်တော်ကောင်းသည်။ ရေနွေးပုဂံထဲမှာ ဆားနှင့်ဆီကိုထည့်ထားပြီး ကောက်ညှင်းကို တို့စားရင်း။ အနည်းငယ် ဝေလီဝေလင်းရောက်တာနဲ့တပြိုင်နက် ဆောင်းအေးအေးမှာ ကိုယ့်အဖွဲ့နဲ့ကိုစုပြီးတော့ လွမ်းစေတီဘက်သို့ လျှောက်ခဲ့ကြသည်။ လမ်းကတော့အနည်းငယ် ကျဉ်းသည်။ တစ်ခါတလေ ဆင်ကြီးများနှင့် ပက်ပင်းတွေ့တဲ့အခါမျိုးလည်း ကြုံတွေ့ခဲ့ရသည်။ ထိုအခါမျိုး၌ မိမိတို့ကသာ အလိုက်သိ ရှောင်ပေးရသည်။ သို့သော်အဆိုပါ ဆင်ကြီးများသည် ခရီးသွားများကိုတော့ ဒုက္ခမပေးချေ။
လရောင်ကိုသာ အဖော်ပြုရင်း ချမ်းအေးအေးဆိုသလို တောရနံ့ကိုရှုရှိုက်လျက် ပျော်ပျော်ပါးပါး ခရီးသွားနေခဲ့ကြသည်။ ချောင်းအတန်တန် တောအသွယ်သွယ်ကို ဖြတ်ကျော်လျက် ခရီးသွားကြခြင်းဖြစ်သည်။ ပြန်လာသောအဖွဲ့များကို လည်းတွေ့ နေခဲ့ကြရသည်။ သူတို့ဘယ်ချိန်က ထသွားကြသည်မသိ။ အသွားအပြန် ဘုရားဖူးများ တစ်ယောက်နဲ့တစ်ယောက် စနောက်ကျီစယ်လျက် လွမ်းစေတီကို ဆက်လက်ချီ တက်ခဲ့ကြသည်။
လွမ်းစေတီဘုရားပေါ်မှာတော့ လူတွေကြိတ်ကြိတ်တိုးနေခဲ့သည်။ ပါလာသော ဖရောင်းနှင့်အမွှေးတိုင်တို့ကို ကပ်လှူကြရင်း ထွန်းညှိပူဇော်ကြသည်။ အချို့ကတော့ စေတီရဲ့အနီးနားမှာရှိသော ကျွန်းပင်ကြီးအောက်၌ထိုင်နေလျက် ဘယ်ဆီမသိ ငေးမော ကြ လျက် လွမ်းနေကြဟန်တူပါသည်။ လွမ်းစေတီ၏ သမိုင်းအကြောင်းကိုလည်း သိတဲ့သူများ ပြောပြ၍ နားထောင်ခဲ့ရသည်။ အဇာသတတ်မင်းကြီးရဲ့ အလွမ်းဓာတ်ခံကို ထပ်ဆင့်လွမ်း နေမိခဲ့သည်။ ဟိုလွန်ခဲ့သော နှစ်ပေါင်း(၂၅ဝဝ) ကျော်က သတ္တဝါဝေနေယျတို့ကို ကျွတ်တမ်း ဝင်စေဖို့ မနေမနားခရီးလှည့်လည် သွားလာရင်း နောက်ဆုံးဝါအဖြစ် ဝေဠုဝရွာမှာ ဝါကပ်တော်မူလျက် မလ္လာမင်းတို့၏အင်ကြင်းတောမှာ ပရိနိဗ္ဗာန်ပြုသွားတော်မူခဲ့သော ဘုရားရှင်နောက်ဆုံးအခြေအနေကို လူနတ် ဗြဟ္မာများခြံရံလျက် လွမ်းမောဖွယ်မြင်ကွင်းကို မြင်ရောင်လျက်လွမ်းနေခဲ့သည်။ လက်ဝဲတော်ရံ အရှင်သာရိပုတ္တရာကို လွမ်းသည်။ လက်ယာ တော်ရံ အရှင်မဟာမောဂ္ဂလာန်ကိုယ်တော်ကြီးကို လွမ်းသည်။ တတိယသာဝကကြီးအဖြစ် အရှင်မဟာကဿပ ကိုယ်တော်ကြီးကိုလွမ်းသည်။ အခု အရှင်မဟာကဿပကိုယ်တော် ကြီးရဲ့ အနီးနားမှာရောက်နေ သော်လည်း မမြင်ရတော့ ပိုပြီးလွမ်းမောမိလေသည်။ ဥပမာ အရှင်အာနန္ဒာရဲ့ ပုထုဇဉ်ပီပီ ဘုရားရှင်ကိုလွမ်းသလို လွမ်းမိနေ တော့သည်။ ထိုမှပြန်ဆင်း ခဲ့ပြီး ကြွရောက်လာသမျှသော သံဃာတော်များကို ဆွမ်းလောင်းပွဲကျင်းပသဖြင့် ငွေသားများ ကို လောင်းလှူရင်း အလွမ်းတွေ ပွေ့ပိုက်လျက် အလောင်းတော်ကဿပဘုရားမှ ပြန်လည် ထွက်ခွါလာခဲ့တော့သည်။
မောင်မင်းစိုး(ရွှေနံ့သာ)