စံမမှီ
တ ဖျတ်ဖျတ် ပွင့်နေတဲ့ အပြုံးမှာ ကင်မရာမီးတွေ လင်းနေသလို
သကာရည်လောင်းထားတဲ့ လျှာဖျားကို ရောင်ပြန်ဟပ်
ပူဆာလွန်းသော ၀မ်းတစ်မီးကြောင့် အခိုးအငွေ့ က စေလိုရာ စေ
လောင်နေတဲ့မီးက ကမ္ဘာ မှတ်လို့  ကိုယ့် ကိုကိုယ် ချနင်း
လက်လေးသစ်အပြင် အပိုမပါသော ခြေဖ၀ါး လက်ဖ၀ါးက မွေးကတည်းက ဗလာ
ထင်ရှားတဲ့အမှတ်အသားတစ်ခုက ယာလည်ပင်း မှဲ့ ရှိ
ပြတ်ရှနေသော လက်ကောက်ဝတ်တစ်စုံနှင့်
အဲ့ဒီလို အဲ့ဒီလို ကပ်နှိပ်ထားတဲ့ အသားကပ် စတစ်ကာတွေ
အဲ့ဒီလို အဲ့ဒီလို ရေးထိုးဦးမဲ့ မှတ်ပုံအသစ်တွေ
ဖြန့် ဖြန့် ကြည့် လွန်းတဲ့ ကမ္ဘာက ဆွေးမြေ့ လွယ်သလို ပုပ်သိုးမြန်တယ်
ဒီဒလက်မလည်နိုင်သရွေ့  ဒီအိုင်က သေနေတော့မဲ့ ရေ
ပုတီးတစ်လုံးမချ ၊ရွတ်နေတဲ့ မေတ္တာစာမှာ နကန်းတစ်လုံးမှမသိ
သစ္စာတရားရဲ့ ဖြစ်ပျက်မှန်ကို မရှာနိုင်ပဲ
ငါ….သစ္စာစကားတွေထပ်တလဲလဲ သုံးစွဲ
နဲနဲလေးသိတဲ့တရားကလည်း မှိုင်းမိတော့အဆိပ်တက်တယ်
မြောပါသွားသူတစ်ယောက်အတွက်….
ဂြိုလ်တိုင်က ဘုရားမှန်သမျှ လောဘတွေသွန်းလောင်း
မွေးနံထောင့်ထွက်နေတဲ့  မီးခိုးလိပ်ဟာ မောဟတွေ လောင်လို့ 
ကတ္တရာလမ်းပြောင်ပြောင်မှာ ၀ါးတံတားထိုးရင်ထိုးနေမိတာ
ချေနေတဲ့ ယတြာက မခြေဖျက်နိုင်တဲ့ ဆန္ဒ
ရလိုမှုတွေတရင်း လိုတာတွေရဖို့  လိုတရကို ဆောင်
ဘယ်သူကထမင်းသုံးနပ်ထက် ပိုစားနိုင်လို့ လဲ
ခြေဖ၀ါးတစ်စုံအပြင် မြေတစ်လက်မ ပိုသိမ်းထားနိုင်သလဲ
အစားတစ်လုတ်အတွက်သွားရမဲ့လမ်း …..အမှားမခံနိုင်ဘူးးးးးးး
အမှန်တရားအတွက် အမှတ်တစ်ရာ မပြည့်ရင်နေ
ရင်းစားတွေခဏ ခဏ အဆုံးရူံးမခံနိုင်ဘူး။
သောင်းကျန်းလွန်းတယ် ပိုးဟပ်ဟာ အရမ်းပဲ
အကောင်းပလောင်တွေစုံလွန်းတယ် …အမှိုက်ပဲ
ဒီနေရာဟာ ရုန်းထွက်ရန်တော်လှန်နေပါတယ်
ပြင်းအားဒသမ ဘယ်ရွေ့ ဘယ်မျှ ပျောက်နေတဲ့နံရိုးနောက် လိုက်ပါတယ်။
စွဲထားတဲ့ ပညတ်နောက် လိုက်ပါတယ်။
………နောက်လိုက်ပါတယ်။
……….နောက်လိုက်ပါတယ်။
လိုက်ပါရင်း…..နောက်ကျိ
ကျောက်ချဉ်…စိမ်ထားသော စိတ်အနည်ဟာ ကြောက်ချင်ယောင် ထထ ယောင်တယ်
အညိုအမဲချွတ်ချင် အညှော်အပုပ် ရှောင်
၁၀၀% သန့်စင်ပြီးမှ ဒီခေါင်းနဲ့  ဒီအမြီးကို ခြုံဖို့  လိုသလိုမျိုး
စားကျက်ပြောင်းရင်း ပြောင်းရင်း
ငါ့ လိပ်ပြာ ငါမသန့်တော့ ချဉ်ပုလင်းထဲပဲ ပြုတ်ပြုတ်ကျတယ်။
မြ(၂၄.၁၀.၂၀၁၂)
No comments:
Post a Comment