အခါလွန် အတွေးများ၊ တန်ဖိုးမဲ့ကာလများ၊ ထောက်တည်ရာမဲ့နေ့ရက်များ၊ ရှင်းလေရှုပ်လေ ပြဿနာများ၊ ထူးထွေဆန်းပြားလာသော တီထွင်ဆန်း သစ်မှုများ၊ အရောင်မဲ့ ဆာလောင်မှုများ၊ ကံကြမ္မာ ကောက်ကြောင်းများ၊ ရှင်းထုတ်ရခက်နေသော အတောင်မပါတဲ့ စကားလုံးများ၊ လာခြင်းမကောင်းသော လူ့ဘဝတန်ဖိုးမဲ့ အရာများ၊ ခံတပ်များ အဆင့်ဆင့် ပြိုလဲနေသော ပြိုင်ပွဲများ၊ အရင်းရှင်ခေတ်ကို ပြန်လည်ဦးမော့နေသော ဈေးကွက်စီးပွားရေးများ၊ တစ်အာဏာရှင် စနစ်ရဲ့ ငိုယိုခဲ့ရသော သမိုင်းစာမျက်နှာများ၊ ရုပ်ဝတ္ထုများနှင့် အပြိုင်ကြဲနေရသော စိတ်ဓာတ်ပြောင်းလဲရေး အသံများ၊ ခင်မင်မှုနှင့် သစ္စာခံမှုဖြင့် တည်ဆောက်ထားသော
လူ့အကျင့်စရိုက်များ၊ အမှန်တရားများ ကွယ်ပျောက်လာသော ခေတ်ကာလအခြေအနေများ၊
လုံခြုံ ရေးနှင့် နပန်းလုံးနေရသော စစ်မျက်နှာပြင် လုံးထွေးနေမှုများ၊ အဆင့်ဆင့် ခေါင်းခဲနေရသော ကမ္ဘာ့လူတုပ်ကွေး ရောဂါသည်များ၊ အိုဇုန်းလွှာနှင့် အန္တာတိကတိုက်ရှိ ရေခဲများ အရည်ပျော်ကျ နေသော ဆိုးကျိုးများ၊ နျူကလီးယားဇုန်မှာ အသံတိတ်လည်ပတ်နေတဲ့ ယန္တရားများ၊ တစ်ခါကဆိုတဲ့ မရေရာတဲ့ စကားလုံး ခြိမ်းခြောက်မှုများ၊ သီအိုရီကို ခေါင်းပေါ်တင်ပြီး အခြေအနေများကို ဖန်းတီးတည်ဆောက်မှုများ၊ ကာလပေါ်တေးသွားများ တစ်စစီ ပြိုလဲနေခဲ့သော ဟစ်အော်သံများ၊ လူတစ်ယောက်အတွက် အချိန်ကာလနှင့် အကျင့်စရိုက်များ ထိုးကျွေး နေခဲ့ရတဲ့ အရိပ်မဲ့ လှုပ်ရှားနေမှုများ၊ ထင်ယောင်မှားများနှင့် ဂဏန်းများကို ဆော့ကစားနေခဲ့သော ဂိမ်းပွဲများရဲ့ မသေချာမှုများ၊ အလစ်ဝင်တိုက်ရင်း ကိုယ်တိုင်တရားခံဖြစ်နေခဲ့ရတဲ့ ပါပမိစ္ဆာများရဲ့ မသေချာတဲ့ စိုးရိမ်မှုများ၊ အလင်းနှစ်သန်းတစ်ထောင်သို့ ရွေ့လျားပြီး အပြိုင် လင်းလက်နေတဲ့ ရယ်ပွဲဖွဲ့ စက်ဆုပ်ဖွယ်များ၊ ‘ဒီလိုနဲ့ အချိန်ရဲ့ မျဉ်းများ တရွေ့ ရွေ့ ....။
အမှောင်က လာပြီး အမှောင်ကို သွားမည့် လူ။ အမှောင်က လာပြီး အလင်းကို သွားမည့် လူ။
အလင်းက လာပြီး အမှောင်ကို သွားမည့် လူ။ အလင်းက လာပြီး အလင်းကို သွားမည့် လူ။
ယုတ်နိမ့်ပြီး ဆက်လက် နိမ့်ကျနေမယ့် လူ။ ယုတ်နိမ့်နေသော်ငြား မြင့်မြတ်မည့် လူ။
မြင့်မြတ်သော်လည်း ယုတ်နိမ့်မည့် လူ။ မြင့်မြတ်ပြီး လူကြီးလူကောင်းဆန်ပြီး မြင့်မြတ်မည့် လူ။
ချုန်းသာ ချုန်းပြီး မရွာတဲ့ မိုး။ ရွာကား ရွာ၏ မချုန်းသော မိုး။
ချုန်းလည်း မချုန်း၊ ရွာလည်းမရွာသော မိုး။ ချုန်းလည်းချုန်း ရွာလည်းရွာတဲ့ မိုး။
တိမ်လျက် နက်ယောင်ရှိသော ရေအိုင်။ နက်လျက် တိမ်ယောင်ရှိသော ရေအိုင်။
တိမ်လျက် တိမ်ယောင်ရှိသော ရေအိုင်။ နက်လျက် နက်ယောင်ရှိသော ရေအိုင်။
အဲဒီလိုမျိုး ဘုရားဟောများ ရှိခဲ့တယ်။
မောင်မင်းစိုး
No comments:
Post a Comment