ဒီတစ်ခါကော
ထူးခြားတဲ့ပြောင်းလဲမှု ဦးတည်နိုင်ပမလား
ဘ၀ကို
နံရံဆီပစ်ပေါက်လိုက်တယ်။
ကိုယ်ယုံကြည်ရာ ဖက်တွယ်ခဲ့ပေမဲ့
ဝီထိအစဉ်မှာ အကုသိုလ်ဇောတွေပဲ စောနေခဲ့တယ်
အိပ်မရတိုင်း
တယောထထထိုးရတာ အရသာမရှိဘူး။
ကောင်းကင်ပြာတာ မဆန်းပေမဲ့
အချိန်အခါမဟုတ် မိုးရွာတာဆန်းတယ်
ကောင်မလေးရေ
မင်းမေးရိုးတွေ ခိုင်မာသေးမဟုတ်လား။
ဒီမှာ
လှုပ်လေမြှပ်လေ
ငြိမ်ငြိမ်နေလို့ မရဘူး
ဒီတော့
စိတ်အဆာမပြေတိုင်း
တောက်ပဲ ခေါက်မိတယ်။
(၂၀၀၇-စက်တင်ဘာ)
မောင်မင်းစိုး(ရွှေနံ့သာ)
No comments:
Post a Comment