Monday, October 28, 2013
ညီမလေးရဲ့ စိုးထိတ်မှုမှာ ဆာလောင်မှုတွေနဲ့
နံရံကို ခပ်ဆတ်ဆန် ပုတ်လိုက်တာက ဘ၀တစ်ခုကိုဝါးမျိုဖို့ပေါ့
တစ်သံသရာလုံး အောင့်အီးထားမှုကို ခွာချဖို့ အမှောင်ညဟာ လင်းလာခဲ့တယ်
ရေကြည်တိုင်း မြက်မနုပါဘူး သီလဟာ သီသီလေး လှပစွာ ပြိုကျလို့
မျက်ရည်တွေ စီးကျနေတဲ့ မျက်နှာတွေက မျက်မှန်တပ် ဖုံးကွယ်လို့ မရပါဘူး
တဒင်္ဂပြေငြိမ်းဖို့ နာကျင်မှုတွေနဲ့ ဘ၀ကို စတေးလိုက်ရတယ်
သွေးနဲ့ကိုယ် သားနဲ့ကိုယ်ဆိုပေမယ့် သွေးသားတွေဟာ သွေးစွန်းနေခဲ့တယ်
အနန္တဂိုဏ်းဝင်တွေက အရိုးပေါ် အရေတင်လို့ အရေးပေါ် လိုအပ်နေခဲ့တယ်
လူသားတစ်ယောက်ရဲ့ ဖြစ်တည်မှုဟာ အဖြစ်သနစ်တွေနဲ့ လုံးလည်လိုက်လို့
ညီမလေး နင်ဟာ သောကမျက်ရည်တွေကို မသုတ်အားဘူး
တောကြောင်တွေ လက်ခမောင်းခတ်တာက တောင်းတမှုကို
တောချောက်လိုက်တဲ့ အစွန်းရောက် တွန်းအားတွေပါ
ရှိုက်သံမစဲတဲ့ ၀န်းကျင်မှာ သက်ပြင်းတွေ သွန်သွန်ချနေရတာကိုက
ကြေးရတက်တွေအတွက်တော့ ငြိမ့်ညောင်းသံစဉ် ဖြစ်ခဲ့တယ်
မင်းနင်းထားတဲ့ မြေလို ဘယ်လောက် ခံနိုင်ရည် ရှိနိုင်မှာမို့လဲ
ညီမလေး ဒီကဗျာဟာ စီးကျနေတဲ့ မျက်ရည်တွေနဲ့
ကမ္ဘာမြေ စိမ်းလန်းစိုပြေဖို့ စိုက်ခဲ့တဲ့ သစ်ပင်မဟုတ်ပါဘူး
မင်းရဲ့ အတွင်းကြေ ငိုရှိုက်သံတွေနဲ့ ပျော်တော်ဆက် ဘ၀ရဲ့ နာကျင်မှုတွေကို
လက်ဆင့်ကမ်း ဝေငှခြင်းသာ ဖြစ်ပါတယ်။
မောလိုက်တဲ့ ဘ၀ကြီးကို တငုံပြီးတစ်ငုံ မော့မော့ချနေရတဲ့ နေ့ရက်တွေနဲ့
ဝေးကွာနိုင်စေဖို့ တောင်းဆုချွေလိုက်တယ်
ဆာလောင်မှုတွေနဲ့ စိုးထိတ်မှုတွေ ရောပြွမ်းနေတဲ့ အသိုက်မြုံမှာ နေပျော်ပါစေ။
မောင်မင်းစိုး
(၂၇-၁၀-၂၀၁၃)
Subscribe to:
Post Comments (Atom)
No comments:
Post a Comment